Պարզվում է՝ այսօր Շոփինգի համաշխարհային օրն է: Այն դեռեւս այնքան էլ հայտնի չէ, բայց ասում են՝ չինացիներն են հորինել, երբ գործարկում էին իրենց մեգահանրահայտ համացանցային հարթակներից մեկը: Սակայն հանգիստ թողնենք Չինաստանին եւ Երեւան վերադառնանք, որտեղ վերջին տարիներին շոփինգը դարձել է հարմարավետ եւ հետաքրքիր...
Անձամբ ինձ համար դա մի ամբողջ ծիսակարգ է: Ինչպես փորձն է ցույց տալիս, չի կարելի անմիջապես խանութներում այս ու այն կողմ ընկնել: Եկել եք մոլ, ուրեմն մի՛ շտապեք. սուրճ կամ թեյ ըմպեք, մտովի մոտավոր հաշվարկ արեք, նույնիսկ ավելի լավ է ցանկությունների ցանկը կազմեք: Շատ սխալ է քաոտիկ ձեւով ամեն ինչի վրա անմիջապես նետվելը. արդյունքում՝ կունենաք ոչ պիտանի իրերի կույտ, անիմաստ ծախսեր եւ փչացած տրամադրություն: Ուստի՝ մի՛ շտապեք, այն ամենը, ինչ ձեզ պետք է՝ գրեք «օրգանայզերում» եւ առաջ:
Երկրորդ խորհուրդ: Եթե ինչ-որ բան եք գտել, անմիջապես մի գնեք: Խնդրեք մի կողմ դնեն եւ շարունակեք փնտրել. գուցե ավելի հետաքրքիր նորույթ գտնեք, իսկ հետո կզղջաք, որ չեք կողմնորոշվել: Կարելի է, իհարկե, «սխալ» ապրանքը վերադարձնել, բայց դա հոգս է, հերթերում լրացուցիչ հոգնություն: Ձեզ դա հարկավո՞ր է: Հետո, ամեն տեղ չեն ապրանքը հետ վերցնում: Խանութներից մեկում ինձ հետ այդպես էլ վարվեցին: Մինչեւ վերջ մնացին իրենց ասածին՝ կարելի է միայն փոխել: Ստիպված էի տխմար սվիտերով փոխել, որը մինչ օրս պահարանում փոշոտվում է:
Մի պահ էլ կա: Մի՛ գայթակղվեք, այսպես կոչված, զեղչերով: Եթե «որոշ» գումար ունեք, իսկ ինչ-որ տեղ զեղչեր են, պետք չի ծախսվել երկար ժամանակ չվաճառված ապրանքի վրա: Ավելի ճիշտ՝ եթե ձեզ պետք է պարկով անիմաստ հագուստ, որից ընկերությունն ուզում է ազատվել, ապա խնդրեմ, բայց ինձ համար ավելի լավ է եւս մի քիչ ավելացնեմ եւ արժանի մի բան գնեմ:
Ինչպե՞ս իմանալ գնվելիք ապրանքը ձերն է հենց, թե ձերը չէ: Անպայման փորձեք: Մի՛ դրեք ձեր վրա, այլ հատկապես հագեք եւ նայեք: Օրինակ՝ ձեզ հարկավոր է կոնկրետ կիսաշրջազգեստի համար բլուզ, որը, սակայն, տանն է մնացել: Մի գնեք աչքաչափով: Շատ հաճախ երանգը, ձեւվածքը առաջին հայացքից կատարյալ են թվում, իսկ իրականում ընդհանրապես այն չեն: Ուստի ավելի լավ է խնդրել մի կողմ դնեն, իսկ եթե այն ձեզ իսկապես շատ հարկավոր է, խանութ վերադարձեք կիսաշրջազգեստով: Նույն պատմությունն է նաեւ կոշիկի դեպքում: Գիտե՞ք, այն կերպարը փչացնելու հատկություն ունի: Ձեզ թվում է, թե կրունկը ընտրած տաբատին կատարելապես կհամապատասխանի, իսկ իրականում այն, օրինակ, կազմվածքն է կարճացնում… Մի խոսքով, կրկին մի՛ շտապեք, եթե վստահ չեք:
Չմոռանամ մի բան էլ ասել: Քաղցն ամեն ինչում վատ խորհրդատու է: Այդ թվում՝ այնտեղ, որտեղ խոսքը գնումներին է վերաբերում: Դա նույն բանն է, որ դատարկ ստամոքսով մտնես սուպերմարկետ եւ անխտիր ամեն ինչ գնես: Հավատացեք, ճիշտ այդպես է նաեւ նոր հագուստի դեպքում: Հետեւաբար, եթե զգաք, որ ձեր մեջ արթնացել է քմահաճ երեխան, ձեռքի հետ թեթեւ մի բան կերեք: Փառք Աստծո, հիմա ամենուր ֆուդկորտեր, սրճարան-ռեստորաններ կան...
Իրականում այս խորհուրդները անչափ հարաբերական են: Միգուցե դուք ունեք շոփինգի սեփակա՞ն փորձած սցենարներ, որոնք իմից ավելի լավ են գործում: Հայտնեք, հաճույքով կկարդամ, կքննարկենք...
Աննա Սաթյան
Հետևեք NEWS.am STYLE-ին Facebook-ում, Twitter-ում և Instagram-ում
16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ