«IQ-իկ»․ փոքրիկները՝ երաժշտության մասին

Ոչ մի բաց հագուստ հայրենիքում. Քիմ Քարդաշյանի ոճը` հայաստանյան այցի ժամանակ

Exclusive: Քարդաշյանների երեխաների զբոսանքը` Հյուսիսային պողոտայում

Քիմ Քարդաշյանը լուսանկարվեց եւ ինքնագրեր բաժանեց վաղ առավոտից իրեն սպասող երկրպագուներին

Երկրպագուները ողջունում են Քիմ Քարդաշյանին Երեւանում

Աշխարհահռչակ դիջեյ Արմին Վան Բյուրենը ժամանեց Երեւան

Ինչպե՞ս է նշել իր տարեդարձը Լիա Զախարյանը, եւ ովքե՞ր են եղել իր հյուրերը

Իսպանիայի հմայիչ թագուհի Լետիսիայի ոճային կերպարները

Exclusive. Քրիստինա Կարապետյանն ու Կարո Նաղդալյանը մկրտեցին իրենց որդուն

65 մ երկարություն եւ 410 կգ քաշ. Երեւանում պատրաստված աշխարհի ամենամեծ գաթան տարեցտարի գերազանցում է իր չափսերը

Աշոտ Շարմազանովիչը, նրա փաստաբանն ու քաղաքական ծանոթ իրավիճակներ. «Save Միլիոն» ներկայացման պրեմիերան եւ հայտնի հյուրերը

Ամառ 2019. հայ հայտնիները՝ լողազգեստով

Սրբուկը, Իվետան եւ Ֆելիքսը Գյումրիում ելույթ չեն ունեցել Անկախության 28-ամյակին

Թագուհի Մաքսիմայի գլխի ոճային աքսեսուարների հավաքածուն

Ո՞վ է Women’s Club-ի նոր մասնակիցը

Ի՞նչ look-ով են հայտնիները ներկայացել «Ազնիվ գողերը» ֆիլմի կարմիր գորգին

Շեյխա Մոզայի անկրկնելի ոճը

Հարկատուներին զայրացնում է․ որքան գումար է Ֆրանսիան ծախսում Բրիջիտ Մակրոնի վրա

«Իսկ դու մի բան կեր». Սա Sparta-ն է

14:14, 6 փետրվարի

«Տրամադրություն չունե՞ս: Իսկ դու մի բան կեր»,- մայրս է այսպես ասում, երբ տեսնում է, որ անտրամադիր եմ: Ընդ որում՝ նա պատմում է, որ սա նախատատիս խոսքն է: Գուցե եւ այդպես է: Ես պրոֆեսիոնալ ֆուդ-բլորգեր չեմ, ոչ էլ փորձագետ, բայց ասում են, որ ուտելիքից, այնուամենայնիվ, հասկանում եմ: Իհարկե, ոչ բոլորն են այսպես կարծում: Ոմանք համացանցում նույնիսկ ինչ-որ բան են գրել իմ խոհարարական դիտարկումների մասին. իբր, «прожарка» բառն իմացող ամեն մեկն ուտելիքի մասին դատելու իրավունք չունի: Աստված նրանց հետ: Թող գրեն: Ես դեմ չեմ...

Շտապեմ անմիջապես ասել, որ ֆաստ ֆուդի սիրահար չեմ: Այսինքն՝ երբեք չի պատահում, որ բուրգեր կամ շաուրմա ուտելու սարսափելի ցանկություն ունենամ… Թերեւս, միայն երբեմն: Ընկերակցելու համար: Նման դեպքերում խիղճս է հետո երկար տանջում ավելորդ կիլոգրամների պատճառով:

Փոխարենը՝ Հունաստանը սարսափելի շատ եմ սիրում: Կարոտով եմ մտաբերում ոչ միայն հրաշք ծովը, այլեւ նրբահամ խորտիկները, գինին եւ ձիթապտուղը:

Այդ պատճառով էլ այցելեցի «Sparta Gyros» կոչվող երեւանյան համեմատաբար նոր վայրը: Հունաստան այցելել ու սուվլակի (փայտի վրա մսի մանր կտորներով խորոված) չհամտեսելը նվազագույնը անքաղաքավարություն է:

Ի դեպ, կարելի է բավարարվել նաեւ բլիթի մեջ ամուր փաթաթված մսով՝ գիրոս (շաուրմայի հունական այլընտրանքը) եւ այլեւայլ «հելլենական» նրբահամություններով:

Բայց Հունաստանը հեռու է, իսկ այդ ամենը հիմա կարելի ամբողջությամբ գտնել նաեւ Երեւանում...

«Sparta Gyros»-ում ամեն ինչ բավականին սննդարար է, չափաբաժինները փոքր չեն, ուստի պետք է այնտեղ այցելել քաղցած: Առաջին հերթին դուր եկավ այն, որ ստիպված չես անդորրագրով հերթ կանգնել՝ ինչպես շաուրմայանոցում: Ներսում հարմարավետ է, հաստատությունը գրավիչ դիզայն ունի: Ճաշացանկ կա, որին ծանոթանալով՝ պատվեր ես կատարում. ամեն ինչ քաղաքակիրթ է: Երկրորդ՝ հաստատության մեջ սուր, կտրուկ հոտեր չկան. այսինքն՝ հետո հագուստիցդ ոչ մի գրգռող «տապակած» հոտեր չեն գա: Համաձայնվեք, որ գործնականում բոլոր համանման հաստատություններն այդպիսի մեղք գործում են: Ոմանք այնքան սաստիկ, որ հետո ստիպված ես լինում հագուստդ լվացքի մեջ նետել, իսկ ինքդ ցնցուղի տակ կանգնել:

Բնականաբար, անհնար է «Sparta Gyros»-ում ամեն ինչ եւ անմիջապես համտեսել, ուստի երեխայի հետ կանգ առանք 3 ճաշատեսակի վրա: Պատվիրեցինք Սպարտայական բլիթ՝ ամենամեծը խոզի մսով՝ մեջը ֆրի կարտոֆիլ, սալաթ, բանջարեղեն, սոուս եւ այլն: Սա, այսպես ասած, լավ շաուրմայի դասական տարբերակն է՝ ցողված նաեւ ավանդական հունական սոուսով:

Ընդհանուր առմամբ, համեղ է. միսը նուրբ է, յուղը, որը սովորաբար ներծծում է կարտոֆիլը,  չհայտնաբերեցինք: Մի խոսքով, տհաճ ձեթա-յուղային ավելորդ համ չզգացինք, որը քաղաքում հատուկ է բոլոր շաուրմաներին: Դե, իհարկե, եզակի բացառություններով, որին դեռ կանդրադառնանք…

Ի դեպ, գիտակ դիետոլոգները պնդում են, որ եթե այդպիսի «բրդուճները» միայն մսով վերցնեք՝ առանց խավարտի, ապա դրանք առանձնապես վտանգ չեն ներկայացնի: Եվ միանգամայն անվտանգ է, եթե պատվիրեք տավարի մսով կամ թռչնամսի լցոնմամբ: Որ ճարպ քիչ լինի: Ամեն դեպքում, խոզի միսը ամենաթեթեւ միսը չէ:

Սպարտայական ֆրի կարտոֆիլն ինձ հիշեցրեց աթենքյան McDonald’s-ը, որը գտնվում է Էրմու փողոցի սկզբնամասում. այն իմ հիշողության մեջ է մնացել որպես լավագույնը, որտեղ երբեւէ այցելել եմ:

Այնտեղ աներեւակայելի համեղ կարտոֆիլ կա՝ գյուղական ոճով համեմունքներով, աղցաններ: Ամեն ինչ մի տեսակ թարմ է, դյուրամարս, անգամ բուրգերները: Ընդհանրապես, կարտոֆիլը խոշոր կտորներով տապակելու եւ վրան որեւէ համեմունք լցնելու դեպքում շատ ավելի լավ է ստացվում, քան սովորական ֆրին:

Ի դեպ, կարտոֆիլը, առավել եւս տապակած, նույնպես այն մթերքների շարքին է դասվում, որոնց մասին, եթե քաղցած եմ, վերջին հերթին եմ հիշում:

Պատվիրեցինք նաեւ աղցան՝ «Սպարտայական»: Դե, անշուշտ: Տեղը պարտավորեցնում է:  Կինոայով, հազարով՝ սալաթով, լոլիկով,  բուլղարական պղպեղով, նրբահամ թռչնամսի կտորներով, Pesto սոուսով եւ եթե չեմ սխալվում՝ ռիկոտայով, կամ Ֆետայով: Իսկ գուցե եւ սխալվում եմ. ամեն դեպքում, թեթեւ կաթնաշոռային զանգվածը տեղին էր: Համն անչափ հաշվեկշռված էր, թթվաշությունը՝ չափի մեջ: Միայն պղպեղ ավելացրեցի, դե դա արդեն բնավորություն է: Առանց կծվահամի չեմ կարող...

Ցանկանում էի որեւէ բանի նկատմամբ բծախնդրություն անել, չգտա: Ավելի ճիշտ՝ առանց թերությունների չէր, բայց չէ՞ որ սա «միշլենյան» ռեստորան չէ, որ ամեն ինչ կատարյալ լինի: Համեղ, ընտանեկան վայր է: Լավ սպասարկումով: Եվ գլխավորը՝ մատչելի է: Վերեւում ամբողջ թվարկածը, հավելած ջուրը, մոտ 6 հազար դրամ արժեր:

Գնացեք փորձեք, իսկ ես գնամ մի բան ուտեմ... Դեռ էլի կշփվենք ֆաստ ֆուդի թեմայով:

 

Աննա Սաթյան

 Լուսանկարներ՝ հեղինակային, BBC good food, Cam Escapes


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության