• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

Լոնդոնում եւ ԱՄՆ-ում հայտնի պարողներ Արթուր Գուրունլյանն ու Միհրան Կիրակոսյանը ներկայացել են համատեղ աշխատանքով: Հայազգի պարուսույցները բեմադրել են Little Mix խմբի եւ Նիկի Մինաժի Woman Like Me երգը՝ այն ներկայացնելով հայկական ձեւով՝ ցուցադրելով հայ կնոջ ուժն ու անկախ հոգին:

Բեյոնսեի, Pussycat Dolls-ի, Ռիհաննայի եւ շատ այլ հայտնիների հետ համագործակցած Արթուր Գուրունլյանը NEWS.am STYLE-ին պատմել է իր եւ Միհրանի համագործակցության եւ հետագա ծրագրերի մասին:

Աստղային համագործակցություններով հայտնի հայ պարողները մինչ այս համագործակցությունը անձամբ ծանոթ չեն եղել, թեեւ միմյանց մասին շատ են լսել.

«Երբ հանդիպեցի Միհրանին, միանգամից իրար շատ լավ հասկացանք: Երկուսս էլ պարի աշխարհից ենք, բացի այդ՝ երկուսս էլ հայ ենք եւ այս համագործակցությունը մեզ համար, իսկապես, շատ սպասված էր: Միմյանց հանդիպեցինք մի ընթրիքի ժամանակ եւ հասկացանք, որ պետք է համատեղ մի բան ներկայացնենք: Դե մնացածն արդեն գիտեք»,-պարզաբանեց Արթուրը:

«Մի քանի երգ ենք քննարկել միասին, հետո Միհրանն առաջարկեց Little Mix-ի եւ Նիկի Մինաժի Woman Like Me երգը, ես միանգամից համաձայնվեցի: Երգը մեզ դուր եկավ, քանի որ այն ուժեղ հաղորդագրություն է պարունակում: Մենք ցանկացանք ցույց տալ ինքնավստահ, հզոր եւ անկախ հայ կնոջ կերպարը՝ արտացոլելով դա մեր բեմադրության մեջ: Ես ցանկանում էի, որ խորեոգրաֆիան լիներ սուր ու հզոր, բայց միեւնույն ժամանակ՝ մեղմ: Այն պետք է արտացոլեր նաեւ երգը»,-հավելեց նա:

Ի դեպ, նախագիծն իրականացրել են բացառապես հայկական թիմով.

«Բոլոր 6 պարուհիներն էլ հայուհիներ են: Նրանց հետ աշխատելը շատ հաճելի էր: Այնքան ուրախ եմ, որ աշխարհին հնարավորություն ունեցանք ցուցադրել հայկական տաղանդը: Մեր ամբողջ թիմն էր կազմված հայերից»:

Հայ պարողները մտադիր չեն սահմանափակվել միայն մեկ համագործակցությամբ.
«Միհրանի հետ աշխատելն, իսկապես, հաճելի էր: Նա շատ տաղանդավոր է, եւ որպես ռեժիսոր՝ սուր աչք ունի: Անհամբեր սպասում եմ մեր հաջորդ համատեղ աշխատանքին: Հիմա նոր նախագծի մասին ենք մտածում»,-նշեց Գուրունլյանը:

Սյունե Առաքելյան

Լուսանկարները՝ Արթուրի եւ Միհրանի Facebook-ից եւ Ալան Բոլթոնի

Հետևեք NEWS.am STYLE-ին Facebook-ում, Twitter-ում և Instagram-ում