«Մոսկվա» կինոթատրոնում այսօր` դեկտեմբերի 13-ին, կկայանա «Ձյունանուշ» մանկական արկածային ֆիլմի առաջին ցուցադրությունը:
Մանուկներն արդեն վաղվանից մեծ էկրաններին կարող են վայելել ամանորյա հրաշքի մասին պատմող այս ֆիլմը, որի գլխավոր խրատն այն է, որ Ամանորին միշտ պետք է լինել ուրախ եւ երջանիկ եւ չդադարել հավատալ հրաշքներին:
«Ցանկացանք ստեղծել մի ֆիլմ, որտեղ կլինեն փոքրիկ հերոսներ ու գործողությունները հենց նրանց հետ կլինեն կապված: Ֆիլմի նկարահանումները սկսել ենք անցած տարի` ձմռանը, ամբողջ ընթացքը տեւել է մեկ տարի»,-այսօր կայացած մամուլի ասուլիսի ժամանակ նշեց ֆիլմի ռեժիսոր Արմեն Սիմոնյանը` հավելելով, որ առանձնահատուկ պատասխանավությամբ են աշխատել ֆիլմի ստեղծման շուրջ, քանի որ հիմնական հանդիստասեը հենց մանուկներն են լինելու:
Ֆիլմի գլխավոր հերոսուհուն` Ձյունանուշին, մարմնավորում է Շուշաննա Թովմասյանը: Սա դերասանուհու մասնակցությամբ առաջին գեղարվեստական ֆիլմն է, ինչը կրկնապատկում է նրա հուզմունքը. «Կարծում եմ` Ամանորին ընդառաջ սա հետաքրքիր նվեր կլինի փոքրիկներին: Ամբողջ կազմն առավելագույնս իր ուժերը փորձել է ներդնել այս աշխատանքի մեջ, որպեսզի ստանա լավ արդյունք: Ոչինչ չենք խնայել, ու այսօր կարծում եմ` բոլորիս համար տոն է:
Ինձ համար մասնավորապես, որովհետեւ սա առաջին գեղարվեստական ֆիլմն է, որում ես նկարահանվեցի: Կսպասենք արձագանքներին, որոնք հուսով եմ` դրական կլինեն, եւ դա կոգեշնչի հետագայում էլ փոքրիկների համար նման ֆիլմեր ստեղծել, ինչի բացթողումը, կարծում եմ, մեր կինոինդուստրիայում կա: Իսկ երեխաներին պետք է աչքաթող չանել եւ նրանց համար նախատեսված ֆիլմերը պետք է շատ լինեն»,- նշեց դերասանուհին:
Նրա հետ այս առումով համակարծիք է նաեւ Լուիզա Ներսիսյանը, որը եւս նկարահանվել է ֆիլմում: Նրա խոսքով` ի տարբերություն իր հերոսուհու` ինքը հավատում է ամանորյա հրաշքներին: «Ընդհանրապես մեր իրականության մեջ երեխաների համար աշխատանքները շատ չեն, ինչը ցավալի է: Ես շատ ոգեւորվեցի, երբ ստացա այս առաջարկը: Սա մանկական ֆիլմ է, որը նաեւ ուսուցողական բնույթ ունի: Շատ կարեւոր է, որ երկար տարիներ քո մեջ լինի այդ հեքիաթը, մանկությունց հեքիաթը խլելն իմ կարծիքով արդար չէ: Մենք` մեծերս, ավելի շատ մեզ վրա ենք կենտրոնացած, լավ կլինի, որ մանուկներին անդրադարձ ավելի շատ լինի»,- նշեց դերասանուհին:
«Ձյունանուշ» ֆիլմում հանդիսատեը կտեսնի տարբեր հեքիաթային կերպարների: Գլխավոր դերերում փոքրիկ հերոսներն են, որոնց մարմնավորել են Էլեն Կարապետյանը, Ալեքսանդր Մանուկյանն ու Անահիտ Այվազյանը: Ֆիլմում նկարահանվել են նաեւ Ռաֆայել Երանոսյանը Անդրանիկ Հարությունյանը, Լեւոն Հարությունյանը, Հովակ Գալոյանը, Արտաշես Մխիթարյանը եւ այլք:
Սյունե Առաքելյան
Լուսանկարները` Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից11:17, 18 ապրիլի
Ջիջի Հադիդը կիսվել է Victoria's Secret-ի նոր գովազդային արշավի կուլիսային կադրերով