Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

Իրինա Այվազյանը՝ «Էլենի օրագիրը 2»-ում իր կերպարի, բարդույթների եւ Բեն Ավետիսյանի հետ զվարճալի նկարահանումների մասին

15:43, 11 դեկտեմբերի

«Էլենի օրագիրը» հեռուստասերիալի երկրպագուները երկրորդ եթերաշրջանում ծանոթացան նոր ու տարբեր կերպարերի հետ, որոնցից է նաեւ Անուշիկը, որն առանձնանում է իր միամտությամբ, շատակերությամբ եւ դրանից բխող բարդույթներով: Շատերի կողմից արդեն սիրված այս հերոսուհուն մարմնավորում է դերասանուհի Իրինա Այվազյանը, որին սկզբում այլ դեր էր առաջարկվել, սակայն հետագայում ընտրությունը կանգնել է Անուշիկի կերպարի վրա:

NEWS.am STYLE-ը Իրինայի հետ զրուցել է «Էլենի օրագրում» նկարահանվելու, բարդույթներով տառապող իր հերոսուհու եւ Բեն Ավետիսյանի հետ զվարճալի նկարահանումների մասին:

Դերասանուհին նշում է՝ ի տարբերություն Անուշիկի՝ իրական կյանքում ինքը ավելորդ քաշի հետ կապված բարդույթներ չունի.

«Միշտ ասել եմ, որ ուզում եմ նիհար լինել, բայց չեմ նեղվում, որ այս պահին այսպիսին եմ»:

Նա հաճախ է նամակներ ստանում ավելորդ քաշի հետ կապված խնդիրներ ունեցող աղջիկներից, որոնց համար Իրինայի հերոսուհին երբեմն օրինակ է ծառայում, որպեսզի հաղթահարեն այդ բարդույթները.

«Հաճախ հարցնում են, թե ինչպես եմ տվյալ կերպարը կերտելու առաջարկն ընդունել, ինչպես եմ հաղթահարել կոմպլեքսները: Նույնիսկ, մարդիկ են եղել, որ ասել են՝ ես իրենց համար օրինակ եմ դարձել, որ ինչ-ինչ բարդույթներից ազատվեն:  Այս տեսակի նամակներին առանձնահատուկ եմ վերաբերվում ու աշխատում հնարավորության սահմաններում պատասխանել: Ես միշտ ասել եմ, որ արտաքինը փոխելն ամենահեշտն է, բայց վերջիվերո ո՞վ է ասել, թե բոլորը պետք է նիհար լինեն: Եթե ես ինձ այսպես լավ զգայի, երբեք չէի մտածի նիհարելու մասին: Կարեւորը ինքնավստահությունն է՝ ցանկացած պարագայում»:

Իր հերոսուհու հետ շատ նմանություններ Իրինան, սակայն, չի տեսնում.

«Անուշիկը շատ միամիտ կերպար է՝ կոմպլեքսավորված… Ես այդպիսին չեմ: Մենք կյանքի հանդեպ տարբեր հայացքներ ունենք: Նրան կերտելու համար կոնկրետ կերպարային փոփոխության չեմ ենթարկվել, պարզապես աշխատում եմ հնարավորինս լայն հագուստ կրել, որ ավելի լավ մտնեմ Անուշիկի կերպարի մեջ»:

Էլ ի՞նչ նկարահանումներ առանց զավեշտալի դեպքերի: Իրինան առանձնացրեց դրանցից մեկը, որը չնայած կարող էր ողբերգական հետեւանքներ ունենալ, սակայն բարեբախտաբար ավարտվել է ծիծաղով.

«Տեսարան կար, որտեղ վազքուղու վրա վազելու ընթացքում պետք է ընկնեի, ու հենց առաջին փորձի ժամանակ մոռացել էի` որ պաhին պետք է ընկնեմ. պատահական հիշեցի, ասացի. «վայ, մոռացել էի, որ պետք ա ընկնեմ, նորից անենք», ու հենց այդ պահին ձեռքերս բաց թողեցի եւ շատ ուժեղ ընկա՝ երեսով դեպի վազքուղին (ծիծաղում է): Իհարկե, շատ վտանգավոր հարված էր, բայց այդ պահին բոլորիս համար զավեշտալի էր»:

Հեռուստասերիալում Իրինայի հիմնական խաղընկերը Բեն Ավետիսյանն է, որը ֆիլմում մարմնավորում է Միկային: Դերասանուհուց նաեւ հետաքրքրվեցինք, թե ինչպիսի խաղընկեր է Բենն իր համար:

«Միասին նկարահանվել ենք նաեւ «Երանի» սերիալում, բայց այնտեղ մեր կերպարները շատ ընդհանուր գծեր չեն ունեցել. Բենի հետ խաղալը շատ հեշտ է, քանի որ նախ՝ նա շատ պրոֆեսիոնալ է աշխատում ու ես ինքս, չունենալով դերասանական կրթություն, շատ բաներ ունեմ նրանից սովորելու: Բացի այդ՝ Բենը թեթեւություն է մտցնում մեր խաղի մեջ: Շատ են լինում դեպքեր, որ խաղի ընթացքում նա հանկարծ այնպիսի բան է ասում, որ մի քանի րոպե ծիծաղից ուշքի չեմ գալիս: Ինձ շատ հաճելի է նրա հետ աշխատելը»,-եզրափակեց դերասանուհին:

Սյունե Առաքելյան

Լուսանկարները՝ Իրինա Այվազյանի եւ «Էլենի օրագիրը» հեռուստասերիալի Facebook-ի էջերից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել