Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Շուշաննա Թովմասյանը, Լուիզա Ներսիսյանը, Անդոն, Ռաֆոն եւ այլք՝ «Ձյունանուշ» ֆիլմի պրեմիերային (ֆոտո/վիդեո)

23:21, 13 դեկտեմբերի

Հավատալ հրաշքներին ու յուրաքանչյուր տարի Ամանորը դիմավորել բարձր տրամադրությամբ ու շատ երջանիկ՝ այս գաղափարն է ընկած «Ձյունանուշ» մանկական ֆիլմի հիմքում, որի առաջին դիտումը կայացավ այսօր՝ դեկտեմբերի 13-ին, «Մոսկվա» կինոթատրոնում: Ֆիլմը երեխաների մասին է, որոնք հավատում են Նոր Տարվա հեքիաթին ու պատրաստ են պայքարել ցանկացած վտանգի դեմ՝ իրենց ընկերների նամակները Ձմեռ պապին հասցնելու համար, որպեսզի ոչ մի երեխայի երազանք անպատասխան չմնա:

Ֆիլմում փոքրիկ հանդիսատեսը կբացահայտի նաեւ մտացածին կերպարների, որոնք զրուցում են մտացածին լեզվով եւ փորձում խանգարել Ձյունանուշին հասնելու երեխաների պատրաստած ամանորյա հանդիսատեսին:

Ինչպես նշում է ֆիլմի ռեժիսոր Արմեն Սիմոնյանը՝ նկարահանման աշխատանքները տեւել են մեկ տարի: Ռեժիսորը կարեւորում է մանուկների համար նախատեսված ֆիլմերի առկայությունը հայկական կինոինդուստրիայում, իսկ պրեմիերային առավել մեծ պատասխանատվությամբ էր սպասում, չէ՞ որ, հանդիսատեսը հենց նրանք են՝ երեխաները: Իսկ երեխաները ողջ ցուցադրության ընթացքում զարմացան՝ տեսնելով ամանորյա հրաշքները, տխրեցին Ձյունանուշի անհաջողությունների համար եւ ոգեւորվեցին նրա հաղթանակի պահին:

«Ձյունանուշ» ֆիլմի գլխավոր հերոսուհուն մարմնավորում է Շուշաննա Թովմասյանը, որի մասնակցությամբ սա առաջին գեղարվեստական ֆիլմն է: Դերասանուհին հուզմունքով էր սպասում պրեմիերային նաեւ այն պատճառով, որ այն պետք է գնահատեն փոքրիկները:

«Կարծում եմ` Ամանորին ընդառաջ սա հետաքրքիր նվեր կլինի փոքրիկներին: Ամբողջ կազմն առավելագույնս իր ուժերը փորձել է ներդնել այս աշխատանքի մեջ, որպեսզի ստանա լավ արդյունք: Ոչինչ չենք խնայել, ու այսօր կարծում եմ` բոլորիս համար տոն է:

Ինձ համար մասնավորապես, որովհետեւ սա առաջին գեղարվեստական ֆիլմն է, որում ես նկարահանվեցի: Կսպասենք արձագանքներին, որոնք հուսով եմ` դրական կլինեն, եւ դա կոգեշնչի հետագայում էլ փոքրիկների համար նման ֆիլմեր ստեղծել, ինչի բացթողումը, կարծում եմ, մեր կինոինդուստրիայում կա: Իսկ երեխաներին պետք է աչքաթող չանել եւ նրանց համար նախատեսված ֆիլմերը պետք է շատ լինեն»,- նշեց դերասանուհին, որը հասցրել է, նույնիսկ, վնասվածք ստանալ նկարահանումների ժամանակ, բարեբախտաբար ամեն ինչ բարեհաջող ավարտ է ունեցել:

Ֆիլմում Լուիզա Ներսիսյանը մարմնավորում է փոքրիկ հերոսուհու մայրիկին: Լուիզան նշում է՝ կերպարային միակ դժվարությունն այն է եղել, որ ինքն ի տարբերություն իր հերոսուհու՝ մինչ օրս հավատում է ամանորյա հրաշքներին եւ հորդորում մյուսներին էլ այդպես անել: Դերասանուհին ողջունում է մանուկների համար նման ֆիլմերի ստեղծումը.

«Մենք` մեծերս, ավելի շատ մեզ վրա ենք կենտրոնացած, լավ կլինի, որ մանուկներին անդրադարձ ավելի շատ լինի»:

Ֆիլմում կհանդիպեք նաեւ հումորային կերպարների, որոնց մարմնավորում են դերասաններ Անդրանիկ Հարությունյանն ու Ռաֆայել Երանոսյանը, իսկ ոստիկանի դերում հանդես է եկել Լեւոն Հարությունյանը:

Գլխավոր դերերում փոքրիկ հերոսներն են, որոնց մարմնավորել են Էլեն Կարապետյանը, Ալեքսանդր Մանուկյանն ու Անահիտ Այվազյանը: Ֆիլմում նկարահանվել են նաեւ Հովակ Գալոյանը, Արտաշես Մխիթարյանը, Էրմինա Զախարովան եւ այլք:

«Ձյունանուշ» ֆիլմը մեծ էկրաններին կլինի դեկտեմբերի  14-ից: Այն կցուցադրվի նաեւ մարզերում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել