• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին

  1950-ականների Հոլիվուդի ամենավառ աստղերը, այդ թվում՝ Մերիլին Մոնրոն, Ջեյմս Դինը, Քենեդի եղբայրները, Լանա Թերները եւ Ջուդի Գարլենդը, իրենց գաղտնիքներն ունեն․․․․

• Սելին Դիոնը պատմել է իր հազվագյուտ հիվանդության դեմ պայքարի մասին

  Սելին Դիոնը Vogue France-ին տված բացառիկ հարցազրույցում պատմել է իր հազվագհուտ նյարդային համախտանիշի (SPS) դեմ պայքարի մասին․․․

• Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել

  Քանյե Ուեսթը հայտնել է, թե որ հայտնի մարդո հետ են ինքն ու իր կինը՝ Բիանկա Սենսորին, պատրաստ երեքով սեքսի…

• Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով

  54-ամյա Քեթրին Զետա-Ջոնսի դուստրը նրան շատ նման է։ Քոլեջի ուսանողուհի Կարիսն այս շաբաթավերջին նշել է իր 21-ամյակը…

• Բրիթնի Սփիրսի «կեղտոտ պարը»

  Բրիթնի Սփիրսն իր Instagram-ում հերթական տեսանյութն է հրապարակել, որում նա էրոտիկ պար է կատարում․․․

• Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ

  Միայն Ռիհաննան կարող է կրել ընձառյուծի պրինտով մուշտակ և կաշվե մինի կիսաշրջազգեստ, որպեսզի դա ոչ թե գռեհիկ, այլ ոճային տեսք ունենա․․․

• Համշենական «Մելուսես» խումբը մայիսին համերգ կունենա Երեւանում

  Համշենական «Մելուսես» խումբը մայիսի 4-ին համերգով հանդես կգա Երեւանում․․․

Ուրուգվայցի հայտնի երգչուհի, դերասանուհի Նատալիա Օրեյրոն ապրիլի 7-ին «Անմոռանալի շրջագայության» շրջանակներում համերգով հանդես կգա Երեւանում։ Երգչուհին բացառիկ հարցազրույց է ունեցել NEWS.am Style-ի հետ եւ պատմել առաջին անգամ բեմ բարձրանալու, առաջիկա ծրագրերի մասին եւ նշել, որ անհամբերությամբ է սպասում հայ հանդիսատեսի հետ ծանոթությանը։

-Նատալիա, ի՞նչ գիտեք Հայաստանի ու հայերի մասին:

- Լինելով ուրուգվայցի՝ ես մանկուց երազել եմ ծանոթանալ Հայաստանին: Այսօր ես բնակվում եմ Արգենտինայում, այտեղ մեծ հայկական համայնք կա: Ուրուգվայն էլ շատ սերտ է կապված հայ համայնքի հետ: Այնտեղ մշտական բնակություն են հաստատել մեծ թվով հայեր (ավելին քան 15 հազար մարդ):

Անցյալ տարի հնարավորություն ունեցա ծանոթանալու մի հայ տղայի՝ Հարութի հետ: Նրան Ուրուգվայում ընդունեցին այնպես, ինչպես ինքն էլ ուրուգվայցի լիներ: Նրա այցը հնարավոր դարձավ ուրուգվայական ռադիոյի խմբի շնորհիվ, որը Հայաստան էր մեկնել՝ այնտեղից հեռարձակումներ կազմակերպելու նպատակով: Նրանք ծանոթացան Հարութի հետ եւ զարմացան՝ լսելով, թե ինչպես է տղան ռեստորաններից մեկում սպասարկում իրենց՝ իսպաներեն խոսելով: Հարութը նրանց պատմել էր, որ շատ բան գիտեր մեր լատինաամերիկյան մշակույթի մասին, որովհետեւ տեւական ժամանակ ճանաչում էր ինձ, լսում իմ երաժշտությունը, նայում իմ սերիալնեն ու ֆիլմերը: Եվ ուրուգվայական հանդիսատեսի արձագանքն այնքան ուժեղ էր, որ նրանք որոշեցին տղային բերել Ուրուգվայ: Ես էլ, իհարկե, կարողացա նրա հետ ծանոթանալ Արգենտինայում: Վստահ եմ, որ դու, Հարութ, կարդում ես այս նյութը: Կարող ես ուրախանալ, որ մենք կրկին կհանդիպենք քեզ հետ քո երկրում:

-Խնդրում եմ պատմեք Ձեր «Անմոռանալի շրջագայության» մասին: Ի՞նչ սպասենք Ձեր շրջագայությունից եւ համերգներից: Արդյոք հայ հանդիսատեսը համերգին նոր երգեր կլսի՞:

-«Անմոռանալի շրջագայության» շրջանակում հանդես կգամ 16 քաղաքներով: Կներկայացվեն 22 երգեր: Կարծում եմ, որ շոուն զարմանալի կլինի: Շատ էկրաններ կլինեն՝ հատուկ այս շոուի համար ստեղծված տեսապատկերներով: Վեց անգամ փոխելու եմ հագուստս: Իմ կերպարը գալակտիկայի թագուհին է, ով կորցնում է իր գալակտիկան եւ փնտրում մեկ այլ գալակտիկա, որտեղ արեւ կա: Այսպես, նա իր տիեզերանավով մոտենում է Երկիր մոլորակին ու սիրահարվում այն գեղեցկությանը, որ տեսնում է այնտեղ: Մենք գործեր կներկայացնենք իմ երեք սկավառակներից: Կկատարենք ձեզ մոտ շատ մեծ ժողովրդականություն վայելող Cambio dolor, ինչպես նաեւ Me muero de amor, Rio de la Plata, Tu veneno, Que digan lo que quieran, Gitano Corazón, Estamos todos solos, Valor ստեղծագործությունները: Եվ, իհարկե, ես կներկայացնեմ իմ վերջին երգերից, որոնք հայտնի են դարձել Մոսկվայում անցկացված ֆուտբոլի աշխարհի մրցաշարի շնորհիվ: Օրինակ՝ United by love ստեղծագործությունը: Հավանաբար, շատ անակնկալներ կլինեն: Շոուն մասնակցում են նաեւ երաժիշտներ ու բալետի պարողներ: Կարծում եմ՝ միասին կուրախանանք եւ լավ ժամանակ կանցկացնենք: Մեծ անհամբերությամբ եմ սպասում հայ հանդիսատեսի հետ ծանոթությանը: Նրանց նամակները պարբերաբար ստացել եմ այս վերջին տարիներին, եւ նրանք գալիս էին Ռուսաստան իմ համերգներին:

-Կարծում եմ՝ Ձեր երգացանկի ամենահայտնի եւ սիրված երգը հայ ունկնդրի համար Cambio dolor-ն է:

-Անկասկած, Cambio dolor-ը ոչ միայն Հայաստանում, այլեւ ամբողջ աշխարհում ամենամեծ ժողովրդականություն վայելող երգն է: Ինձ համար այն ամենասիրելին է: Այս երգում խոսվում է իմ բնավորության մասին: Ես կին եմ, ով, բնականաբար, ապրում է ուրախության եւ տխրության ակնթարթներ, բայց ինձ համար ելքը լավատեսությունն է, ազատությունը: Ես շատ լավ գիտեմ իմ արժեքները, եւ իմ արժեքների մասին խոսվում է նաեւ երգում. «Փոխում եմ ցավն ազատության»: Կարծում եմ՝ հենց այդ պատճառով է այս երգն այդքան ունիվերսալ դարձել: Սա երգ է, որի հետ նույնանում են բոլորը՝ անկախ մշակույթից ու լեզվից:

-Հիշո՞ւմ եք՝ երբ առաջին անգամ հայտնվեցիք բեմում: Ի՞նչ հիշողություններ ունեք այդ օրվանից:

-Շատ փոքր էի, երբ առաջին անգամ բեմ բարձրացա: Դպրոցում էի սովորում, թատերական ներկայացում էր: 8 տարեկանից սկսեցի թատերական արվեստ սովորել: Շատ էի նյարդայնանում, բայց ուրախությունը հաղթեց: Եվ մինչ օրս այդպես է: Միշտ համերգից կամ թատերական ներկայացումից առաջ բեմ դուրս գալիս ես ինքս ինձ հարց եմ տալիս՝ ի՞նչ եմ այստեղ անում: Հենց հայտնվում եմ բեմում, հասկանում եմ, թե ինչ եմ այնտեղ անում: Ինձ մեծ հաճույք են պատճառում հանդիսատեսի սերը, ժպիտները, ուրախությունը: Այս ամենն ինձ շատ է դուր գալիս: Ինձ դուր է գալիս մարդկանց հարմոնիա ու սեր փոխանցելու հնարավորությունը:

-Առաջիկայի համար ի՞նչ ծրագրեր ունեք:

-Այս տարի՝ շրջագայության ավարտից հետո կսկսեմ նկարահանվել երկու ֆիլմերում: Մեկը շատ դրամատիկ է, երկրորդը՝ կոմեդիա: Որպես դերասանուհի՝ ես կարիք ունեմ մարդկանց զվարճացնող կատակերգական դերերը համադրել ավելի դրամատիկ, ինձ համար կարեւոր սոցիալական թեմաներ ներկայացնող կերպարների հետ: Ահա թե առաջիկայում ինչ ծրագրեր ունեմ:

Հետևեք NEWS.am STYLE-ին Facebook-ում, Twitter-ում և Instagram-ում