• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

• Մարգո Ռոբին ցանկանում է ֆիլմ նկարահանել «Մոնոպոլիա» խաղի հիման վրա

  Մարգո Ռոբին եւ նրա LuckyChap ընկերությունը մտադիր են գեղարվեստական ​​ֆիլմի նկարահանել ընտանեկան սեղանի խաղի՝ «Մոնոպոլիա»-ի հիման վրա…

Մարտաֆիլմերի սիրահարների համար լավագույն ժամանակները չեն. բացառությամբ հազվադեպ ֆիլմերի՝ մեծ էկրաններին գրեթե չկան արժեքավոր ֆիլմեր։ Առաջարկում եմ հիշել՝ ինչ գլուխգործոցներ են նկարահանվել անցյալում այս ժանրում։

News.am STYLE-ն առաջարկում է 1994թ.-ին նկարահանված «Արագություն» մարտաֆիլմը։

Ֆիլմի ռեժիսորը Յան դե Բոնտն է, իսկ գլխավոր դերակատարներին ընտրելու համար հարկավոր էր ջանքեր գործադրել։ Կին գլխավոր հերոսուհու դերակատարին բավական արագ ընտրեցին. գլխավոր կերպարին մարմնավորեց այդ տարիներին ոչ այնքան հայտնի Սանդրա Բուլոկը։ Իսկ տղամարդ գլխավոր հերոսին գտան երկարատեւ «տանջանքներից» հետո։

Սթիվեն Բոլդուին, Ուիլյամ Բոլդուին, Ջոնի Դեպ, Բրյուս Ուիլլիս, Թոմ Քրուզ, Ջեֆ Բրիջես եւ Թոմ Հենքս… այս դերասանները մերժել են ֆիլմում նկարահանվելու առաջարկը։ Իրավիճակը փրկեց Կիանու Ռիվզը։

Սյուժեն իսկապես հետաքրքիր է. հատուկ ծառայությունների աշխատակից Ջեք Թրեւենը, ում մարմնավորում է Կիանու Ռիվզը, իմանում է, որ քաղաքային ավտոբուսներից մեկի մեջ ռումբ է տեղադրված։ Եթե ավտոբուսի արագությունը գերազանցի 50կմ/ժամը, ռումբը կպայթի։ Կպայթի նաեւ, եթե ավտոբուսը կանգ առնի։ Ջեքը նետվում է ավտոբուսի մեջ, ուր ուղեւորներից մեկը՝ Էնի Փորթերը, ում կերպարը մարմնավորում է Սանդրա Բուլոկը, վարորդի հետ դժբախտ պատահարի հետեւանքով ստիպված է լինում նստել մեքենայի ղեկին։  «Արագություն»-ը ժանրի դասական ֆիլմ է։ Այն ունի ամեն ինչ՝ հանդիսատեսին իրադարձություններին ներգրավվելու համար։

Մինչ ֆիլմի ավարտն այդպես էլ հասկանալի չէ՝ ինչպես է հերոսներին հաջողվում դուրս գալ իրավիճակից։

Կիանու եւ Սանդրա տանդեմը զարդարում է ֆիլմը. նրանց երկխոսություններն ու գործողությունները ոչ ոքի անտարբեր չեն թողնի։ Զույգի հնարամարությունը զարմացնում է, զարմացնում է՝ ինչպես են հերոսներն ապրումներ ունենում անհաջողությունների պատճառով եւ ուրախանում, երբ ծրագիրն աշխատում է։

Ֆիլմը սկզբից մինչեւ վերջ լարվածության մեջ է պահում դիտողին, ինչին նպաստում է նաեւ սաունդթրեքը։ Մինչ այժմ հիշում եմ տեսարանը, որում Ջեքը հայտնվում է ընթացքի մեջ գտնվող ավտոբուսի ներքեւի հատվածում։ Ազդեցիկ, լարված տեսարան։

30 մլն. բյուջեով ֆիլմը վարձույթում 350.448.145 դոլար է վաստակել, ինչն այդ ժամանակների համար աստղաբաշխական գումար է։ Ֆիլմը տեխնիկական աշխատանքի համար 2 «Օսկարի» է արժանացել։

Հենց այս ֆիլմից հետո Կիանու Ռիվզի եւ Սանդրա Բուլոկի կարիերան աճ գրանցեց։

Ֆիլմը, միանշանակ, ձեր ազատ ժամանակը կլցնի լարված պատմությամբ, իսկ գործողությունները կլրացնեն սաունդթրեքը եւ հրաշալի դերասանական խաղը։

Հաճելի դիտում

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում