Սա այն դեպքերից է, երբ փայլուն միտքը համալրվել է փայլուն իրականացմամբ եւ շատ հիանալի է ստացվել։
NEWS.am STYLE-ը ներկայացնում է ուկրաինական «Կվարտալ 95» ստուդիայի՝ «Ազգի ծառան» սերիալը։
Սերիալի ցուցադրությունը սկսվել է «1+1» հեռուստաընկերությամբ՝ 2015թ․-ից։ Այժմ կա արդեն երկու եթերաշրջան, երրորդի ցուցադրությունը կսկսվի այս տարվա մարտ ամսին։ Ռեժիսորը Ալեքսեյ Կիրյուշենկոն է, պրոդյուսերը՝ Վլադիմիր Զելենսկին, որն էլ հենց գլխավոր դերակատարն է։
Սյուժեն հետեւյալն է․ Վասիլի Գոլոբորոդկոն, ով պատմության ուսուցիչ է, մեկ անգամ հունից դուրս է գալիս եւ բարկացած ժամանակ ոչ ցենզուրային արտահայտություններով խոսում է ցավոտ թեմաների մասին։ Նրա դասարանի աշակերտներից մեկը նկարահանում է դա եւ տեղադրում ինտերնետում՝ այսպիսով միլիոնավոր դիտումներ է ստանում։
Գոլոբորոդկոն դառնում է շատ հայտնի եւ տրվելով աշակերտների հորդորներին նախագահական ընտրություններին դնում է նաեւ իր թեկնածությունը։ Առավոտյան պարզվում է, որ նա հաղթել է։
Սերիալն իրականում շատ լավն է, քանի որ մեզ ցուցադրում է այն, ինչի մասին յուրաքանչյուր հասուն մարդ մտածել է ոչ մեկ անգամ․ ի՞նչ կաներ նա, եթե պետության առաջին դեմքը լիներ։
Ցանկանում եմ ասել, որ սերիալում հումորը բարձր մակարդակի է։ Չկան գոտկատեղից ներքեւ կատակներ, սակայն կան քաղաքականները, իսկ ինչպես հայտնի է քաղքականությունն այդ իմաստով շահավետ նյութ է։ Չնայած սերիալը ուկրաինական է, սակայն հումորը հասկանալի է հետխորհրդային պետությունների համար․ նույն քաղաքական խնդիրներն ու դասավորությունները։
Սերիալն ունի խորը, մշակված սոցիալական ենթատեքստ, ինչպես նաեւ՝ փոքր-ինչ պարզ եւ տրամաբանական, սակայն դրանից ոչ պակաս կարեւոր է բարոյականությունը։ Մեզ հասկացնում են, թե ինչ է իշխանությունը եւ որքան դժվար է այն հասկանալը։ Ցուցադրում են նաեւ թաքնված սադրիչներին, մոխրագույն կարդիլնալը, գերտերությունների ազդեցությունն ու ընտրության ծանր հետեւանքները, որոնք ժամանակ առ ժամանակ պետք է կատարի գլխավոր հերոսը, քանի որ գտնվում է ամենաբարձր պաշտոնին։ Գայթակղությունները, որոնք հետապնդում են Գոլոբորոդկոյին եւ նրա թիմին երբեմն այնքան հրապուրիչ են, որ դրանցից անհնար է հրաժարվել։
Հասարակ օրինակ, դուք նախարար եք, ձեզ բերել են միլիոնավոր դոլարներով լի ճամպրուկ եւ ասում են․ «Վերցրեք սա եւ ստորագրեք այս թուղթը»․․․ Անկեղծ ասած, մեզնից քանիսը կնայեն, թե ինչ թուղթ է դա։ Չէ որ կողքներիս ճամպրում է, որը կարող է մեզ տալ այն ամենն ինչ ցանկանում ենք։ Նմանատիպ պահերը սերիալում շատ են․ մեզ ցուցադրում են, թե ինչպես են հերոսները պայքարում այդ գայթակղությունների դեմ։ Սերիալը չնայած կոմեդիա ժանրի է, սակայն վատ չէր լինի այն ցուցադրել բարձրաստիճան չինովնիկին մինչ այդ աթոռին նստելը։
Հ․Գ․
Հետաքրքիր է, Վլադիմիր Զելենսկին այժմ առաջադրված է Ուկրաինայում նախագահական ընտրություններում։ Եվ սերիալի երրորդ եթերաշրջանը հեռարձակվելու է հենց ընտրությունների թեժ շրջանում։ Արդյոք համընկնում է։ Չեմ կարծում․․․Ինչ-որ բան ինձ հուշում է, որ սա հիանալաի փիար քայլ է, ստացվում է, որ այս թեկնածուի նախընտրական քարոզչությունն արդեն չորրորդ տարին է, ինչ ընթանում է։
Հաճելի դիտում,
Նորայր նազարյան
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով