Պահարան. այն ամենն ինչ պարտադիր է ճամպրուկում՝հանգստի մեկնելիս

Ամերիկաբնակների արձագանքը հայկական տեսահոլովակներին. մաս 2` Իվետա Մուկուչյան

«IQ-իկ». Փոքրիկները` լրագրության մասին

Makeup tutorial. ստանում ենք վառ ամառային դիմահարդարում

Ինչպես ընտրել ամառային շապիկներն ու ճիշտ համադրել դրանք

«Իռլանդացին» ֆիլմի առաջին թիզերը

Արտասահմանցիները հայկական տեսահոլովակներ են դիտում

Երկու հայ հանդիպեցին Մոսկվայում․ Հրանտ Թոխատյան եւ Սարիկ Անդրեասյան

NEWS.am STYLE-ը ներկայացնում է․ երեք լուք մեկ ժակետով՝ ոճաբանի խորհուրդները

Դավիթ Պարոնիկյանը, Միշ Ամիրյանը & Co-ն ներկայացնում են. «համեղ» երաժշտություն Smart’n’Special-ից

«Ուզում եմ նստել «Համացանց» անունով ձին». Սարիկ Անդրեասյանն իր Youtube-յան շոուն ունի

«Իտալական մաֆիայի կրտսեր կազմ». հայ երիտասարդը «Лучше всех» հաղորդմանը եկել էր 8-ամյա թարգմանչի հետ

Քիմ Քարդաշյանը վերադարձել է Սպիտակ տուն՝ դատապարտյալներին աջակցելու համար

«Հայաստանը բացահայտումների երկիր է». Միխայիլ Շիրվինդտը Սեւանի ափին խեցգետնով քաբաբ է փորձել

Shabeeg․ խոսող շապիկներ

Թիմաթին եւ Նազիման ներկայացրել են Հայաստանում նկարահանված տեսահոլովակը

Տարանտինոյի «Մեկ անգամ Հոլիվուդում» ֆիլմը՝ Կաննի կինոփառատոնում

Սերժ Թանկյանը կատարել է «Գահերի խաղ»-ի վերջին եթերաշրջանի սաունդթրեքը

Match&Go. Ամանորյա գիշերը ձեզ ամեն ինչ կարելի է

13:34, 22 դեկտեմբերի

Match&Go (բառացիորեն՝ «Համադրիր եւ գնա») խորագրի շրջանակում մենք կփորձենք ներկայացնել զգեստապահարանի այս կամ այն տարրը, որը չպարտադրելով, բայց միանգամայն ակնհայտորեն կարող է դառնալ սեզոնի հիթը: Նաեւ կառաջարկենք՝ կարդիգանն ինչի՞ հետ հագնել կարեւոր հարցի պատասխանները:

Հաշված օրեր են մնացել մինչեւ տարվա գլխավոր երեկույթը: Մենք վստահ ենք, որ երեկոյի գլխավոր ինֆլյուենսերը սեփական տրամադրությունն է, որը հաստատապես կբարձրանա ամանորյա բարձրակարգ կերպար ընտրելու դեպքում: Առաջարկում ենք 6 տարբերակ՝ հաշվարկված ցանկացած զգեստապահարանի, դրամապանակի եւ ազատ ժամանակի համար: Ինչպես նաեւ՝ «ծնողներիս հետ կդիմավորեմ եւ ձեզ էլ կհանդիպեմ», կամ ամանորյա հաղորդումը ընտանիքով դիտելու տարբերակների համար:

Սեւ զգեստ

Ամենայն անկեղծությամբ եմ ասում՝ սա հիթ է: Բոլոր ժամանակներում, ցանկացած տիպի երեկույթի համար: Եվ մինչ Pantone-ն ընտրում է տարվա գույնը (որն, ի դեպ, նորաձեւության դեպքում հակադարձ արդյունք ունի, քանի որ այստեղ ավելի շուտ պոդիումն է երանգավորում թելադրում, քան բուն ընկերությունը), մինչ նորաձեւության պատմաբանները վիճում են այն հարցի շուրջ, թե ով է, ի վերջո, ստեղծել այդ փոքր սեւ զգեստը, դուք կարող եք համարձակորեն սեւն ընտրել:

Բալետի պարուհու տուփ-զգեստ՝ օրգանզայից, մետաքսից կամ վելվետից ագուցումներով: Դասական պատյան-զգեստ՝ լրացված զանգվածեղ ականջօղերով, ձիգ զուգագուլպայով, գլիտերով եւ կիսաճտքավորներով: Վառ աքսեսուար կամ ձեւվածքի յուրահատկություն (օրինակ՝ մեջքին խորը բացվածք). եւ կարող եք համարձակ ընդառաջ գնալ Ամանորին:

Գլխավոր պայմանն է՝ եթե սեւը չի ձանձրացրել:

Սմարթ քեժուալ

Ինտրովերտների համար հրաշալի տարբերակ է: Կատարյալ է պիժամաներով երեկույթը: Հանգստացող կերպար՝ այնպիսին, ինչպիսին ամեն օր: Տրիկոտաժ, բամբակ, վուշ, հարմար բրդյա սվիտեր: Սկանդինավյան մինիմալիզմ:

Կամ օվերսայզ, բնական գործվածքներ եւ բազմաշերտություն: Կարելի է անգամ գուլպայով հողաթափ…Մեկ վառ շտրիխը՝ պարկ-պայուսակի կամ մազակալի տեսքով, կլուծի ներքին տոնի խնդիրը: Իսկ մնացյալն անհեթեթություն է:

Գլխավոր պայմանն է՝ պայմանականությունների բացակայությունը:

Ռոմանտիզմ 

Ծավալուն թեւքեր, խորը բացվածք, այդ թվում՝ մեջքին, ժանյակ, մետաքս, ասեղնագործություն: Թեթեւ, անկշիռ զգեստ կամ կիսաշրջազգեստ, որը կարելի է հագնել ոչ միայն բաց բոկոտիկներով, այլեւ զանգվածեղ բոտիլյոնների կամ նույնիսկ թրեքինգային կոշիկի համադրությամբ:

Մազերն անփութորեն հավաքեք փնջով կամ փունջը հերակալով ամրացարեք կողքից: Ընտրեք սիրելի աքսեսուարները, ձեւափոխեք սանրվածքը. դիզայներները համարձակ «այո» են ասում փորձարկումներին՝ մինիմալիստականից, պարզամիտ ռոմանտիկայից մինչեւ գոթիկա եւ նույնիսկ քեմփ ոճի քիթչ:

Եթե սիրում եք երկարատեւ զբոսանքները, վերցրեք մեծ բրդյա սվիտեր: Ե՛վ արտակարգ է նայվում, ե՛ւ ստիպված չեք լինի հիվանդանալ: Որպես եւս մեկ տարբերակ՝ նման զգեստը կարելի է հագնել օվերսայզ կարդիգանով, մարզակոշիկով կամ բարձր պլատֆորմով չելսիով:

Գլխավոր պայմանն է՝ չմրսել:

Զգեստ՝ կերպասե, կուպրոյե, մետաքսե ուսակապերով

Երեկույթների համար նույնպես դասական է: Ընդ որում՝ ստանդարտ թվացող մոդելից կարելի է ստեղծել կերպարի մեծ թվով զանազան տարբերակներ:

Օրինակ՝ դասական տարբերակ է նավակ-կոշիկների կամ բոկոտիկների հետ հագնելը: Սվիտերի եւ բոկոտիկների հետ հագնելը: Ցանցավոր թեթեւ սվիտերի կամ երկար բաճկոնի եւ գործնականում կոշիկի ցանկացած տեսակի հետ՝ զանգվածեղ կիսաճտքավորներ, բոկոտիկններ, նավակ-կոշիկներ, մարզակոշիկներ: 

Գլխավոր պայմանն է՝ ոճի սեփական զգացողությունը:

Վինտաժ

Ողջամիտ գործածման հետեւորդները հազիվ թե համաձայնվեն հանդերձանք գնել մեկ գիշերվա համար՝ դրա մասին հաջորդ օրը մոռանալով, որովհետեւ այդ «զգեստն արդեն տեսել են նրա Ինսթագրամում»: Նման դրվածքի դեպքում օրակարգում է հայտնվում վինտաժը:

Ցավոք, Երեւանում արժանի խանութներ չկան, որտեղ ապրանքը տեսակավորված է ըստ վաճառողի այս կամ այն գեղագիտական նախասիրությունների: Մնում են առցանց տարբերակները կամ արշավանքը սեքընդ-հենդ՝ պաշարելով համբերություն եւ որսորդի հմտություններ. այնտեղ կարելի է ոսկե ձկնիկ որսալ, ուղղակի այն լավ թաքցված է:

Եթե ձեր երեկույթի ձեւաչափը նույնիսկ չի ենթադրում անցյալին հղումներ, շինծու թատերականությունը թեթեւակի կարոտախտի հետ միասին հաստատապես անպարտելի տարբերակ կդառնան: Ի դեպ, կարելի է կերպարը ստեղծել նաեւ նոր իրերով: Դիզայներները մեծապես հակված են անցած տասնօրյակներին անմիջական հղումներին՝ վերստին ու վերստին թողարկելով հին շղարշներով հավաքածուներ:

Գլխավոր պայմանն է՝ սերը անցյալի հիասքանչ դարաշրջանների հանդեպ:

Կոստյում կամ օվերսայզ բաճկոն

Ամեն անգամ կրկին զարմացնող դասական, որը հաստատապես նկատելի տարբերակ կլինի ամանորյա երեկույթներին: Ըստ կազմվածքի՝ վելվետե, թվիդե կոստյում: Խստաոճ եւ չափավոր սեքսուալ, առանց աղմկահարույց աքսեսուարների, ցածր պոչով կամ ձիգ մազափնջով՝ կապված վառ ժապավենով:

Կամ հակառակը՝ խաղացկուն, վառ տարբերակ, որը չափավոր դրես-կոդի դեպքում եւ զանգվածեղ աքսեսուարների բացակայությամբ մի քանի շաբաթ հետո տեղին կնայվի նաեւ գրասենյակում:

Օվերսայզ բաճկոնը միանգամայն կարող է զգեստ դառնալ՝ համադրվելով ժակարդե կամ փայլող բոտիլյոններով, իսկ գուցե եւ նավակ-կոշիկների դասական տարբերակով: Որպես տարբերակ՝ բաճկոնին հավելեք սեւ բարդ համադրությամբ կիսաշրջազգեստ եւ ձեզ զգացեք սիրելի «Ադամս ընտանիքը» ֆիլմի հերոսուհի:

Գլխավոր պայմանն է՝ դեռ չեն մտածել:

Անի Մովսիսյան

Լուսանկարների աղբյուրները՝ Cosstores.com, mango.com, 12storeez.com, uniquefabric.com, ushatava.com, thestonecoldfox.com, damoyantwerp.com, @otocyon, @forloveandlemons, @namelazz, @chaikastore


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության