«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Գնացի պրեմիերայի. Ապակու բեկորներ՝ «Ապակի»

20:33, 23 հունվարի

Կինոյի աշխարհում ռեժիսոր Մ. Նայթ Շյամալանն անչափ հակասական անհատ է: Նա կարող է 6-րդ զգայարանի նման գլուխգործոց ստեղծել դարերի համար, մեկ էլ հանկարծ լիակատար տաղտուկ մատուցել, ինչպես «Մեր դարաշրջանից հետոն» (Ուիլ Սմիթի դերասանական խաղից չի բողոքել թերեւս միայն ծույլը):

Շյամալանը ժամանակին ցույց է տվել միանգամայն որակյալ ֆիլմ «Անխոցելին»՝ գլխավոր դերերում Բրյուս Ուիլիսի եւ Սեմյուել Լ. Ջեքսոնի կատարմամբ եւ ենթատեքստով, որը մտորելու տեղիք է տալիս: Վերջերս Նայթը բավականին հաջող թրիլլեր թողարկեց՝ «Սփլիթը», գլխավոր դերակատար Ջեյմս Մաքեւոյի հետ:

Եվ դրանից հետո սկսվե՜ց…

Շյամալանը որոշել է, որ մնացյալից ոչ մի բանով վատը չէ եւ կարող է ստեղծել սեփական կինոտիեզերքը. վերեւում նշված 2 ֆիլմերի հերոսներին վերցնելով՝ մեզ է մատուցել «Ապակի» ֆիլմը:

Ֆիլմը 3 գլխավոր հերոսների մասին է, որոնք հայտնվել են հոգեբուժարանում, եւ նրանց հետ զրուցում է հոգեբանը:

Ամենաճնշողն այն է, որ Շյամալանը կարող էր ստեղծել հոյակապ հոգեբանական թրիլլեր՝ հետաքրքիր երկխոսություններով եւ դերասանների ընտրությամբ, որի մասին ցանկացած ռեժիսոր կարող է միայն երազել:

Բայց Նայթն այդ տղան չէ, նա որոշել է ձեռքի հետ ստեղծել կիսագերհերոսական բլոքբասթեր: Անմիջապես ասեմ, որ կինոնկարը բոլոր ասպեկտներով սարսափելի է: Սյուժեն ամբողջությանբ փուչ է, սցենարի ներուժը փոշիացած, էքշըն-տեսարանները խղճուկ են մինչեւ ձանձրացնող աստիճանի (մեկնումեկդ ռեժիսորին բացատրեք, որ մեկը մյուսին մի կողմ հրելը էքշըն չէ): Ընդհանրապես հասկանալի չէ, թե ֆիլմում ինչի համար են երկրորդական հերոսները: Դիտում ես ու չես հասկանում՝ ո՞րն է նրանց գործառույթը:

Եվ ամենագլխավոր հիսթափությունն են գլխավոր հերոսները:

Բրյուս Ուիլիսը պարզապես կադրում ներկա է եւ ոչինչ ավելի (Շյամալանն ընդհանրապես նույնիսկ ամենատաղանդավոր դերասաններին քայլող կահույքի վերածելու նզովյալ շնորհ ունի):

Սեմյուել Լ. Ջեքսոնն այս ֆիլմում իմ անձնական վիշտն է: Ի՞նչ են արել քեզ հետ: Որտե՞ղ է այն զիլ տղամարդը, որն օդանավում օձերին ուղարկում էր ուր որ պետք է: Նա այստեղ ասես ինքն իր չինական կեղծումը լինի:

Ջեյմս Մակեւոյը միակ առույգ հերոսն է (նրա մեջ ապրող բոլոր 20 անձանցով), զգում ես, որ նա իր հերոսին խաղում է ուղղակի հնարավորությունների բարձրակետին, բայց ահա խնդիրն այն է, որ, ըստ էության, խաղալու բան էլ չկա:

Արդյունքում՝ մեզ ենթատեքստով, զիլ երկխոսություններով եւ «А» դասի դերասաններով արտակարգ հոգեբանական կինոնկար տալու փոխարեն, ստացել ենք իմաստ չունեցող եւ առանց տեսարանների կիսաբլոքբասթեր:

Ընդհանրապես, խորհուրդ չեմ տալիս կինոթատրոն գնալ այս ֆիլմը դիտելու:

P.S.

Եվ մի բան էլ. սյուժետային թվիստը պետք է ուղեղը պայթեցնի (լավ իմաստով), այլ ոչ թե հանդիսատեսին այնպիսի դեմքով թողնի, որի վրա կարդում ես՝ դուք ի՞նչ է, ձեռք եք առնում:

Հաճելի դիտում
Նորայր Նազարյան

 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել