Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Խորեն Լեւոնյանի, Սարգիս Գրիգորյանի, Արաբո Գրիգորյանի եւ այլ հայտնիների մասնակցությամբ «Ա.Կ.Ա» ֆիլմի պրեմիերան (ֆոտո)

22:53, 21 մարտի

Երկու սերունդ, երկու եղբայր, մեկ ընտանիք, բարդ փոխհարաբերություններ…

Այսօր՝ մարտի 21-ին, Երեւանում կայացավ Արմեն Միրզոյանի «Ա.Կ.Ա.» ֆիլմի պրեմիերան:

Ֆիլմը երկու եղբայրների դաժան ճակատագրի մասին է, որոնք կյանքի բերումով հայտնվում են տարբեր բեւեռներում: Եղբայրներից ավագը՝ Արթուրը, պայքարում է հանուն արդարության, ինչի համար դեմ է գնում, նույնիսկ, կրտսեր եղբորը՝ Արամին, որի անփութությունը ճակատագրական է լինում ամբողջ ընտանիքի համար:

Արթուրը եղբորը չի կարողանում ներել հոր մահվան համար, ինչից էլ եղբայրների միջեւ պատերազմ է սկսվում:

Ֆիլմում Արթուրին մարմնավորում է Խորեն Լեւոնյանը, որը նկարահանվելու հրավերը ստացել է դերասան Սարգիս Գրիգորյանից, որը նաեւ ֆիլմի պրոդյուսերներից է:

«Մենք պետք է շատ ուրախ լինենք, որ այսօրվա ֆիլմարտադրություն մեջ նկարահանվում են գեղարվեստական ֆիլմեր ու մենք պետք է որքան ուժ ունենք, լինենք այդ ֆիլմ նկարահանողի կողքին: Այս ֆիլմում անուններ կան, որոնց հետ միշտ կարելի է աշխատել»,-ասում է դերասանը:

Արաբո Գրիգորյանը, որը ֆիլմում մարմնավորում է կրտսեր եղբորը՝ Արամին, շատերի համար բացահայտում կլինի՝ որպես դերասան: Նա նաեւ ֆիլմի համապրոդյուսերներից է:

«Հանդիդատեսի համար փորձել ենք այնպիսի ֆիլմ ստեղծել , որով կհաղորդեինք բոլոր էմոցիաները: Ֆիլմն իսկական տղամարդկանց եւ կանանց մասին է: Մենք մաքսիմալ նվիրվել ենք գործին ու հուսով եմ՝ հեռուստադիտողն անպայման կտեսնի ու կգնահատի դա»,-ասում է դերասանը:

Ֆիլմի համանուն կերպարին՝ Ա.Կ.Ա-ին, մարմնավորում է Սարգիս Գրիգորյանը: Ֆիլմասերները դերասանին կտեսնեն կտրուկ փոփոխված կերպարով:

«Եթե ուշադիր նկատեցիք, ֆիլմի հերոսները երեք իսկական տղամարդիկ են: Արժնապատվություն, թասիբ, նամուս… Առաջին հերթին իսկական տղամարդկանց ու հրաշալի կանանց մասին ֆիլմ ենք փորձել ստեղծել: Հայ տղամարդու կերպարն ինձ համար շատ կարեւոր էր այս ֆիլմում: Շնորհակալ եմ բոլոր դերասաններին եւ կազմին: Շնորհքով մարդիկ պետք է իրար գտնեն եւ փորձեն միմյանց հետ շատ կարեւոր բաներ ստեղծել»,-ընդգծեց նա՝ անդրադառնալով նաեւ ֆիլմի անվան ընտրությանը.

«Ա.Կ.Ա-ն ոչ միայն գլխավոր հերոսների անվան առաջին տառերն է ներկայացնում,  այլեւ հրացան է, կերպարի մականունը հենց դրանով է պայմանավորված»:

Ֆիլմը որոշ առումով պատմություն է նաեւ իրական փաստերի հիման վրա: Այնտեղ հեռուստադիտողը կտեսնի տեսարաններ, որոնք վերջին մեկ տարվա արդեն հայտնի իրադարձություններից են ոգեշնչված:

Ֆիլմն աչքի է ընկնում նաեւ աստղային կազմով: Այստեղ կտեսնեք Աննա Դովլաթյանին, որը մարմնավորում է կուրացած երգչուհու՝ Սամիրայի կերպարը, Աննա Գրիգորյանին, որը ֆիլմի ճակատագրական կերպարներից է, Նարինե Պետրոսյանին՝ Արթուրի կնոջ՝ Գայանեի կերպարում, Գեորգի Հովակիմյանին եւ այլ դերասանների:

Ձեզ ենք ներկայացնում NEWS.am STYLE-ի ֆոտոռեպորտաժը՝ ֆիլմի պրեմիերայից, որտեղ կտեսնեք ոչ միայն դերասանական կազմին, այլեւ հայտնի հյուրերին:

Սյունե Առաքելյան

Լուսանկարները՝ Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել