NEWS.am STYLE-ը ձեր ուշադրությանն է ներկայացնում «Դիմակը» ֆիլմը (1994 թվական)՝ ստեղծված կատակերգության եւ ֆանտաստիկայի ժանրերով։ Ամենասիրված ֆիլմերից մեկը՝ ֆանտաստիկ կոմեդիայի չափանիշը բոլոր ժամանակների համար։
Ռեժիսորն է Չաք Ռասելը, գլխավոր դերերում՝ Ջիմ Քերի եւ Քամերոն Դիազ։
Սթենլի Իփկիսը (Ջիմ Քերի) բանկի համեստ, ամաչկոտ ծառայող է, խիստ բարդույթավորված, գեղեցիկ աղջիկների հետ՝ անվստահ։ Ճակատագրի բերումով նրա մոտ է հայտնվում կախարդական դիմակ, եւ Սթենլին ձեռք է բերում զվարճալի կոմիքսների անխոցելի մուլտէակի վերածվելու հատկություն։
Հումորի, թեթեւակի տագնապի, մարտաֆիլմի, մյուզիքլի, հիանալի սցենարի, լավ կառուցված ռեժիսուրայի եւ դերասանական տաղանդավոր խաղի կատարյալ համադրություն կա ֆիլմում։ Այս ամենը վերածվել է անմահ կոմեդիայի, որը դարձել է կուլտային եւ խորհրդանշական մի ամբողջ սերնդի համար...
«Դիմակը»՝ մեկուկես ժամ, որոնք, ասես, թռչում են մեկ վայրկյանի պես։ Ուրախության, երազանքի, կուրացնող փայլի, թեթեւ, համով հումորի եւ հանճարեղ Ջիմ Քերիի վայրկյանի։
Փայլուն կոմեդիա լինելուց բացի՝ ֆիլմը նաեւ լի է բարոյական մեսիջներով։ Օրինակ՝ այն մասին, որ մենք բոլորս դիմակներ ենք կրում, եւ որքան էլ դրանք հաճելի լինեն՝ դիմակի տակ թաքնված դեմքն անհամեմատ ավելի կարեւոր է։
Հաստատ սխալված չենք լինի, եթե ասենք, որ կինոնկարի հաջողությունն ապահովել է արդիականության ամենաինքնատիպ եւ վառ կատակերգակ դերասանը՝ Ջիմ Քերին։ Նա մեկ խելացի է, մեկ հեգնական, մեկ համեստ, մեկ էլ ռոմանտիկ ու քնքուշ, մեկ անկաշկանդ ու մոլեգին, խելահեղ ուրախ, մեկ տագնապալի աստիճանի ցրված, բայց որ գլխավորն է՝ նա վարակիչ է։ Քերին այնպիսի ապոկալիպտիկ շոուներ է սարքում, որ կտրում է քեզ առօրեականությունից ամբողջ մեկուկես ժամ։
Ջիմը մեզ համար կինոյում էքսցենտրիկության նոր մակարդակ է բացել եւ, ի դեպ, այս ֆիլմով ես ավելի շատ հարգեցի այս կոմիկ դերասանին, որը ժամանակի ընթացքում կինոյի իսկական վարպետ դարձավ...
Քեմերոն Դիազի (որը կատարում է Թինա Քառլայլի դերը) դեբյուտը փայլուն է ստացվել։ Առանձնակի դերասանական տաղանդ դերը չի պահանջում, բայց Դիազը կարողացել է ի ցույց դնել գեղեցկություն, հմայք, սեքսուալություն եւ իր անձնավորած կերպարի 100 տոկոսանոց կատարյալ մարմին։
Հ.Գ.
Ուշադրությո՛ւն, այս ֆիլմը դիտելուց հրաժարվելը պատժվում է բոլոր երկրների օրենքով։
Հաճելի կինոդիտում,
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին