• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

Հազարամյակի սահմանագծին Հոլիվուդը մեզ նվիրեց անիրական հրաշք, բլոքբասթեր, որը ստիպում է խորհրդածել: NEWS.am STYLE-ը ներկայացնում է 1999 թվականի կինոնկար՝ գիտական ֆանտաստիկայի եւ մարտաֆիլմի ժանրում՝ «Մատրիցա»-ն (ի դեպ, մարտի 24-ին ֆիլմը 20 տարեկան դարձավ):

Ռեժիսորններն ու սցենարիստներն են Էնդրյու եւ Լոուրենս Վաչովսկիները, գլխավոր դերերում նկարահանվել են՝ Կիանու Ռիվզը, Լորենս Ֆիշբորնը, Քերրի-Էնն Մոսսը, Հյուգո Ուիվինգը եւ այլք:

Ֆիլմը Թոմաս Անդերսենի մասին է, ում կյանքը բաժանված է 2 մասի՝ ցերեկը նա ամենասովորական գրասենյակային աշխատող է, իսկ գիշերը կերապարանափոխվում է Նեո անունով հաքերի: Սակայն մի օր ամեն ինչ փոխվում է, հերոսն իմանում է, որ իրեն շրջապատում է ոչ ավելին, քան պատրանք-Մատրիցան, իսկ մարդիկ ընդամենը արհեստական ինտելեկտի սնուցման աղբյուրն են, որը շահագործում է մարդկությանը:

Հրաշալի եմ հիշում այն օրը, երբ այս գլուխգործոցն առաջին անգամ դիտեցի. ես 10 տարեկան էի եւ ավագ եղբորս հետ ֆիլմը դիտում էի հեռուստացույցով: Դիտելուց հետո տպավորությունները մինչ օրս ինձ չեն լքում:

Եթե ինձ հարցնեն՝ ի՞նչ է «Մատրիցան», ես կպատասխանեմ՝ սա կինոյի էվոլյուցիա է, որը սկսել են Վաչովսկի եղբայրները (իսկ հիմա արդեն Վաչովսկիների քույրը): Ժամանակակից ֆիլմերը դիտելիս քանիցս ենք մեզ բռնում այն մտքի վրա, որ սա ասես այնպես է, ինչպես «Մատրիցայում»:

Որպես վիրտուալ աշխարհ իրականության փոխանցման բուն գաղափար, իհարկե, մեր երեւակայությունը տակնուվրա է անում՝ առաջացնելով հարցերի կույտ, որոնց պատասխանները չեն գտնվում: Արծարծված է անչափ կարեւոր փիլիսոփայական թեմա՝ ճակատագիրը որպես այդպիսին: Ընդ որում՝ կինոժապավենի հեղինակները մեզ ապացուցում են դրա գոյությունը, բայց միաժամանակ՝ մեր ընտրության իրավունքը: Մեքենաների աշխարհ, համակարգիչների աշխարհ, մարդկանց բնաջնջում եւ Մատրիցա՝ որպես այլընտրանքային իրականություն միլիարդավոր մարդկանց համար, որոնք ծառայում են մեքենաներին՝ այդ մասին անգամ չկասկածելով: Դիտումից հետո միտք է ծնվում՝ իսկ եթե այն ամենը, ինչ գիտենք, սո՞ւտ է, համակարգչային գրաֆիկա՞:

Կիանու Ռիվզ (Նեո, միսթր Անդերսեն) - ամբողջ Հոլիվուդում ընտրյալի դերի համար ավելի լավ թեկնածու չէր գտնվի: Իսկ երկար սեւ կաշվե անձրեւանոցով եւ արեւապաշտպան ակնոցով նա ուղղակի հոյակապ է:

Քերրի-Էնն Մոսս (Թրինիտի) – անչափ լավ դերասանուհի է: Նրա դերակատարումները միշտ հիշվում են:

Լորենս Ֆիշբերն (Մորֆեուս) – ֆիլմի ամբողջ ընթացքում նրա հերոսը հավատով լի է: Եվ միայն դա է նրան օգնում եւ տանում դժվար կյանքի միջով:

Ցանկանում եմ առանձին անդրադառնալ Հյուգո Ուիվինգին (միսթր Սմիթ) – խաղը հիացնում է: Ամբողջ ֆիլմի ընթացքում, անկախ իրավիճակից, նրա հերոսը, որպես իսկական համակարգչային արարած, պահպանում է համեմատական հանդարտությունը, անկախությունը եւ ինքնավստահությունը:

Ֆիլմի յուրաքանչյուր պահ ուղեկցվում է օրիգինալ եւ անչափ գրագետ (այլ բառ դժվար է ընտրել) սաունդթրեքով: Այնպիսի ստեղծագործությունները, ինչպես Rage against the machine խմբի Wake up-ը կամ -Clubbed to Death-ը (Rob Dougan) երկար են տպավորվում սիտիդ մեջ:

«Մատրիցան» յուրահատուկ ֆիլմ է, կինոնկարի յուրաքանչյուր դիտում գրավիչ անկում է ճագարի բնի մեջ: Դուք ի՞նչ կընտրեիք: Կապո՞ւյտը, թե՞ կարմիրը: Անտեղյակությո՞ւնը, թե՞ դաժան իրականությունը: Պայքա՞րը, թե պասիվությունը: Հարցերն անվերջանալի են…

Անձամբ ինձ համար «Մատրիցան» հարյուրամյակի կինո է, սիրելի եւ անփոխարինելի ֆիլմ: Կինո, որը մեկ երկխոսությամբ գլխիվայր շրջեց իմ ամբողջ աշխարհայացքը:

- Դու հավատո՞ւմ ես ճակատագրին:

- Ոչ:

- Ինչո՞ւ:

- Տհաճ է մտածել, որ քեզ մանիպուլացնում են:

P.S.

Դիտեք ու խորհրդածեք: Գիտակցեք, որ ձեր ապագան միայն ձեր ձեռքերում է: Եղեք նա, ով պետք է լինեք:

Հաճելի դիտում

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում