• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Հաղորդավար Վրույր Թադեւոսյանը, որը երկար տարիներ «բարի առավոտ» էր մաղթում հայ հեռուստադիտողին, տեւական ժամանակ է, ինչ չի երեւում հայկական հեռուստաէկրաններին: Վրույրն այս շրջանում Միացյալ նահանգներում է, արդեն երկար ժամանակ է՝ գտնվում է Լոս Անջելեսում:

NEWS.am STYLE-ին հետաքրքրեց հաղորդավարի երկարատեւ բացակայությունն ու նրա գործունեությունը ԱՄՆ-ում, ինչի շուրջ էլ զրուցեցինք Վրույրի հետ:

Հաղորդավարը տեղեկացրեց, որ այս շրջանը նվիրել է շրջագայությանը, «վայելում է կյանքը».

«Այս հնարավորությունը երեւի երբեք էլ չունենամ ապագայում։ Աշխատանքային գործունեություն դեռ չեմ ծավալում։ Ժամանակիս մեծ մասն անցկացնում եմ ընկերներիս հետ, ծանոթանում եմ նոր մարդկանց ու միջավայրին։ Սկզբում մտածում էի, որ սա երկարատեւ հանգիստ կլինի ինձ համար, բայց այստեղ հաճելի անակնկալ եղավ։ «Հորիզոն» հայկական հեռուստաընկերությունից համագործակցության հրավեր եմ ստացել, եւ, եթե թղթաբանական գործընթացները հաջող ավարտ ունեցան, մասնագիտական աշխատանքային գործունեությունս կշարունակեմ արդեն Միացյալ նահանգներում։ Բարեբախտաբար՝ մեր մասնագիտությունն այսօր թույլ է տալիս ոչ թե մշտական բնակության վայրը փոխել, այլ ավելի ընդարձակել գործունեության սահմանները, ճանապարհորդել, բացահայտել։ Սա հետաքրքիր փորձաշրջան է ինձ համար»։   

Հաղորդավարը նաեւ ոգեւորությամբ հավելեց, որ ԱՄՆ-ում ավելի շատ ժամանակ է կարողանում տրամադրել հանգստին, քնին եւ մտածելուն, ինչի պակասը Հայաստանում ունենում էր.

«Փորձում եմ առօրյաս այնպես կազմակերպել, որ ամեն անգամ մի նոր բան տեսնեմ՝ նոր սրճարան, նոր տեսարժան վայր, թանգարան, քաղաք, ճանապարհ։ Շատ եմ սիրում հատկապես Լոս Անջելեսի երկնաքերերի տանիքի ռեստորանները, որտեղից գրեթե ամեն երեկո հետեւում եմ քաղաքի խելագար ընթացքին։ Շատ մեծ ժամանակ եմ հատկացնում ընթերցանությանը։ Հատկապես սիրում եմ երեկոյան նստել Barnes and Nobel գրախանութում, ու տաք սուրճով վայելել մի նոր գիրք։ Այստեղ չես նկատում, թե ոնց լույսը բացվեց ու ոնց արեւը մայր մտավ։ Չեմ դադարեցրել նաեւ ստեղծագործական աշխատանքս. անընդհատ գրում եմ, ու ոնց հասկանում եմ՝ դա ինչ որ ամբողջացում կունենա անպայման։ Ժամանակը ցույց կտա։ Անելու շատ բան կա, երբ կարողանում ես մի պահ դադար առնել ու քո հնարավորությունները վերարժեւորել»։

Չնայած հեռուստադիտողներից շատերն արդեն հասցրել են կարոտել Վրույրին՝ հաղորդավարը նշում է՝ իր եթերային դադարն իրեն երկար չի թվում.

«Բազում նամակներ եմ ստանում, եւ բոլորը հետաքրքրվում են՝ երբ կտեսնեն, երբ կլինի նոր հաղորդում։ Հիմա որքան էլ ես ֆիզիկապես բացակայում եմ, այնուամենայնիվ իմ պատրաստած ֆիլմաշարերը, իմ հեղինակած հեռուստառադիո նախագծերը դեռ եթերում են, շատ մեդիահոլդինգներում էլ արդեն աշխատում են ուսանողներս, այնպես որ Վրույրը որպես լրագրող եւ հաղորդավար դեռ չի բացակայում եթերից։ Սա այն հանգիստն է, որը վաստակել եմ 5 տարի 7/24 ռեժիմով անդադար աշխատելուց հետո։ Հայաստանից էլ առաջարկներ ունեմ, բայց քանի դեռ հնարավորություն ունեմ՝ ուզում եմ ավելի լավ մտածել, ծանրութեթեւ անել, նոր հետո՝ որոշում կայացնել»։

Անդրադառնալով նոր առաջարկներին՝ հաղորդավարը նշեց.

«Դրանք մեկը մյուսից տարբեր ու հետաքրքիր առաջարկներ են, հուսամ՝ կկարողանամ արագ կողմնորոշվել եւ որոշում կայացնել։ Իհարկե՝ ինձ շարունակում եմ տեսնել հայկական եթերում, եւ իհարկե՝ շատ շուտ կլինի այդ նախագիծը։ Եվս մի քանի օր, եւ խոստանում եմ՝ առաջինը ձեզ հետ կիսվել այդ նորությամբ»։

Սյունե Առաքելյան

Լուսանկարները տրամադրել է Վրույր Թադեւոսյանը

Հետևեք NEWS.am STYLE-ին Facebook-ում, Twitter-ում և Instagram-ում