Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Լավ մոռացված հինը. Իրական լրտեսություն՝ «Լրտեսական խաղեր»

20:39, 30 հունվարի

NEWS.am STYLE-ը ձեզ հնարավորություն է տալիս «Լրտեսական խաղեր» ֆիլմի միջոցով լրտեսության աշխարհ խորասուզվել:

«Լրտեսական խաղերը» 2001 թվականի ֆիլմ է, որի ռեժիսորը հանգուցյալ Թոնի Սքոթն է: Գլխավոր դերերում Ռոբերտ Ռեդֆորդն  ու Բրեդ Փիթն են:

Սա լրտեսական պատմություն  է, որում ամեն ինչ ոչ միանշանակ է. անձնազոհությունը միաժամանակ ուղեկցվում է դավաճանությամբ, զոհաբերությունը՝ հերոսությամբ, ինքնապահպանման զգացումը՝ հուսահատ ռիսկով:

ԿՀՎ գործակալ Թոմ Բիշոփը (Բրեդ Փիթը) փորձում է իր սիրեցյալին դուրս հանել չինական բանտից, սակայն գերի է ընկնում:

ԿՀՎ ղեկավարությունը փորձում է ամեն կերպ արդարացում գգտնել Բիշոփին բանտից չհանելու համար, քանի որ Թոմի գործողություններին ամերիկյան հատուկ ծառայությունների ներգրավվածությունը կարող է հարվածի տակ դնել Չինաստանի հետ առեւտրային հարաբերությունները:

Այդ ժամանակ  Նեյթան Մուրը՝ (Ռոբերտ Ռեդֆորդ) ԿՀՎ-ի պաշտոնաթող գործակալը, մի ամբողջ գործողություն է ծրագրում՝ փորձելով հայրենիք վերադարձնել իր նախկին գործընկերոջը:

Ֆիլմի պատմությունը առավելագունս իրատեսական է եւ գրեթե զուրկ է լրտեսական ֆիլմերին հատուկ պաթոսից: Եվ ընդհանրապես ֆիլմը շատ է տարբերվում  այլ լրտեսական պատմություններից. այստեղ նախագծի գլխավոր գրավչությունը ռեալիզմն է:

Մյուս կողմից այս ֆիլմը իր լրջության պատճառով ոչ բոլորին դուր կգա: Էլ չենք ասում, որ համաշխարհային քաղաքականության գոնե նվազագույն գիտելիքները չեն խանգարի, դե իհարկե ուղեղն էլ պետք է լարել:

Տպավորիչ տեսարանների բեմադրման եւ ռեժիսուրայի հարցերում Թոնի Սթոքը երբեք հատուկ խնդիրներ չի ունեցել, իսկ եթե հաշվի առնենք, որ այս ֆիլմում 115 000 000 դոլար է ներդրվել, ապա բոլոր հարցերը վերանում են: Միեւնույն ժամանակ ֆիլմում ամեն ինչ դոզավորված եւ զգույշ է՝ փոխհրաձգություններ, երկխոսություններ, սիրային պատմություններ, նորից փոխհրաձգություններ, երկխոսություններ եւ այլն:

Իհարկե, պետք է միանգամից զգուշացնել, որ Բրեդ Փիթի երկրպագուները կհիասթափվեն: Չնայած նրան, որ նա գլխավոր դերերում է, նա քիչ էկրանային ժամանակ ունի:

Սյուժեի հիմնական առանցքը Ռոբերտ Ռեդֆորդն է: Նա սյուժեն առաջ է տանում եւ հենց նա պետք է մտածի ազատման այս գործողությունը (կարծում եմ, Ռեդֆորդի դերասանական հմտության թեմայով խոսելը հիմարություն է): Փիթը նույնպես վատ չէ Թոմ Բիշոփի դերում՝ նա հրաշալի ցույց է տվել անփորձ իդեալիստ զինվորից իր հերոսի աստիճանական փոխակերպումը հաշվենկատ եւ փորձառու լրտեսի:

«Լրտեսական խաղերը» յուրահատուկ մասնագիտացված քաղաքական թրիլլեր է, որի նմանը գրեթե չկա:

Իրադարձությունները սահուն են ընթանում եւ դա կարող է շատերին վախեցնել: Բայց նրանց, ովքեր բարոյապես պատրաստ են դրան (իսկ եթե նաեւ բուն թեման է հետաքրքիր), հավաստիացնում եմ դուք անկեղծ հաճույք կստանաք այս ժապավենի դիտումից եւ կվայելեք իսկապես կլանող, լարված լրտեսական սյուժեն:

Հաճելի դիտում

Նորայր Նազարյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել