Հայ հայտնի դերասան Հրանտ Թոխատյանը մասնակցել է «Ինչպես ես ռուս դարձա» նոր կատակերգության նկարահանմանը։ Newsler.ru-ին դերասանը պատմել է ֆիլմի նկարահանումների մասին։
Թոխատյանը պատմել է, որ չինարեն թարգամանաբար ֆիլմը հնչում է «Ինչպես ես մարտական ազգի ներկայացուցիչ դարձա»։ Ընդ որում, ֆիլմում բազմաթիվ տեսարաններ կան, որոնք ցուցադրում են ռուսների եւ չինացիների մշակութային տարբերությունները։
Կինոկատակերգությունը պատմում է չինացի փեսացուի մասին, որը գալիս է Ռուսաստան՝ նպատակ ունենալով դուր գալ հարսացուի հորը։ Նա չի պատկերացնում՝ ինչ մղձավանջ է իրեն սպասվում։ Աղջկա հայրը՝ Անատոլին, պատրաստ չէ աղջկան ամուսնացել առաջին հանդիպածի հետ: Նա ունի աղջկան ամուսնացնելու եւ փեսացուից ազատվելու սեփական ծրագիրը։
Ինչպես նշել է դերասանը, եթե չինացու փոխարեն հայ լիներ, բազմաթիվ տեսարաններ պարզապես չէին լինի։ «Այդ դեպքում այս ամենին կլիներ հայկական հայացք: Իմ սերնդի համար հոգեհարազատ են եղել խորհրդային մարդիկ։ Մենթալ տարաբերությունն առավելագույնը արտաքինն էր, իսկ ընկալումն իսկապես նույնն էր։ Այսօր, ցավոք, (կամ հնարավոր է՝ այդպես էլ պետք է լիներ), տարբերությունն արդեն մեծ է»,- տխրությամբ նշել է Թոխատյանը։
Ֆիլմում ներգրավված է միջազգային թիմ՝ ռեժիսոր Ակակի Սախելաշվիլի եւ պրոդյուսեր Ռեզո Գիգինեիշվիլի՝ վրացիներ, պրոդյուսեր Սեմյոն Կապշ՝ աբխազ, պրոդյուսեր Գեորգ Շաբանով՝ հայ, դերասաններից մեկը՝ Հրանտը, հայ է։ Ֆիլմում ներգրավված են նաեւ չինացիներ ու ռուսներ։
«Օրերս Ակակի Սախելաշվիլիի եւ Ռեզո Գիգինեիշվիլիի հետ համատեղ հարցազրույց ունեցանք։ Շատ ծիծաղելի էր, դեռ այդ ժամանակ էինք կատակում, որ վրացիներն ու հայը ներկայացնում են «Ինչպես ես ռուս դարձա» ֆիլմը»,- ասել է Թոխատյանը։
Արտիստի խոսքով՝ սկզբնական շրջանում իրեն առաջարկել են տաքսու վարորդի ոչ նշանակալից դերը, սակայն ավելի ուշ զանգահարել են պրոդյուսերական խմբից եւ առաջարկել Ռուբենի կերպարը՝ գլխավոր հերոսուհու հոր մոտ ընկերը, ում բաժին է ընկել հումորային տեսարանների մեծ մասը։
Թոխատյանը հայտարարել է, որ իրեն դուր չի գալիս՝ ինչպես են փորձում կովկասցիներին ներկայացնել ռուսական մշակույթում. նրանց հիմնականում սխալ լույսի ներքո են ցույց տալիս։ «Չգիտես՝ ինչու, շատ ֆիլմերում Կովկասի բնակիչները կրիմինալ տարրեր են, ոչ զարգացած, չկրթված կերպարներ։ Չգիտես՝ ինչու, պարտադիր սպորտային հագուստով»,- նկատել է Հրանտ Թոխատյանը։
Արտիստի խոսքով՝ ինքը միշտ փորձել է հայ ազգին ներկայացնել լավագույն լույսի ներքո, օրինակ՝ Ռուբենի կերպարը։ Բարեհոգի, հյուրընկալ եւ դրական հայը դուր է եկել հանդիսատեսին։
«Յուրաքանչյուր անգամ իմ դերերում (եթե հիշում ենք Մահիկյանին) փորձել եմ ինչ-որ կերպ ներկայացնել իմ վերաբերմունքն ընտանիքի, երեխաների, ընդհանուր առմամբ մեր երկրի նկատմամբ»,- ասել է Թոխատյանը։
Հետևեք NEWS.am STYLE-ին Facebook-ում, Twitter-ում և Instagram-ում
12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին