• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Կոչ եմ անում ժամանակակից հայ կոմպոզիտորներին օգտագործել իրենց ժառանգությունը՝ ժամանակակից ձևով. Կիրիլ Ռիխտեր

  Դաշնակահար և կոմպոզիտոր Կիրիլ Ռիխտերն ապրիլի 21-ին իր միակ համերգով հանդես կգա Երևանում՝ իր անսամբլի՝ Richter Trio-ի հետ։ Յուրահատուկ շոուի նախօրեին Կիրիլը կարճ բացառիկ հարցազրույց է տվել NEWS.am STYLE-ին, որում կիսվել է Հայաստանի երաժշտական ժառանգության, ժամանակակից հանդիսատեսի երաժշտական պահանջների, արհեստական ինտելեկտի սպառնալիքի և շատ այլ բաների մասին իր մտքերով...

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

• «Պատանի երաժիշտների Եվրատեսիլ»-ում Հայաստանն այս տարի կներկայացնի Հայկ Հեքեքյանը

  Հայկ Հեքեքյանը կներկայացնի Հայաստանը 2024 թ-ի «Պատանի երաժիշտների Եվրատեսիլ»-ում...

• Wine Story. Van Ardi գինիները Հայաստանի ժառանգության մասին են

  Van Ardi գինեգործարանը, որը գտնվում է Արագածոտնի հնագույն գինեգործական մարզում, առաջին բուտիկ գինեգործարանն է Հայաստանում և առանցքային դեր է խաղացել հայկական գինեգործության վերածննդի գործում...

• «Հայաստանը հրաշքների երկիր է». Յան Շենկմանը «Մեզ մոտ՝ Երեւանում» գրքի շնորհանդեսին

  «Ari» ստենդ-ափ ակումբում տեղի ունեցավ ռուս բանաստեղծ եւ լրագրող Յան Շենկմանի «Մեզ մոտ՝ Երեւանում» գրքի շնորհանդեսը․․․

• Անդրեյ Մակարեւիչ. «Ինտերնետը շատ շուտ է հասել մարդկությանը»

  Անդրեյ Մակարեւիչը եւ «Машина времени» խումբը շքեղ համերգ են տալիս Երեւանում՝ լեգենդար խմբի 55-ամյակի կապակցությամբ…

Մեկնարկում է «Արտ Վերածնունդ» միջազգային մրցույթ-փառատոնը: Նախորդ տարիների նման 2019-ին եւս «Արտ Վերածնունդ» մրցույթ-փառատոնի շրջանակներում Հայաստան կժամանեն հանրահայտ կոմպոզիտորներ, դիրիժորներ, երաժիշտ-կատարողներ, ովքեր վարպետության դասեր ու գիտական կոնֆերանսներ կանցկացնեն,  ինչպես նաեւ ելույթներ կունենան փառատոնի շրջանակում:

«Արտ Վերածնունդ» միջազգային մրցույթ-փառատոնն այս տարի նվիրվում է Կոմիտաս վարդապետի եւ գրող Հովհաննես Թումանյանի 150-ամյակներին:

Մրցույթ-փառատոնի մեկնարկը կտրվի ապրիլի 10-ին, 19:00-ին Արամ Խաչատրյան համերգասրահում: Ինչպես Հայաստանում, այնպես էլ մեր երկրի սահմաններից դուրս հայտնի այս փառատոնը կանցկացվի նաեւ Արցախի Հանրապետությունում՝ նույն ձեւաչափով ու նույն սկզբունքներով: 

Փառատոնն անցկացվում է հետեւյալ անվանակարգերում`դաշնամուր, լարային գործիքներ,  փողային գործիքներ, ակադեմիական երգեցողություն, ազգային երգեցողություն, ազգային նվագարաններ, էստրադային երգեցողություն, էստրադային գործիքներ, կամերային անսամբլ, երգչախումբ,  խորեոգրաֆիկ արվեստ, կերպարվեստ, կոմպոզիցիա, երաժշտական թատրոն, թատերակարգեր:

Նախորդ տարիների նման՝ 2019-ին եւս մասնակցության բազմաթիվ հայտեր են ստացվել: Ի դեպ, այս փառատոնը նաեւ օնլայն լսումների հնարավորություն է տալու այն մասնակցին, ով Երեւան հասնելու դժվարություն կունենա: Մասնագիտական ժյուրին կատարմանը կհետեւի տեսազանգի օգնությամբ:

Իսկ ապրիլի 16-ին Երեւանում «Արտ-Վերածնունդ» միջազգային մրցույթ-փառատոնի շրջանակներում կկայանա «Մշակույթների երկխոսություն» XIII միջազգային գիտաժողովը՝  «Մշակույթ եւ հասարակական գիտակցություն»› թեմայով, որը նվիրվում է Կոմիտասի ծննդյան 150-ամյակին:

«Արտ Վերածնունդ» միջազգային մրցույթ-փառատոնի հիմնական նպատակն է խթան հանդիսանալ դասական, ազգային արվեստի եւ մշակույթի մասսայականացման ճանապարհին, տարբեր ազգերի արվեստագետների միջեւ ստեղծել նոր, ստեղծագործական եւ համագործակցային այլ կապեր, օտարազգի արվեստագետներին մերձեցնել հայ մշակույթին, ծանոթացնել Հայաստանի պատմությանը եւ մշակութային ժառանգությանը: «Արտ Վերածնունդ» միջազգային մրցույթ-փառատոնը նաեւ գիտամանկավարժական փորձի փոխանակման օրինակելի եւ լավագույն հարթակն է:

2007 թվականից սկսած առանց դադարի այս փառատոնը բացահայտեց բազմաթիվ տաղանդավոր երաժիշտ-կատարողների: 12 տարի անդադար «Արտ Վերածնունդ»-ը ծառայեց իր նպատակին եւ որդեգրած սկզբունքներին՝ աշխարհի տարբեր երկրներից իր շուրջը համախմբելով աշխարհահռչակ երաժիշտների, երգիչ-երգչուհիների:

Հետևեք NEWS.am STYLE-ին Facebook-ում, Twitter-ում և Instagram-ում