Երեկ ռուսական Առաջին ալիքի եթերում կայացավ «Голос Дети» նախագծի 6-րդ եթերաշրջանի կույր լսումների հերթական թողարկումը, որի շրջանակում ելույթ ունեցավ նաեւ ազգությամբ հայ 11-ամյա Էլեն Բադալյանը։ Մեր պատանի հայրենակցուհին ոչ միայն հրաշալիորեն կատարեց իր առջեւ դրված առաջադրանքը՝ ներկայացնելով Don’t You Worry ‘Bout a Thing հայտնի ստեղծագործությունը, այլեւ արժանացավ ժյուրիի բարձր գնահատականին։ Ժյուրիի անդամներից Սվետլանա Լոբոդան եւ Վալերի Մելաձեն շրջվեցին հայուհու կատարման ընթացքում, չշրջվեց միայն Պելագեան, որը, սակայն, եւս անմասն չմնաց գովեստի խոսքերից։ Իսկ Էլենը որպես իր մարզիչ ընտրեց Սվետլանա Լոբոդային։
NEWS.am STYLE-ը շտապել է շնորհավորել Էլենին՝ նախագծի հաջորդ փուլ անցնելու առթիվ եւ զրուցել ստացած տպավորությունների եւ տրամադրվածության մասին։
Փոքրիկ հայուհին պատմեց, որ նախագծին մասնակցելու երազանք ունեցել է դեռեւս 6 տարեկանից, իսկ մրցույթին նախապտրաստվել օգնել է Էլենի սիրելի ուսուցչուհին՝ Ադելինա Միխաիլովնան (ի դեպ, Ադելինան ռուսաստանաբնակ հայտնի երգչուհի Իջինի մայրիկն է․ հեղ.)։
«Այն արդյունքը, որին ցանկանում էի հասնել, ունեցա, ինչի համար անչափ երջանիկ եմ, որ իմ աշխատանքը գնահատեցին նման մասնագետներ»,-ասում է Էլենը՝ հավելելով․
«Մարզիչներից ում խմբում էլ, որ հայտնվեի, ինձ համար մեծ պատիվ էր լինելու։ Իմ ելույթի ընթացքում շրջվեցին Լոբոդան եւ Մելաձեն, դե քանի որ ես մի քիչ ամաչկոտ եմ, նախընտրեցի Լոբոդային (ծիծաղում է)։ Հուսով եմ՝ կարողացա զարմացնել բոլորին, իսկ այս պահին պատրաստվում եմ հաջորդ ելույթիս եւ հույս ունեմ, որ այն եւս ձեզ դուր կգա։ Միշտ էլ կարելի է ավելի լավ ելույթ ունենալ, այս պահին ավելի քան երջանիկ եմ»։
Էլեն Բադալյանը ծնվել է Մոսկվայում։ 6 տարեկանից հաճախել է երաժշտական դպրոց՝ դաշնամուրային դասարան, բայց ասում է՝ միշտ երազել է երգելու մասին։ 8 տարեկան հասակում ծնողների նախաձեռնությամբ աղջիկը սկսել է զբաղվել վոկալով՝ համագործակցելով Ադելինա Միխաիլովնայի հետ։ Ի դեպ, Էլենը զբաղվում է նաեւ բռնցքամարտով, գրում է երգեր։ Մինչ ռուսաստնյան հայտնի նախագծին մասնակցելը, Էլենն արդեն հասցրել է ելույթներ ունենալ տարբեր մրցույթներում՝ գրավելով առաջին հորիզոնականները։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ19:56, 22 ապրիլի
Համշենական «Մելուսես» խումբը մայիսին համերգ կունենա Երեւանում19:22, 22 ապրիլի
Ասիայի ամենահարուստ մարդու էքստրավագանտ նվերներն իր ընտանիքին և ընկերներին17:12, 22 ապրիլի
Գեւորգ Մկրտչյանը և Քրիստինա Հովհաննիսյանը պսակադրվեցին17:05, 22 ապրիլի
ԴԴՏ-ի համերգը Երևանում՝ եվրոպական մակարդակի շոու16:25, 22 ապրիլի
Նյու Յորքի հայտնի Թայմս Սքվերում գրեթե 20 մ երկարությամբ հսկայական հոթ-դոգ կհայտնվի15:58, 22 ապրիլի
«Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում15:33, 22 ապրիլի
Pagani հիպերքարը շրջում է Դուբայի հեղեղված փողոցներով