Շոումեն Մաքսիմ Գալկինը խոսել է տեղեկությունների մասին, թե իբրեւ մասնակցություն ունի երգիչ Ֆիլիպ Կիրկորովի նկատմամբ մահափորձին։ Հումորիստի խոսքով՝ այդպիսի հայտարարությունների պատճառ կարող են լինել «գարնանային սրացումները»։
2017թ.-ին Ֆիլիպ Կիրկորովի համերգի ընթացքում պայթյունի կազմակերպման գործով կասկածյալներից մեկը հայտարարել է, որ տեռորիստական ակտ չի ծրագրել։ Նրա խոսքով՝ սպանության պատվերը ստացել է հայտնի հեռուստահաղորդավար Մաքսիմ Գալկինից ժողովրդական արտիստ Ալլա Պուգաչովայի հանդեպ խանդի պատճառով։
Մեկնաբանելով մեղադրանքները՝ Մաքսիմ Գալկինը ենթադրել է, որ նման հաղորդումներն ընդամենը գարնանային սրացումների հետեւանք են։ Նրա խոսքով՝ հասկանալի է նաեւ պատճառը՝ ինչու են այդ լուրերն այդքան արագ տարածվել մամուլում։ Գալկինը հեգնանքով ընդգծել է, որ դատելով լրատվամիջոցներում նշված «գումարներից»՝ ինչ-որ մեկը բավարար բարձր չի գնահատում Կիրկորովի կյանքը։
«Ես միայն մի խնդրանք ունեմ․ մի անհանգստացրեք Ֆիլիպին։ Նա շատ վշտացած է, որ այդքան էժան գնով են պատվիրել»,- հայտարարել է Մաքսիմ Գալկինը տեսաուղերձում, որը հրապարակել է Instagram-ում։
«Կոմերսանտ»-ի տվյալներով՝ ներքին գործերի նախարարությունը մերժել է մեղադրյալի խնդրանքը հարցաքննել Կիրկորովին, Գալկինին եւ Պուգաչովային, ինչպես նաեւ նրանց մասնակցությամբ առերես հարցաքննություն անցկացնել։ Գերատեսչությունում գտել են, որ նա այդ կերպ փորձում է խուսափել պատասխանատվությունից եւ երկարաձգել քննությունը։ Իրավապահ մարմինների տվյալների համաձայն՝ հանցագործները նպատակ են ունեցել ինքնաշեն պայթուցիկ սարքեր գործադրել։ Նրանց չի հաջողվել ավարտին հասնցել մտադրությունը, քանի որ շինությունը, ուր անցակացվում էր համերգը, հսկվում էր ոստիկանության աշխատակիցների կողմից։
Ընդ որում, Ֆիլիպ Կիրկորովի ընկերության տնօրեն Գենադի Ռիբակը «ՌԻԱ Նովոստի»-ի հետ զրույցում ընդգծել է, որ 2017թ.-ին համերգի ընթացքում հարձակման պատրաստման տեղեկատվությունն իսկական աբսուրդ է։ Ավելի ուշ իրավիճակը մեկնաբանել է նաեւ Կիրկորովը՝ սւոտ անվանելով հայտարարությունն այն մասին, թե Գալկինն իր սպանության համար 2 մլն ռուբլի է վճարել։
«Օրվա համար բոլորովին այլ ծրագրեր ունեի։ Արդյունքում այն անցկացնում եմ՝ հերքելով հերթական սուտը, որը վերաբերում է իմ մտերիմ ընկերներին՝ Մաքսիմին եւ Ալլային։ Լավ է, որ մեր հումորի զգացումը բավականացնում է՝ այդ ամենը սրտին մոտ չընդունելու համար»,- Instagram-ում գրել է արտիստը։
Ավելի ուշ նա դիմել է երկրպագուներին. «Օգնեք ինձ հետագայում եւս ուրախացնել ձեզ եւ պայքարել ստի ու հիմարության դեմ, որը երբեմն այդքան սեւեռուն է եւ ակտիվորեն խանգարում է ապրել ու ասել ճշմարտությունը»։
Աղբյուրը եւ լուսանկարները՝ Газета.ру, ТАСС, СтарХит
Հետևեք NEWS.am STYLE-ին Facebook-ում, Twitter-ում և Instagram-ում
23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով