Այս տարի Yerevan Jazz Fest-ն առատ է զարմանալի իրադարձություններով: Սեզոնը բացեց աշխարհահռչակ կուբացի շեփորահար, դաշնակահար եւ կոմպոզիտոր Արտուրո Սանդովալը: Իսկ երեկ՝ Ararat Jazz Night-ի շրջանակներում մելոմաններին իր կատարմամբ եւ վոկալով գերեց փարիզուհի, հոյակապ երգչուհի՝ Չայնա Մոսեսը:
Անմիջապես ասենք, որ Մոսեսը ականավոր ԴիԴի Բրիջուոթերի դուստրն է, որը 2016 թվականին նույնպես Հայաստան է այցելել՝ որպես պատվավոր հյուր ջազ-ֆեսթին մասնակցելու... Մոսեսը 16 տարեկանում ձայնագրել է իր առաջին՝ «Time» (1996) սինգլը, որի հիման վրա Ժան-Բատիստ Մոնդինոն հոլովակ է նկարահանել: Երգչուհու հանրաճանաչությունն սկսել է աճել «China», «On Tourne en Rond» եւ «Good Lovin’» երգերի թողարկումից հետո, որոնցից հետո նրան սկսել են ընդօրինակել R&B ժանրի ֆրանսիացի կատարողները: Նա իր ալբոմները թողարկել է շվեդական պրոդյուսերական Breaking Bread ընկերության համագործակցությամբ՝ այնպիսի հայտնիների հետ, ինչպիսին են՝ DJ Mehdi-ն, Diam’s-ը, Քարրի Ռեգինսը, Guru-ն, Էնթոնի Մարշալը...
Չայնա Մոսեսն երեկ երգել է Պետական ջազային նվագախմբի նվագակցությամբ՝ Արմեն Հյուսնունցի դիրիժորությամբ: Կատարել է ինչպես բոլորին լավ ծանոթ կոմպոզիցիաներ, այնպես էլ նոր ստեղծագործություններ: Երգչուհին յուրաքանչյուր կոմպոզիցիա եւ նոտա իր միջով էր անցկացնում՝ ներկայացնելով այն, ինչը բացարձակ ձայն է կոչվում, փոխանցելով տրամադրություն եւ զգացումներ, որոնք մելոմանները երկար ժամանակ չեն կարողանա մոռանալ, նաեւ կիսվելով իր իսկ կյանքի պատմություններով՝ սեր, հիասթափություն, վեճեր, ընկերություն... Համերգի ավարտին նա ստիպոեց բոլորին հետեւել իր ռիթմերին, պարել, երգել եւ ձայնակցել իրեն ելույթի ընթացքում, ինչը հանդիսատեսը սիրով կատարեց:
Երեկոյի մյուս զարդը հայտնի բաս թավջութակահար Արտյոմ Մանուկյանն էր, որն ԱՄՆ-ում է բնակվում, բայց պարբերաբար մեզ ուրախացնում է իր հյուրախաղերով: Արտյոմն իսկական պրոֆեսիոնալ է, այն երաժիշտներից, որոնց մասին ասում են՝ խելացի երաժիշտ, ում ստեղծագործությունները նրա մեկնաբանմամբ մշտապես ուղիղ սրտիդ մեջ են հայտնվում...
NEWS.am STYLE-ի թղթակիցը ներկա էր համերգին եւ ներկայացնում է դրա ամենավառ դրվագները:
Նշենք, որ այս տարի լրանում է Հայաստանի Պետական ջազային նվագախմբի 80-ամյակը, եւ հենց այս պատճառով Yerevan Jazz Fest-ի կազմակերպիչ, Ջազի հայկական ասոցիացիան որոշեց միջոցառումը նվիրել նվագախմբի հիմանդրի՝ դիրիժոր Արտեմի Այվազյանի հիշատակին։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով12:55, 28 մարտի
Ջուլիա Ռոբերթսը կնկարահանվի ռեժիսոր Լուկա Գուադանինոյի թրիլերում12:13, 28 մարտի
Մայքլ Ջեքսոնի երեք երեխաները հայտնվել են կարմիր գորգի վրա՝ ի պատիվ իրենց հանգուցյալ հոր11:17, 28 մարտի
Քիմ Քարդաշյանին դատի են տվել կահույքի համար10:29, 28 մարտի
Բրիթնի Սփիրսը նիհարում և շարունակում է հրապարակել իր մերկ լուսանկարները10:03, 28 մարտի
«Ինկած բերդի իշխանուհին»՝ Լավագույն ներկայացում, Տիգրան Գաբոյանն ու Արաքսյա Մելիքյանը՝ լավագույն դերասաններ. կայացավ «Արտավազդ» մրցանակաբաշխությունը09:00, 28 մարտի
ՄԱՐՏԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:15, 27 մարտի
Իտալացի մոդելն այնքան գեղեցիկ է, որ շատերը վստահ են, որ նա չափազանց լավն է իրական լինելու համար22:17, 27 մարտի
Շոտլանդական արտադրող արհեստական ինտելեկտի միջոցով ստեղծել է հազվագյուտ վիսկի՝ 50 հազար դոլար արժողությամբ21:02, 27 մարտի
Մոնակոյում կանցկացվի Superyacht Chef-ի 5-րդ մրցույթը