• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Մոտ մեկ տարի առաջ Հայաստանի ամենասկանդալային եւ քննարկվող մոդելներից մեկը՝ Աննա Վանեցյանը, նույն ինքը՝ Անչոկը, հայտարարեց, որ ամուսնացել է եւ պատրաստվում է թողնել մոդելինգը՝ իր կյանքը նվիրելով ընտանիքին: Սակայն, ցավոք, մոդելի ընտանեկան երջանկությունը երկար չտեւեց… Ամռանը նա կորցրեց ամուսնուն: Անչոկի համար դժվար է խոսել սիրելիի մահվան թեմայով. «Մանրամասներ չեմ ցանկանում հաղորդել, ցավը իմն է եւ միայն իմը: Չեմ ուզում հետաքրքրասիրությունը բավարարելու համար խոսել ցավոտ թեմայի շուրջ»,-ասում է նա:

NEWS.am STYLE-ը Անչոկի հետ զրուցել է իր կյանքի դժվարին շրջանը հաղթահարելու, մոդելինգին վերադառնալու, իր արտաքինի եւ պլաստիկ միջամտությունների մասին հանրության կարծիքի եւ այլ թեմաների շուրջ:

Աննա, գիտեմ, որ ծանր շրջանի միջով ես անցել. ինչպե՞ս ես կարողացել հաղթահարել ցավի դժվարությունը, եթե, իհարկե, ստացվել է…

Իհարկե, չեմ հաղթահարել, դա ցավ է, որն ինձ կուղեկցի ամբողջ կյանքում: Միայն ես գիտեմ, թե ինչ եմ զգում: Ինձ միայն ապրելու ուժ է տալիս այն միտքը, որ կարողանամ անել այն ամենը, ինչը չհասցրինք անել միասին: Իմ հրեշտակը վերեւում է, նա ինձ ուժ է տալիս, նա միշտ ուզում է, որ ես ժպտամ ու առաջ քայլեմ, հասնեմ իր, մեր, մեր փոքրիկ ընտանիքի երազանքին:

Անցած տարի նշեցիր, որ դադարեցնելու ես մոդելային գործունեությունդ: Դա քո՞ ցանկությունն էր, թե՞ ամուսինդ էր դեմ:

Ամուսինս այդպիսի կտրուկ ընտրության առաջ ինձ չէր կանգնեցրել. դա երկուսիս որոշումն էր: Ընտանիք կազմելն ինձ համար կարեւորագույն եւ լուրջ քայլ էր, եւ ոչ մի աշխատանք չէր կարող ավելի թանկ ու կարեւոր լինել:

Եթե չեմ սխալվում, վերադարձել ես մոդելինգին…

Մոդելինգին վերադառնալն ունի իր պատճառները… Նախ՝ սիրելի զբաղմունքը կօգնի ցրվել, բացի այդ՝ պետք է գումար վաստակել: Ունեմ նաեւ որոշ նախագծեր, հիմնականում կունենամ բարեգործական շրջագայություններ, ինձ հետեւող մարդիկ ավելի մանրամասն տեղեկություներ կիմանան շուտով:

Աննա, խոսենք քո կերպարի մասին, որը բավականին սկանդալային է. ինչպե՞ս ես վերաբերվում քո արտաքինի վերաբերյալ մարդկանց քննարկումներին:

Մոդելային բիզնեսում լինելու առաջին իսկ օրվանից եղել եմ քննադատությունների կենտրոնում: Կարծում եմ՝ հանրային մարդը միշտ պետք է պատրաստ լինի դրան: Երբեք նեգատիվորեն չեմ լցվել ինձ քննադատողների հանդեպ: Լինելով գիտակից մարդ՝ հասկանում եմ, որ խոսակցությունները կապված են կերպարիս հետ, իսկ երբ նույն քննադատողները ճանաչում են ինձ որպես անհատականություն, այլ ոչ որպես մոդել,  կտրուկ փոխում են այդ կարծիքը:

Հաճախ քննարկում են նաեւ քո արտաքինը, խոսում բազում պլաստիկ միջամտությունների մասին: Նման խոսակցությունները պարզաբանելու համար կնշե՞ս՝ մարմնիդ որ հատվածներ են ենթարկվել վիրահատության:

Թե անձիս, թե արտաքինիս վերաբերյալ խոսակցությունների մեծամասնությունը միֆ են: Երբեք չեմ թաքցրել, որ դիմել եմ քթի պլաստիկ վիրահատության: Բոլոր նրանք, ովքեր հետաքրքրված են, թե մինչեւ վիրահատությունն ինչպիսին է եղել քիթս, կարող են թերթել անձնական էջիս լուսանկարները: Այնտեղ տեղադրված են նաեւ լուսանկարներ, որոնցում բացարձակ միջամտություն իրականացրած չէ: Գաղտնիք չէ նաեւ, որ դիմել եմ շուրթերի ծավալի մեծացման, սակայն գրեթե երկու տարի ներարկում չեմ արել, եւ թեմային ծանոթ մարդիկ գիտեն, որ այդ դեպքում նյութը քայքայվում է մեկ տարվա ընթացքում: Իսկ ահա մյուս բոլոր պլաստիկ միջամտությունները, որոնք ինձ վերագրում են, չեն համապատասխանում իրականությանը:

Քեզ շատերն են սեքսուալ համարում` մատնանշելով քո արտաքինը: Ըստ քեզ՝ կնոջը բավակա՞ն է միայն արտաքինը` սեքսուալ լինելու համար:

Միանշանակ՝ ոչ: Խելացի եւ գրագետ կինն է սեքսուալ: Կինը պետք է ունենա հաճելի ձայն, լսելի խոսք, հեզություն, անսահման կանացիություն՝ տրված բնությունից: Իսկ գեղեցիկ արտաքին մեր օրերում կարող են ունենալ բոլորը:

Իսկ ուշադրության կենտրոնում լինելը քեզ դո՞ւր է գալիս, թե՞ հոգնեցնում է:

Միանշանակ, հոգնեցնում է: Երբեմն ուզում եմ առանց շպարի, հարմար հագուստով, ուղղակի, զբոսնել երեկոյան Երեւանի փողոցներով, բայց հայտնիությունը դա թույլ չի տալիս:

Այժմ է՞լ ես ներկայանալու համարձակ ֆոտոշարքերով:

Ոճային փոփոխություններ կան ինձ մոտ, դա կապված է ավելի հասունանալուս հետ: Թիթիզ եւ գլամուրային աղջկա կերպարը փոխարինվել է հասուն, դասական ոճով բիզնես-լեդիի կերպարով:

Որպես դիզայներ` նորություններ ունե՞ս:

Ծրագրում եմ քաղաքի կենտրոնում բացել բուտիկ-ատելիե, սակայն դեռ վաղ է բացել փակագծերը:

Այժմ ի՞նչ է կատարվում կյանքումդ:

Երկարատեւ ստեղծագործական դադարից հետո բուռն կտրվեմ աշխատանքին, ուղեղումս միայն հետաքրքիր ծրագրեր են ու մտքեր, որոնք շուտով կիրագործեմ…

Սյունե Առաքելյան

Լուսանկարները՝ Անչոկի Instagram-ի էջից

Հետևեք NEWS.am STYLE-ին Facebook-ում, Twitter-ում և Instagram-ում