Հավանաբար, մեզանից յուրաքանչյուրը ոչ մեկ անգամ է մտածել այն մասին, որ եթե ժամանակին անցյալում ինչ-որ բան այլ կերպ աներ, ապա իր կյանքը միանգամայն ուրիշ կերպ կդասավորվեր:
NEWS.am STYLE-ը ձեզ է ներկայացնում 1990 թվականի կատակերգական ժանրի «Պարոն Ճակատագիր» ֆիլմը:
Ֆիլմի ռեժիսորն է Ջեյմս Օրրը, իսկ գլխավոր դերերում փայլում են Հոլիվուդի հեղինակություններ Ջեյմս Բելուշին, Լինդա Հեմիլթոնը, Մայքլ Քեյնը, Ռենե Ռուսոն եւ Ջոն Լովիթցը:
Գլխավոր հերոս Լարրի Բերոուզը (Ջեյմս Բելուշի) ամենասովորական կյանքով է ապրում. նա մշտապես դառնությամբ է հիշում իր նախկին բեյսբոլյան հանդիպման մասին, որի ժամանակ չէր կարողացել գնդակը հետ մղել: Նա երազում էր միանգամայն այլ կյանքի մասին, որը շատ ավելի լավը կլիներ այն կյանքից, որով ապրում էր:
Եվ երբ իր ծննդյան օրը Լարրիի մեքենան փչանում է, նա հայտնվում է բարում: Այնտեղ տարեց բարմեն Մայքը (Մայքլ Քեյն) լսում է նրա «տարաբախտ» պատմությունը չստացված կյանքի մասին եւ առաջարկում խմել արտասովոր խմիչք: Այն պահից, երբ Լարրին բարից դուրս է գալիս, նրա ճակատագիրը լիովին փոխվում է ՝ գեղեցկուհի կին, շքեղ տուն, զիլ ավտոմեքենաներով լեցուն ավտոտնակ եւ ընկերության նախագահի պաշտոն:
Ֆիլմը մեզ հասկացնում է, որ չի կարելի անցյալի համար ափսոսել կամ, որն ավելի վատ է, անցյալը դարձնել իր ներկայի մեղավորը: Այն, ինչ ունենք, մենք պետք է աչքի լույսի պես փայփայենք եւ պահպանենք:
«Ճակատագիրը» միանգամայն հարաբերական բան է եւ դատավճիռ չէ: Կինոնկարը այն բանի հրաշալի ըմբռնումն է փոխանցում, որ մենք եւ միմիայն մենք ենք ընտրում սեփական ճակատագիրը: Անցյալը հենց այն պատճառով է անցյալ, որ անցել է (կներեք տավտոլոգիայի համար):
Ջեյմս Բելուշին այնքան լավ է կատարում դերը, որ անհնար է բառերով նկարագրել: Նա հոյակապ է ներկայացնում մարդուն, որը չի մտածում այն մասին, թե ինչ ունի հիմա: Իսկ ստանալով այն, ինչ ցանկանում է, Բելուշին լավագույնս ցույց է տալիս, որ մարդիկ հակված են ավելի շատ տեսնելու այն, ինչը ցանկանում են, այլ ոչ այն, ինչը նրանց պետք է: Մի խոսքով, ինչը ունենք, չենք պահպանում, կորցնելու դեպքում լալիս ենք:
Բարմենի դերում Մայքլ Քեյնն ուղղակի սքանչելի է: Նրա խայթող արտահայտությունները, բարոյական խրատները պաթոսից միանգամայն զուրկ են. դրանք հասկանալի են յուրաքանչյուրին:
Չեմ կարող չնշել նաեւ Լարրիի երկու կանանց (տարբեր կյանքերում)՝ Լինդա Հեմիլթոնի եւ Ռենե Ռուսոյի կատարմամբ: Երկուսն էլ շքեղ են եւ մարմնավորում են կատարյալ կնոջ կերպարը, բայց տարբեր իրականություններում:
«Պարոն Ճակատագիրը» շատ հոգեկից կատակերգություն է, լեցուն բարի հումորով եւ իր մեջ խորը, հրաշալի իմաստ կրելով: Կարելի է դիտել ցանկացած ձեւաչափով՝ ընկերների, ընտանիքի հետ, միայնակ: Հավատացեք, աննշան հիաստափություն իսկ չեք ունենա:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
17:38, 20 ապրիլի
Երեւանյան բուրգեր-ուղեցույց. փնտրում ենք կատարյալ համը15:06, 20 ապրիլի
Որտե՞ղ են խորհրդավոր կերպով անհետանում գուլպաները13:36, 20 ապրիլի
Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին