• Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով

  Ավստրիացի նկարիչ Գուստավ Կլիմտի՝ 100 տարի կորած համարվող կտավը Վիեննայում կայացած աճուրդի ժամանակ վաճառվել է 30 միլիոն եվրոյով․․․

• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• Թուփաքի պաշտոնական էջում տեղադրել են հայ նկարչի աշխատանքը՝ նշելով, որ այն արվել է Հայաստանում

  Ռեփեր Թուփաք Շաքուրի ինստագրամյան էջում տեղադրել են ազգությամբ հայ «սթրիթ արտ» նկարչի աշխատանքը եւ նշել, որ այն արված է Հայաստանում…

• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

Պատկերներ, որոնք ստեղծում են պատմություն, պատմություն, որն արվեստի ճյուղ է: Այսպես կարելի է մեկնաբանել կոմիքսների բնույթը: Պատկերազարդումների այս ճյուղը, ցավոք, Հայաստանում ամենազարգացվածներից չէ, սակայն ինչպես փաստում է HY Pictures-ի համահիմնադիր Հարություն Մանգասարյանը՝ վերջին մեկ տարվա ընթացքում Հայաստանում արվեստի այս ճյուղը զարգացում է ապրում:

Այսօրվա շնորհանդեսն էլ դրա ապացույցներից մեկն էր: ՀԱՅ-ԱՐՏ մշակութային կենտրոնում այսօր կոմիքսների ցուցադրություն էր, որի ընթացքում այս ժանրի սիրահարներին ներկայացվեց ինչպես հայկական, այնպես էլ այլ երկրների հայտնի ստեղագործությունների հերոսների, ճանաչված մարդկանց մասին պատկերազարդ պատմություններ: Կոմիքսների գրքերից երկուսն, օրինակ, պատմում են հայ աստղագետ եւ աստղաֆիզիկոս Վիկտոր Համարձումյանի եւ հայ երգչուհի, հոգեւոր երգերի եւ տաղերի կատարող Լուսինե Զաքարյանի մասին: Այս երկու գրքերն, ի դեպ նախատեսված են դպրոցահասակ երեխաների համար, որոնք գեղեցիկ պատկերազարդումների միջոցով կկարողանան ավելի մատչելի կերպով հասկանալ եւ ըմբռնել այս երկու հայ մեծերի կենսագրությունն ու գործերը:

Կոմիքսների շարքերում ներկայացված էր նաեւ 3 նովելների հավաքածու, որտեղ ընդգրկված են Գրիգոր Զոհրապի,Վիլյամ Սարոյանի  եւ Տիգրան Կամսարականի ստեղծագործությունների վրա հիմնաված կոմիքսներ՝ «Ռեհանը», «Սպիտակ ձին» եւ «Հարոն»:

Առանձնահատուկ էր նաեւ իսրայելական Meleckesh մետալ խմբի սոլիստի մասին կոմիքսը: Ի դեպ, երաժիշտն ինքն էլ է մասնակցություն ունեցել իր մասին կոմիքսի ստեղծմանը:

Կոմիքսների սցենարների շուրջ հիմնականում աշխատել է Հասմիկ Հովհաննիսյանը, մեծ մասը նկարազարդել է Անդրանիկ Ասատրյանը: Նկարիչների շարքում են նաեւ Լեւոն Չքոլյանը, Նորայր Հարությունյանը, Արեւիկ Արոյանը, Գրիշա Գրիգորյանը եւ այլք:

«Քանի որ Հայաստանում կոմիքսների շուկան, ցավոք, քիչ է զարգացած, լուրջ խնդիր կար: Մեկ տարվա մեջ ունեինք 8 գրքի հրատարակչություն, բայց ոչ մի տեղ դրանք չէին երեւում: Երբ խոսում ես տվյալ արվեստի տեսակով հետաքրքրվածների հետ, նրանք ասում են՝ Հայաստանում դա չկա: Այդպես որոշեցինք, որ մարդկանց կարելի է ցույց տալ, որ նման բան կա Հայաստանում, ու իրականում դա միայն մենք չենք անում, էլի կոմիքսներ ստեղծողներ կան, բայց մեծ հաշվով գրախանութներում չկան տպագրված կոմիքսներ»,-NEWS.am STYLE-ի հետ զրույցում նշեց HY Pictures-ի համահիմնադիր Հարություն Մանգասարյանը, որը մեր երկրում կոմիքսների ոչ այնքան տարածում ունենալը կապում է նկարիչների ոչ բավարար միջոցներ ունենալու հետ.

«Մի քիչ ավելի բիզնես տեսանկյունից պետք է դրան մոտենալ, իսկ մեր պետությունը դեռ այն վիճակում չէ, որ հասարակ նկարիչները կարողանան այդքան ներդրում անել տպագրության եւ տարածման համար:Եվս մի խնդիր կա. կոմիքսներ ստեղծողները երբեք դրան որպեսզ բիզնեսի չեն մոտեցել: Մարդիկ հրաշալի բաներ են նկարել, բայց դա մնացել է միայն թղթի վրա: Սակայն վերջին մեկ տարվա ընթացքում Հայաստանում կոմիքսների հանդեպ հետաքրքրությունը մեծացել է, նույնիսկ՝ հրատարակչությունների կողմից: Կարծում եմ՝ մոտ ապագայում ավելի մեծ զարգացում կունենանք»,-հավելեց նա:

«Սուպերմեն», «Բեթմեն», «Սփայդերմեն»՝ սրանք բոլորը հայտնի կոմիքսներ են, որոնք դարձել են ֆիլմեր, եւ որոնց հերոսներն այսօր ամենասիրվածն են երեխաների եւ դեռահասների շրջանում: Այսօրվա շնորհանդեսին ներկայացված կոմիքսների հանդեպ ներկաների հետասքրքրությունը փաստեց այն, որ մեր գրական հերոսները եւս կարող են վերածվել կոմիքսների եւ էլ ավելի մեծ հետաքրքրություն առաջացնել հայ մանուկների շրջանում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում