NEWS.am STYLE-ը ձեր ուշադրությանն է ներկայացնում 1997 թվականին նկարահանված միստիկական ժանրի ֆիլմ՝ «Սատանայի փաստաբանը»։
Ռեժիսորն է Թեյլոր Հեքֆորդը, գլխավոր դերերում նկարահանվել են Կիանու Ռիվզը, Ալ Պաչինոն եւ Շառլիզ Թերոնը։
Կա ֆիլմերի տեսակ, որոնք կարելի է անընդհատ նայել ու ամեն անգամ դրանցում ինչ-որ նոր բան բացահայտել։ «Սատանայի փաստաբանը» հենց դրանց թվին է պատկանում։ Այս առանձնահատկությունն էլ հենց հիմնականում տարբերում է լավ կինոնկարը վատից եւ դառնում հաջողության, հանդիսատեսի սիրո գրավականը։
Գլխավոր հերոսը երիտասարդ, բայց իր հաղթանակներով արդեն հայտնի փաստաբան Քեւին Լոմաքսն է (Կիանու Ռիվզ), որը շատ հաջողակ է իր գործում եւ ամուսնացած է գեղեցկուհի Մերի-Էնի հետ (Շառլիզ Թերոն)։ Մի անգամ նրան աշխատանքի է հրավիրում Ջոն Միլթոնի (Ալ Պաչինո) իրավաբանական կորպորացիան։ Նոր տեղում նա միանգամայն երջանիկ է, ապրում է շքեղ բնակարանում՝ իրեն սիրող կնոջ հետ, նրան շրջապատում են հետաքրքիր մարդիկ։
Ինձ համար ֆիլմը լի է խոր իմաստով. այն հիանալի ցույց է տալիս, թե որքան թույլ է մարդը, անպատասխանատու, եւ որքան է կախված իր իսկ ընտրությունից։ Հենց ընտրության խնդրին ու իր արարքների համար պատասխանատվությանն է նվիրված այս կինոպատումը։
Եթե խորանանք ֆիլմի մեջ, կհասկանանք, թե որքան խղճուկ է դրանում ներկայանում մարդկային մեր ցեղը։ Չէ՞ որ ֆիլմի հիմնական ասելիքն այն է, որ մենք ինքներս ենք մեղավոր մեր դժբախտությունների համար եւ ինքներս ենք ընթանում այն աստիճանով, որը մեզ տանում է դեպի դժոխքի դարպասներ։
Քեւինն արդարացնում է իրեն նրանով, որ փաստաբան է եւ իր մասնագիտական պարտականությունն է՝ պաշտպանել հաճախորդներին դատարանում։ Բայց առաջնորդվելով այս «մարդասեր» սկզբունքով՝ նա պաշտպանում է բացահայտ սրիկաներին։ Որքան ավելի շատ է փորձում «շեղվել» օրինական հատուցումից, այնքան ավելի վատ է դասավորվում նրա անձնական կյանքը...
Ինչպես Կիանու Ռիվզի, այնպես էլ Ալ Պաչինոյի դերասանական խաղի մասին, ինչպես ասում են, ավելորդ է խոսել։ Դա պետք է տեսնել եւ զգալ։ Մանավանդ Սատանայի մենախոսությունն Աստծո հետ ամենավերջում։ Ի՜նչ լավն է Ալ Պաչինոն այդտեղ։ Եվ իհարկե, նրա վերջին ռեպլիկը՝ «Սնափառությունը, հաստատ, իմ սիրելի մեղքերից է», շատ բաների մասին է մտածել տալիս։
Շառլիզ Թերոնն այս կինոնկարում անհավանական լավն է. նա հիասքանչ է կերպավորում հուսահատությունն ու խենթությունը, որոնք ամեն րոպե ավելի են սաստկանում նրա մեջ։
Հ.Գ.
Եվ ե՞րբ մենք կհասկանանք, որ մարդն ամեն ինչ ինքն է անում, իսկ սատանան լոկ հրահրում է նրան։
Հաճելի կինոդիտում,
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը