• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Միլանում կանցկացվի Յոհջի Յամամոտոյի` «Նամակ ապագային»խորագրով ցուցահանդեսը

  Միլանում կանցկացվի Յոհջի Յամամոտոյի՝ «Նամակ ապագային» ցուցահանդեսը․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

• Դոմենիկո Դոլչեի եւ Ստեֆանո Գաբանայի վիթխարի ընդունելությունը Միլանում

  Դիզայներներին շնորհավորելու էին եկել հանրահատ աստղեր՝ Շերը, Դեմի Մուրը, Լուպիտա Նիոնգոն, Թեո Ջեյմսը, Հելեն Միրենը, Իզաբել Ռոսելինին, Լիլի Ջեյմսը, Ռոզի Հանթինգթոն-Ուայթլին, Նաոմի Քեմփբելը եւ շատ ուրիշներ...

• Ray-Ban-ը, համագործակցելով Լեննի Կրավիցի հետ, ներկայացրել է Aviator Reverse եզակի ոսկե ակնոցները

  Ակնոցների Ray-Ban հայտնի ապրանքանիշը միավորվել է լեգենդար երաժիշտ եւ ոճի խորհրդանիշ Լեննի Կրավիցի հետ՝ տպավորիչ համագործակցության համար…

• Hermès-ի Oran սանդալները նշում են իրենց 25-ամյակը, սակայն դեռևս կորցրել են իրենց պաշտամունքի կարգավիճակը

  Hermès-ի Oran սանդալները նշում են իրենց 25-ամյակը, սակայն դեռևս կորցրել են իրենց պաշտամունքի կարգավիճակը։ Ստեղծման օրվանից՝ 25 տարի առաջ, Oran-ը դարձել է աշխարհի ամենաբաղձալի կոշիկներից (և աքսեսուարներից)...

Մոտենում է ձմեռը, որի անունն անգամ արդեն դեպրեսիա է առաջացնում շատերի մոտ, հատկապես նրանց, ովքեր մտածում են, թե ձմռանը հնարավոր չէ լինել եւ նորաձեւ, եւ հարմարավետ: Դիզայներ Արփինե Կոշտոյանը համաձայն չէ այս տեսակետին. NEWS.am STYLE-ի հետ զրույցում նա թվարկում է գալիք սեզոնին թրենդային համարվող հագուստի դետալներ, որոնք կլինեն նորաձեւ, տաք եւ միեւնույն ժամանակ հարմարավետ:

Արփինե, շուտով մոտենում է ձմեռը. ի՞նչ խորհուրդ կտաս՝ երբվանի՞ց սկսած աղջիկները կարող են թարմացնել իրենց զգեստապահարանները: Ո՞ր ոճն է գերակայելու գալիք սեզոնին:

Առհասարակ, անկախ սեզոնից՝ աղջիկներիս մոտ սովորություն կա թարմացնել զգեստապահարանը, կարծես՝ դա դեպրեսիվ շրջանի անցում է լինում: «Ինչ-որ բան այն չէ» հոգեվիճակից հետո ցանկանում ենք ունենալ նոր look-եր, նոր ու թարմ կերպար, եւ հավատացնում եմ՝ դա շատ ճիշտ տեսակետ է, քանի որ, երբ կնոջ հագուստն իր սրտով է լինում, արտաքին էլ անթերի է դառնում, կինն ավելի ինքնավստահ է դառնում:

Չկա որեւէ հստակ սահմանված ոճ, որին խորհուրդ տամ ուշադրություն դարձնել: Ցանկացած կին ինքն է ընտրում իր ոճը եւ հենց այդտեղ է արտահայտվում նրա անհատականությունը, հակառակ դեպքում բոլորս նույն արտաքինը կունենայինք: Ամեն մարդ թող կրի այն, ինչ ինքն է ցանկանում: Ճիշտ է՝ նորաձեւությանը պետք է հետեւել, բայց պետք չէ դրա զոհը դառնալ: Շատ տարրեր կան, որոնք միգուցե մեզ չեն համապատասխանում, որքան էլ, որ դրանք նորաձեւ համարվեն: Ոճը  մնայուն է, նորաձեւությունն անդադար փոխվում է:

Որքան էլ, որ դիզայներներն ու ոճաբանները հաճախ խուսափում են այն հարցից, թե որ գույնն է նորաձեւ լինելու տվյալ սեզոնին՝ նշելով, որ ամեն մարդ պետք է կրի այն, ինչ իրեն է սազում, ամեն դեպքում, ամեն սեզոն էլ առանձնանում է իր թրենդային երանգներով: Այս տարվա ձմեռը ո՞ր գույներն է թելադրելու:

Հատկապես այս տարի այնքան շատ գույներ է թելադրում նորաձեւությունը: Թվում է՝ ինչ էլ կրես, նորաձեւ է համարվելու: Իսկապես, շատ տարբերակներ կան, բայց կփորձեմ մի քանիսն առանձնացնել՝ հագեցած կարմիրը, գինու գույնը, մոխրագույնը՝ իր բոլոր երանգներով, ծովի ալիքի գույնը, գունատ վարդագույնը, զմրուխտ կանաչը, գունատ նարնջագույնից մինչեւ պաստելային դեղինը, դարչնագույնը… Այս ամենի մեջ գլխավորում է՝ մետալիկը՝ ոսկեգույն մետաքսե գործվածքներով: Ինչպես ասում էի՝ տարբերակները շատ են:) 

Առհասարակ կարծիք կա, թե ձմռանը դժվար է լինել նորաձեւ, որովհետեւ ստիպված ես ուղղակի տաք հագնվել եւ հարմարավետ: Ի՞նչ խորհուրդ կտաս բոլոր նրանց, ովքեր ցանկանում են ձմռանը լինել եւ հարմարավետ, եւ նորաձեւ:

Ձմռանն էլ ավելի հեշտ է լինել նորաձեւ: Չեմ ընդունում այն կարծրատիպը, թե ձմռանը պետք չէ լինել նորաձեւ: Ոճային մարդիկ ամեն պարագայում այդպսին են. դա ապրելակերպ է՝ անկախ եղանակից: Եթե ներսումդ կա ստեղծագործելու ջիղը, զգեստապահարանդ բացելուն պես կարող ես հետաքրքիր միքս գտնել՝ ստանալ եւ հարմարավետ, եւ թրենդային look: Այսօր այդ ամենն ավելի հեշտ է, քանի որ համաշխարհային նորաձեւությունը թելադրում է հարմարավետություն: 

Կարո՞ղ ես նշել հագուստի դետալներ, որոնք թրենդային են լինելու այս սեզոնին:

80-ականների ոճով լայն զգեստները, oversize վերարկուները՝ որքան տարօրինակ կտրվածքով, այնքան ավելի հետաքրքիր, լայն փողքերով կոմբինիզոնները, խոշոր գործվածքների սվիտերները, մեծ ու հետաքրքիր պրինտերով շարֆերը, ամենապարզ ճտքակոշիկները… Casual ոճի այս տաքուկ եւ ոճային կերպարից կարող եք անցում կատարել դեպի դասականը: Կարող եք կրել բարձր վզով բլուզներ միատոն կոստյումների հետ՝ բրդյա գործվածքներից: Կան շատ հաստ կոստյումներ, որոնց պիջակները կարող եք համադրել եւ շորիկների, եւ տաբատների հետ: Ի դեպ, այսօր համաշխարհային աստղերը հաճախ կրում են կոստյումներ. դրանք շատ ակտուալ են, հատկապես, երբ համադրվում է դասականն ու սպորտայինը, նաեւ ակտուալ են զոլավոր պրինտներով եւ էթնո նախշերով կոստյումները:

Իսկ որո՞նք են լինելու ձմեռային սեզոնի հակաթրենդները:

Այն, ինչը անհարմարավետ է, ձեւական եւ պարտադրված, դառնում է անտիթրենդ: Օրինակ՝ անցած տարի սվիտերների վրայից հաճախ էին կրում կորսետ գոտիներ, որոնք այժմ նորաձեւ չեն:

Անհարմարավետ կոշիկները, բլուզների վրայի փափուկ գնդիկները, գրվածքներով եւ ասեղնագործած զեստները նորաձեւ չեն:

Այս ձմռան անտիթրենդներից կլինեն նաեւ մարմինն ընդգրկող, նստեցրած վերարկուները, ինչպես նաեւ մինչեւ ծունկը հասնող կամ ավելի կարճ վերարկուները. դրանց փոխարինելու են եկել մեծ չափսերի՝ oversize տարբերակները: Հաճախ այն ամենը, ինչը լինում է նորաձեւության գագաթնակետում, մեկ կամ լավագույն դեպքում՝ երկու սոզոն հետո դառնում է հակաթրենդ: Դրա համար եմ ես միշտ հիշեցնում՝ նորաձեւությունն անցողիկ է, ոճը՝ մնայուն:

Սյունե Առաքելյան

Լուսանկարները` Արփինե Կոշտոյանի եւ Instagram-ից` ootd_fashionalthun, rita.tesla, best_outfits_, fantasy.in.fashin էջերից:

Հետևեք NEWS.am STYLE-ին Facebook-ում, Twitter-ում և Instagram-ում