Տոներն ավարտվեցին, հուսով ենք, որ դուք ի սրտե հանգստացել եք եւ պատրաստ եք նոր հղացումների ու գործերի: Եվ որպեսզի գոնե երբեմն կտրվեք ամենօրյա վազվզուքից ու կենցաղից, մենք շարունակում ենք «Լավ մոռացված հինը» խորագիրը:
NEWS.am STYLE-ն այսօր առաջարկում է ձեզ ջերմություն, հոգի, փափկություն եւ քնքշանք, որը թույլատերլիի սահմանից այն կողմ է։
«Գանգուրիկ Սյուն» 1991թ․-ի ֆիլմ է։ Գլխավոր դերերը խաղացել են Էլիսան Պորտերը, Ջեյմս Բելուշին եւ Քելլի Լինչը։
Ֆիլմով զբաղվել է մեկը, ով իր սցենարներով մի քանի սերունդների մանկությունն անմոռանալի է դարձրել։ Նա բառացիորեն ստիպել է մեծահասակներին ընկնել այնտեղ․ խոսքը մեզանից հեռացած Ջոն Հյուզի մասին է: Նա մեզ ժառանգություն թողեց այնպիսի ֆիլմեր, ինչպիսիք են «Տանը՝ միայնակ», «Բեթհովեն», «101 դալմատինցիներ» եւ շատ ուրիշներ: «Գանգուրիկ Սյու»-ում Հյուզը ստանձնեց ռեժիսորի, սցենարիստի եւ պրոդյուսերի պաշտոնները․ կարող ենք ասել, որ իրեն ամբողջությամբ տվեց:
Ֆիլմը պատմում է Բիլ Դենսերի (Ջեյմս Բելուշի) եւ նրա դուստր Սյուզանի (Էլիսոն Պորտեր) մասին: Նրանք անտուն խաբեբաներ են, որոնք իրենց մանիպուլյացիաների շնորհիվ վատ չեն ապրում փողոցում: Մի օր ճանապարհատրանսպորտային պատահար սարքելով՝ մի խաբեբա ծանոթացնում է նրանց իրավաբան Գրեյ Էլիսոնին (Քելլի Լինչ), որը փոխում է բոլոր երեքի կյանքը:
Ֆիլմը պատմում է, որ կարելի է երջանիկ լինել նաեւ առանց հարստության եւ շատ գումարի․ գլխավորը երջանկություն գտնելն է միմյանց մեջ: Ֆիլմը հագեցած է դրական եւ փայլուն հումորով, բարի ուժերով եւ, ինչ մեղքս թաքցնեմ, խաբեբայությունների համար շատ օգտակար հնարանքներով:
Բելուշի խաղն ամենաբարձր մակարդակի վրա է․ նա հիանալի կերպով է մարմնավորում ոսկի սրտով խաբեբային, իսկ նրա հումորն ավելին է, քան պարզապես հումորը: Նրա դրամատիկ դրվագներից ոմանք նույնպես շատ հիշարժան են:
Քելլի Լինչը վատ չի ներկայացնում հերոսուհուն, ով դուրս հայտնվելով հարմարավետության գոտուց՝ կարողանում է հարմարվել, նաեւ չի վախենում նոր բան փորձել:
Եվ վերջապես մենք հասանք գլխավոր հերոսուհուն՝ Էլիսոն Պորտերին՝ նա ֆիլմի զարդն է եւ ամենափայլուն աստղը: Նրա կերպարի ճարպկությունը, խարիզման ու քնքշանքը չեն կարող որեւէ մեկին անտարբեր թողնել (ես չեմ մոռանա այն տեսարանը, որտեղ նա երգում է ԱՄՆ հիմնը): Իսկ այն տեղերում, որտեղ կա հոգեկան դրամա, նրա խաղն այնքան ուժեղ է, որ նույնիսկ հասուն մարդը թույլ կտա իրեն տղամարդու ժլատ արցունքներ թափել։
Ի դեպ, Էլիսոն Պորտերն արդեն 37 տարեկան է ... որքան արագ է ժամանակը թռչում:
Ձեզ շատ կխնդրեի ֆիլմը նայել ձեր ընտանիքի հետ երեկոյան՝ բազմոցին թիկն տված, որն իր դրական աուրայով ձեզ աննկարագրելիորեն կլցնի։
Հ․Գ
Հավերժ հիշատակ քեզ, Ջոն Հյուզ, բարի մարդ, ով աշխարհին ստիպեց ժպտալ:
Բարի՛ դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը