Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Ամեն ինչ կարող են արքաները՝ «Թյուդորներ»․ NEWS.am STYLE-ը խորհուրդ է տալիս դիտել

20:33, 2 դեկտեմբերի

Վերջերս իմացանք, որ «Գահերի խաղի» վերջին եթերաշրջանը կմեկնարկի 2019 թվականի ապրիլին:

Ի՞նչ անել մինչ այդ։

NEWS.am STYLE- ը ձեզ է ներկայացնում սերիալ, որը, կարծում ենք, տանելի կդարձնի սպասումը։

«Թյուդորներ» պատմական դրամայի ժանրում բրիտանա-իռլանդա-կանադական սերիալ է, որի հեղինակը Մայքլ Հյորսթն է: Սերիալը ցուցադրվել է «Showtime» հեռուստաալիքով՝ 2007 թվականի ապրիլի 1-ից մինչեւ 2010 թ. հունիսի 20-ը։ Այն բաղկացած է 4 եթերաշրջանից:

<iframe width="604" height="324" src="https://www.youtube.com/embed/WXNf9dxnQrM" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Չնայած սերիալը կոչվել է թագավորական տոհմանունով, բայց պատմում է արքայական ընտանիքի անդամներից մեկի մասին: Հենրի VIII (Ջոնաթան Ռիս Մայերս) համաշխարհային պատմության ամենավիճահարույց եւ օդիոզ կերպարներց մեկն է, և մեզ առիթ է ընձեռվում ճանաչելու շատ հետաքրքիր դրվագներ ինչպես նրա կյանքից, այնպես էլ կառավարման տարիներից:

Ուզում եմ շեշտել մի նյուանս․ սերիալը գեղարվեստական գործ է և չի հավակնում պատմական ճշգրտության:

Սերիալի  առավելություններից մեկը  նրա միջավայրն է՝ գրեթե բոլոր ասպեկտներում: Դեկորացիա, զգեստներ, աննշան դետալներ, հերոսների մտածողություն, սյուժեի հետևողականություն  եւ այլն։ Այս թվարկածը շատ նրբորեն է մատուցվում հեռուստադիտողին, ստեղծվում է բնականության զգացողություն այն ամենի, ինչ տեղի է ունենում։ 

Պալատական հեղաշրջումներ ու ծածուկ խաղեր, որ խիստ ինտրիգային են, և եթե նույնիսկ քաղաքականությունը ձեր մեջ զրո էմոցիա է արթնացնում, գուցե սկսեք համակրել այս կամ այն թևին։

<iframe width="604" height="324" src="https://www.youtube.com/embed/NuUuPC_Yil8" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Սերիալը  մեզ տալիս է  մոտավոր գիտելիք դարաշրջանի մասին, բացահայտում է պատերազմի պատճառները, Հենրիի և Վատիկանի հին վեճի պատմությունը, հաջորդած պառակտումը կաթոլիկությունից, անգլիական եկեղեցու ձևավորումը, եվրոպական միապետների ազգակցական կապերը եւ շատ այլ բաներ:

Հետաքրքիր է ներկայացված մեկ մարդու դերը ողջ երկրի կյանքում․ կինոդիտողը տեսնում է, թե որքան անսահման իշխանությամբ էր օժտված միապետը և ինչպես էր բացառապես իր շահից մղված՝ վճռում այնպիսի բախտորոշ հարց, ինչպիսին մի ամբողջ ժոողվրդի դավանափոխությունն էր։

Սերիալի  անվիճելի արժանիքը նրա դերասանական կազմն է:

<iframe width="604" height="324" src="https://www.youtube.com/embed/V7VS1026K6k" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Բնականաբար, այս սյուժեն պետք է իր «ուսերին կրեր»  գլխավոր դերակատարը՝ Ջոնաթան Ռիս Մայերսը․ նա դիպել է թիրախին՝ այս դերասանի խարիզման ու խաղային հմտությունը հիացնում են, զգացմունքային սպեկտրն այնքան լայն է, որ թվում է՝ չկա մի այնպիսի էմոցիա, որը նա չհաղորդի էկրանից: Ի դեպ, Ջոնաթանն իր այս դերի համար երկու անգամ առաջադրվեց «Ոսկե գլոբուսի»:

Չարլզ Բրենդոն, նույն ինքը՝ Հենրի Քավիլ, որ վարպետորեն է մարմնավորել արքայի լավագույն ընկերոջ կերպարը: Քավիլը ներկայացնում է մի մարդու, որը երիտասարդ տարիներին մտածել է միայն իր մասին և մսխել կյանքը, բայց հետագայում դառնում է մեկը, ով ապրում է հանուն իր երկրի։ 

Աննա Բոլեյն -Նատալի Դորմեր, կերպարը, ինչպես և այն կատարողը ֆենոմենալ են։ Մի կին, որ կարողացավ իր խելքով ու խորամանկությամբ ղեկավարել արքային եւ ամբողջ երկիրը, արժանի է հիացմունքի:

Սեր Թոմաս Մոր - Ջերեմի Նորտեմ․ այս կերպարը Հենրիի խիղճն է ու կյանքի ուսուցիչը :

Թոմաս Քրոմվել-Ջեյմս Ֆրեյն․ իր ժամանակի գլխավոր նորարարը, մի մարդ, որը մեծ ազդեցություն ուներ թագավորի վրա: Նրան դժվար թե հավանեք, բայց մի քիչ խորհելուց հետո՝ կհասկանաք, որ այդքան անբարո չէին նրա քայլերը, և ըստ էության նա ճիշտ էր:

Մի խոսքով, «Թյուդորները» ոչ միայն կհետաքրքրացնեն ձեր ժամանակը, այլև կպատմեն Հենրի VIII- ի դարաշրջանի մասին,  և նաև ներսից ցույց կտան պալատական ուշագրավ ինտրիգներ:

 

 

Բարի դիտում

Նորայր Նազարյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել