• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

Բավականին դժվար է հեռուստադիտողին ներկայացնել որեւէ հին ստեղծագործություն այլ ու նոր լույսի ներքո, սակայն  այն, ինչ կարողացել են անել երկու հանճարներ վեր է բոլոր գովասանքներից։ NEWS.am STYLE-ը ձեզ է ներկայացնում դետեկտիվ ժանրի բրիտանական «Շերլոկ» սերիալը։

Սերիալը հեռարձակվել է 2010 թվականի հուլիսից մինչեւ 2017 թվականի հունվարը BBC One հեռուստաալիքով։ Կազմված է 4 եթերաշրջաններից եւ մեկ հատուկ թողարկումից։ Պետք է նշել նաեւ, որ սերիալը պաշտոնապես փակված չէ։

Լեգենդար դետեկտիվ Շերլոկ Հոլմսի եւ նրա ընկեր դոկտոր Ջոն Վաթսոնի արկածների մասին պատմող ֆիլմում մեզ սպասվում են արկածներ, գլուխկոտրուկներ, կլանող պատմություններ․․․Նախագիծը կյանքի կոչելու հարցում գործի են անցել Բրիտանիայում ֆիլմերի հայտնի վարպետները՝ Մարկ Գետիսն ու Սթիվեն Մոֆատը (առաջինը նույնիսկ մարմնավորել է Մայքրոֆթին՝ Շերլոկի եղբորը)։

Գետիսն ու Մոֆատը կարողացել են անել անհնարինը․Հոլմսի այս էկրանավորումը համարվում է երբեւ նկարահանվածներից լավագույնը։ Առաջին հերթին, նրանք սըր Արթուր Կոնան Դոյլի պատմություններում ծավալվող գործողությունները տեղափոխել են մեր օրեր։ Երկրորդ, լեզուս էլ չի պտտվում այս նախագիծը սերիալ կոչել՝ ամեն եթերաշրջան կազմված է 3 սերիայից՝ յուրաքանչյուրը 1,5 ժամ։ 

Սցենարները, մանրամասնությունների մշակումը, տարբեր հղումները սկզնաղբյուրին, բեմադրությունը, նորարարական մտքերը հաղորդագրության տեսքով, մտքի գոհարները եւ դեդուկցիայի վիզուալիզացիան փայլուն դերասանական խաղի հետ մեկտեղ սերիալը դարձնում են ոչ միայն լավագույնը իր տեսակի մեջ, այլ ընդհանրապես այդ ժանրում։

Հեղինակների հանճարին ավելացնենք միայն դերասանների, հատկապես գլխավոր հերոսների ու չարագործի մեգատաղանդը։

Շերլոկ Հոլմսի (Բենեդիկտ Կամբերբետչ) դերակատարը այնքան լավ է խաղում դերը, որ մտածում ես, թե կերպարը գրքից հառնել է հենց աչքիդ առաջ։ Նա վարպետորեն ցույց է տալիս անսահման խելացի մի մարդու, ով չի հավատում ոչնչի, բացի տրամաբանությունից։ Նրա խարիզման եւ որոշակի ցինիզմը լարված են պահում մինչեւ վերջ։ Միակ մարդը, ով օգնում է հասկանալ, որ գործ ունենք նուրբ հոգու եւ սրտի տեր մարդու հետ, նրա ընկեր Վաթսոնն է։ 

Ջոն Վաթսոնը (Մարտին Ֆրիմեն) այն կերպարն է, որն օգնում է հասկանալ Շերլոկին, նրա միջոցով մենք ճանաչում են հանճարին։ Միաժամանակ, ինքը՝ Շերլոկը, իրեն շրջապատող աշխարհը հասկանում է հենց Վաթսոնի միջոցով։ Սա որոշակի սիմբիոզ է։ Ոչ մի դեպքում չի կարելի ասել, թե Շերլոկի հմայքը նրա վաստակի մեջ է, չէ՞ որ հենց Վաթսոնն է օգնում մեզ հասկանալ, որ մեր առաջ տրամաբանության մեքենա չէ։ Ֆրիմանը ամբողջությամբ կատարում է իր խնդիրը։

Ջիմ Մարիարտին (Էնդրյու Սկոթը) այս հրաշալի տորթի բալն է։ Նրա խաղը, խարիզման եւ որոշ տեսարաններում խելահեղությունը ցնցում են։ Նրա պայքարը Շերլոկի դեմ ապոֆեոզ է, որը մեկ շնչով նայվում է։ Իզուր չէ, որ այս չարագործը աշխարհում Շերլոկից պակաս երկրպագուներ չունի։

Եթե դուք սիրում եք սերիալներ, որոնք ստիպում են ձեզ մտածել եւ խորհել, ապա Շերլոկը միանշանակ ձեզ համար է։ Այն ձեզ ոչ մի վայրկյան հանգիստ չի թողնի։ Միայն սկսեք նայել եւ չեք կարողանա կտրվել նրանից։

Հաճելի դիտում։

Նորայր Նազարյան

P.S.

—Թեյ կցանկանա՞ք։

—Շնորհակալ եմ։

—Թեյնիկն այնտեղ է։

Հետևեք NEWS.am STYLE-ին Facebook-ում, Twitter-ում և Instagram-ում