Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

Արման Նշանյանը՝ «Փրկեք մեր հոգիները» սերիալի, նոր նախագծի եւ Միքի Ռուրկի հետ հոլիվուդյան նոր ֆիլմում նկարահանվելու մասին

16:04, 8 հունվարի

2018 թ-ի ընթացքում Արման Նշանյանը բավականին ակտիվ էր: Հեռուստադիտողը հասցրեց նրան տեսնել տարբեր սերիալներում եւ սիթքոմում՝ հետեւելով նրա կերտած կերպարների բազմազանությանը: Արմանի մասնակցությամբ ամենաթարմ նախագծերից է «S.O.S. Փրկեք մեր հոգիները»՝ 25 մասից բաղկացած սարսափ եւ միստիկ ժանրի հեռուստասերիալը, որն այս շրջանում հեռարձակվում է «Արմենիա» հեռուստատեսության եթերում: Դերասանը ֆիլմում մարմնավորում է գլխավոր հերոսին՝ Վանին, որը խորը հոգեբանական գծեր ունեցող կերպար է: 

NEWS.am STYLE-ը Արման Նշանյանի հետ զրուցել է սարսափ ժանրում նկարահանված հայկական հեռուստասերիալի, իր կերպարի առաձնահատկությունների, նոր նախագծի եւ հոլիվուդյան նոր ֆիլմում Միկի Ռուրկի եւ Վել Քիլմերի հետ նկարահանվելու մասին: 

Արման, Հայաստանում այնքան էլ զարգացած չեն սարսափ ժանրի ֆիլմերը: Երբ ստացաք «Փրկեք մեր հոգիները» սերիալում նկարահանվելու առաջարկը, հե՞շտ համաձայնվեցիք նկարահանվել: Հենց սկզբից հավատո՞ւմ էիք, որ նախագիծը լավ արձագանքներ կունենա:

Մեծ դժվարությամբ համաձայնվեցի: Ինչպես գիտեք, ես հազվադեպ եմ նկարահանվում, քանի որ ավելի կարեւորում եմ որակը, քան քանակը:  Հարութ Շատյանի եւ նրա թիմի հետ աշխատելու փորձ ունեցել էի նախկինում՝ «Հին արքաներ» հեռուստաֆիլմի շրջանակում: Ուստի վստահ էի, որ այս դեպքում էլ որակյալ ֆիլմ էր լինելու: Բայց միեւնույն ժամանակ գլխավոր դեր կատարելը միշտ մեծ պատասխանատվություն է: Ինչ վերաբրվում է ժանրին, ապա կարծում եմ, որ ճիշտ եւ պրոֆեսիոնալ մոտեցման պարագայում ցանկացած ժանր կգտնի իր հանդիսատեսին:

Ինչպե՞ս կգնահատեք ֆիլմն ընդհանուր առմամբ: Այն ստացված համարո՞ւմ եք:

Անշուշտ, ֆիլմը կարելի է ստացված համարել: Այն վաճառքի ամենաբարձր ցուցանիշ ունեցող հայկական նախագծերից է: Այս ֆիլմի նկարահանումներն ինձ համար ամենահիշված եւ հաճելիներից էին:

Ի՞նչ եք կարծում, Հայաստանում նման ժանրի ֆիլմեր նկարահանելու հիմնական դժվարությունները որո՞նք են:

Կարող եմ ասել միայն դերասանի տեսանկյունից: Նմանատիպ ժանրի ֆիլմում նկարահանվելու համար դերասանը պետք է ունենա բարձր ֆիզիկական պատրաստվածություն եւ անգամ կասկադյորի հմտություններ:

Որտե՞ղ են անցել նկարահանումները: Քանի՞ օր եք եղել նկարահանման հրապարակում:

Նկարահանումները տեղի են ունեցել Հայաստանում գտնվող մի հետաքրքիր անտառում եւ տեւել են մոտ երկու ամիս: Այդ ընթացքում ես գրեթե ամեն օր նկարահանման հրապարակում էի:

Եղանակային պայմանների կամ տեսարանների առումով որո՞նք են եղել հիմնակամ դժվարությունները:

Գրեթե ամողջ ֆիլմը նկարվել է դրսում, նոյեմբեր-դեկտեմբեր ամիսներին, երբ արդեն շատ ցուրտ էր: Եղանակային այդպիսի պայմանները նկարահանման յուրաքանչյուր օրը դարձնում էին փորձություն: Բացի դրանից ունեցել եմ մի քանի իսկապես դժվար ու վտանգավոր տեսարան, երբ ստիպված էի, օրինակ, թռնել արագ ընթացող մեքենայի վրա:

Հեռուստադիտողին ֆիլմը փոխանցում է այդ սարսափը, մռայլությունը… Հետաքրքիր է՝ ինչպիսի՞ն էր մթնոլորտը նկարահանման հրապարակում: Հավատո՞ւմ էիք ձեր կերպարներին, պատմությանը:

Նկարահանման հրապարակում տիրում էր ճիշտ այն նույն մթնոլորտը, որը զգում է հեռուստադիտողը ֆիլմը դիտելիս:

Ծիծաղելի դեպքեր եղե՞լ են նկարահանման ընթացքում:

Ծիծաղելի դեպքեր ցավոք չեմ հիշում: Միայն վախ և սարսափ (ծիծաղում է):

Ֆիլմում մարմնավորում եք գլխավոր կերպարին՝ Վանին. կառանձնացնե՞ք նրա այն հատկանիշները, որոնք Ձեզ էլ են բնորոշ, եւ այն հատկանիշները, որոնք այնքան էլ չեք հավանել նրա մեջ:

Ես միշտ փորձում եմ կամուրջներ ստեղծել իմ եւ կերպարիս միջեւ: Վանի կերպարն էլ հնարավորինս ինձ եմ նմանացրել:Հանդիսատեսը տեսնում է ինձ՝այս կամ այն դրությունում:

Հայաստանում վերջին շրջանում բավականին ռեյտինգային են դարձել կարճ՝ հիմնականում 25 մասից բաղկացած սերիալները… ի՞նչն է, ըստ Ձեզ, դրանց հաջողության գրավականը:

Սերիաների սահմանափակ քանակը դրական է ազդում ֆիլմի որակի վրա: Բացի դրանից՝ արագ զարգացումները ֆիլմն ավելի հետաքրքիր են դարձնում հանդիսատեսի համար՝ նրան անընդհատ լարվածության մեջ պահելով:

Եթե չեմ սխալվում, նոր նախագծխի շուրջ եք աշխատում: Կարո՞ղ եք մի քիչ մանրամասնել՝ ինչ նախագիծ է:

Մի շաբաթ առաջ ավարտեցինք գեղարվեստական ֆիլմի նկարահանումները: Այն պատմում է Կոմիտասի կյանքի եւ Համիդյան ջարդերի մասին: Ֆիլմի ռեժիսորը ես եմ: Գլխավոր դերերում նկարահանվել են Սամվել Թադեւոսյանը, Սոս Ջանիբեկյանը, Արտաշես Ալեքսանյանը, Ժան Նշանյանը, Շաքե Թուխմանյանը, Տաթեւ Հովակիմյանը, Արեւիկ Գեւորգյանը: Հիմա գտնվում եմ ԱՄՆ-ում, որտեղ արվելու են ֆիլմի մոնտաժի աշխատանքները:

Ամերիկյան շուկայում նորություններ ունե՞ք:

Գարնանը նկարահանվելու եմ խաչակիրների մասին պատմող հոլիվուդյան մեծ պատմական ֆիլմում, որում նկարահանվելու են նաեւ Միքի Ռուրկը և Վել Քիլմերը:

Սյունե Առաքելյան

Լուսանկարները՝ Արման Նշանյանի անձնական արխիվից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել