• Իտալական ռեստորանը մեկ շիշ անվճար գինի է առաջարկում այն հաճախորդներին, ովքեր հրաժարվում են իրենց բջջային հեռախոսներից

  Իտալական ռեստորանը մեկ շիշ անվճար գինի է առաջարկում հաճախորդներին, ովքեր ճաշի ժամանակ հրաժարվում են բջջային հեռախոսներից…

• Գիտնականն ու հայտնի կոմպոզիտորը պարզել է, թե ինչպես է հնչում պաստան

  Երբեւէ մտածե՞լ եք, թե ինչպես է հնչում ձեր սիրելի պաստան…

• Ժամանակակից վրացական խոհանոցի թագուհի Թեկունա Գաչեչիլաձեն պատրաստում է Հայաստանում

  Դուք միս պատրաստելու վարպետ եք։ Վրացիներն ինձ սրա համար կսպանեն, բայց պետք է ասեմ, որ քյաբաբը, որ փորձել եմ Երևանում, ամենալավն է, որ երբևէ կերել եմ...

• Մոնակոյում կանցկացվի Superyacht Chef-ի 5-րդ մրցույթը

  Ապրիլին Մոնակոյում կանցկացվի Superyacht Chef-ի 5-րդ մրցույթը։ Խոհարարական ճակատամարտը տեղի է ունենում Մոնակոյի սուպերզբոսանավերի վրա և կոչվում է Superyacht Chef-ի միջազգային մրցույթ, որը կազմակերպել է Մոնակոյի հեղինակավոր Yacht Club-ը (YCM)՝ Bluewater-ի հետ համատեղ...

• Գաստրոնոմիական Օլիմպիական խաղեր. Դանիան հաղթում է 2024 թվականի Bocuse d'Or-ը

  20 թիմեր պայքարում էին Նորվեգիայում տեղի ունեցած խոհարարական աշխարհի գլխավոր խոհարարական մրցույթի` Bocuse d'Or-ի եզրափակչում տեղի համար: Սկանդինավյան երկրները հաղթող դուրս եկան...

• «Yerevan Wine Days» փառատոնի շրջանակում Երեւան կժամանեն Միշլենի աստղեր ունեցող հայտնի խոհարարներ

  Այս տարի «Yerevan Wine Days» փառատոնը խոստանում է լինել էլ ավելի ճոխ ու մասշտաբային…

• «Արյան վրեժը», խմիչքը և Տիխուանան - «Կեսար» աղցանի ծագման պատմությունը

  Կեսարի աղցանը լայնորեն ընդունված է անվանել Հռոմեական կայսր Հուլիոս Կեսարի անունով: Սակայն այս համեղ առասպելի մեջ կարող եք դանակ խրել...

• Դուբայի ռեստորանները Մերձավոր Արեւելքում գլխավորել են «50 լավագույն ռեստորանների» ցանկը

  The 50 Best Restaurants-ը հրապարակել է 2024 թվականի իր ցուցակը Մերձավոր Արեւելքի եւ Հյուսիսային Աֆրիկայի համար (MENA), իսկ վարկանիշում գերիշխում է քաղաքներից մեկը․․․

«Տրամադրություն չունե՞ս: Իսկ դու մի բան կեր»,- մայրս է այսպես ասում, երբ տեսնում է, որ անտրամադիր եմ: Ընդ որում, մայրս պատմում է, որ նախատատիս խոսքերն են: Գուցե եւ այդպես է: Ես պրոֆեսիոնալ ֆուդ-բլորգեր չեմ, ոչ էլ փորձագետ, բայց ասում են՝ ուտելիքից, այնուամենայնիվ, հասկանում եմ: 

«Վաղ առավոտը չարիք է, իսկ վաղ առավոտն առանց նախաճաշի՝ ավելի մեծ չարիք»,- չեմ հիշում՝ ով է ասել, բայց նա, միանշանակ, ճիշտ է եղել... Տանը չնախաճաշելն արդեն վաղուց շքեղություն չէ։ Գործնական մարդկանց համար դա շահավետ տարբերակ է եւ շատ ավելի հարմար է, քան վաղ առավոտից գազօջախի մոտ լինելը, հետո նաեւ՝ շտապելով սպասքը լվանալը։ Երեւանյան սրճարանները, ռեստորանները, կաֆետերիաները ակտիվորեն օգտագործում են այդ միտումը՝ ներգրավելով նոր հաճախորդներին։

Որպես կանոն՝ այս վայրերը տեղակայված են քաղաքի կենտրոնում եւ բաց են առավոտյան ժամը 8-ից այն հաշվարկով, որ այցելուն կհասցնի սուրճ կամ թեյ խմել, ինչ-որ բան ծամել եւ խորասուզել առօրյայում։ Ընդ որում, Тrip Аdvisor-ում կարելի է նկատել դժգոհ զբոսաշրջիկների մեկնաբությունները, քանի որ Երեւանում չկան վայրեր, որոնք բաց են ժամը 7-ից։ Հնարավոր է մի օր լինեն։

Գնային քաղաքականությունն ամենուր տարբեր է՝ մի անձի նախաճաշը կարող է արժենալ յոթ հազար դրամ, հնարավոր է նույնիսկ նույնիսկ երեք, կամ երկու հազար դրամ ծախսել... Կարելի է լավ նախաճաշել Կասկադում գտնվող Apperitivo-ում, Malocco Café-ի նախաճաշը եւս վատը չէ, նաեւ առողջ է։ Ինձ դուր է գալիս Louis Charden-ը. զգացվում է, որ սնունդին հարգանքով են վերաբերվում։ Բավական հաջող նախաճաշ է մատուցվում նաեւ Black Angus-ում. կա նաեւ հայկական տարբերակ՝ լավաշով, հայկական պանրով ու կանաչիով։ Միայն թե առավոտյան հարկավոր է քայլել՝ այդ սրճարաններին հասնելու համար։ Որպեսզի չուշանամ, ես որոշեցի մտնել այն սրճարանները, որոնք մոտ են։ Թեեւ ոչ միշտ է պարտադիր նստել. կարող եք կրուասան, մաֆին եւ սուրճ վերցնել ու քայլել աշխատավայր։

Առավել թանկ սրճարաններից առաջարկում եմ Martini Royale-ը։ Նախ այն պատճառով, որ առավոտը պետք է սկսվի լավ սուրճով, իսկ այնտեղ սուրճն իսկապես լավն է։ Բացի այդ՝ առանձին breakfast menu-ն առաջարկում է տարատեսակ սնունդ՝ ձու պաշոտ, բենեդիկտ, նրբաբլիթներ, ձվածեղներ։ Առողջ սնունդի սիրահարների համար կան նաեւ շիլաներ ու մյուսլի... Մի խոսքով՝ շեշտը դրված է եվրոպական նախաճաշերի վրա՝ նախաճաշեր, որոնք սովարաբար մատուցում են արեւմտյան լավ հյուրանոցում։ Գեղեցիկ ապրել չեք արգելի, եւ ես պատվիրում եմ բենեդիկտ՝ սաղմոնով (կարող եք նույնը պատվիրել պրոշուտոյով). ամեն բան ճիշտ է՝ սկսած ձվի եփվածության աստիճանից, մինչեւ Օլանդեզ սոուս (Hollandaise) եւ կանաչ սոխի բարակ փետուր։ Այստեղ կապուչինոն պատրաստում են այնպես, ինչպես ցանկանում եք. սուրճի համը կլինի այնպիսին, ինչպես սպասում էիք։ Իսկ եթե ոչ, ձեզ համար այն կրկին կպատրաստեն այնքան ժամանակ, քանի դեռ սուրճը  ձեր հավանությանը չի արժանացել։ Նույնը կարելի է ասել նաեւ ճաշատեսակների մասին։ Մի փոքր նկատողություն, եւ այն կփոխվի սեղմ ժամկետներում։ Մի խոսքով՝ խոհանոցը, բարիստան ու սպասարկումը չեն հիասթափեցնի...

Երկրորդ վայրը, որն ինձ խորհուրդ էին տվել նախաճաշելու համար  Vienna Café and Kitchen-ն է։ Սպասարկումը լավ է, ամեն ինչ գեղեցիկ է, կոկիկ... միգուցե սխալվել էի պատվերի հարցում։ «Վիեննական նախաճաշ» պատվիրեցի՝ տեղին համապատասխան՝ եփած ձու, պանիր, կարագ, երշիկեղեն, պրոշուտո, մի փոքր խոզապուխտ, ջեմ կամ նուտելա, մի քանի տոստ։ Ահա ամենը՝ սովորական հյուրանոցային «հավաքածու»։ Կարծես թե համեղ էր, բայց անհետաքրքիր։ Ուտելու ընթացքում մտածում էր՝ պետք չէր «կամակորություն անել» եւ օրինակ՝ օմլետ պատվիրել։ Սուրճի վերաբերյալ. ամերիկանոյին ջուր շատ էր ավելացվել, կապուչիոն հրաշալի էր։

Օմլետ ուտելու համար Segafredo այցելեցի՝ նախորդներից առավել ժողովրդավարական վայր։ Ի դեպ, քայլելու ընթացքում երկու տեղ հանդիպեցի, ուր խինկալի են մատուցում. դրանք բաց էին եւ պատրաստ այցելուների ընդունել։ Առավոտյան ժամը 8-ին։ Այնպես որ եթե վաղ առավոտան ցանկանաք ինչ-որ կծու եւ շատ կալորիական բան ուտել (մի խինկալին 126 կալորիա է պարունակում), կարող եք գնալ։ Վերադառնանք օմլետին։ Կաթնաշառով ու պանրով, եթերային, նուրբ, տոստերով, լոլիկով ու վարունգով պատրաստված աղցանով, որից սոխի հոտ էր գալիս։ Այսպիսի տհաճ համ, որի կարիքը վաղ առավոտյան առհասարակ չկար, եթե մինչ այդ խինկալի չեք կերել։ Այդ դեպքում դուք ոչինչ չեք էլ զգա։ Ընդհանուր առմամբ համեղ է, գինն՝ ընդունելի։ Segafredo-ում սուրճն ինչպես միշտ բավական լավն է։

Ասում են՝ նախաճաշն օրվա ընթացքում ամենակարեւոր սնունդն է։ Բրիտանացի գիտնականները եւ ոչ միայն, վաղուց ապացուցել են, որ նախաճաշն ապահովում է էներգիան ամբողջ օրվա ընթացքում։ Հենց նախաճաշն է հնարավորություն տալիս ոտքի վրա մնալ օրվա երկրորդ կեսին։ Նախաճաշը 30 տոկսով բարձրացնում է աշխատունակությունը։ Եվ  ի վերջո՝ ոչինչ առավոտ վաղ այդքան չի բարձրացնում տրամադրությունը, որքան համեղ սնունդը։  Ստուգված է. պատասխանատու եմ ասվածի համար և գնամ ինչ-որ բան ուտելու...

Աննա Սաթյան

Հետևեք NEWS.am STYLE-ին Facebook-ում, Twitter-ում և Instagram-ում