Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Չարչարող տղամարդու հետ հարաբերությունների 3 նշան

21:12, 2 ապրիլի

Նշան  №1. Քեզնից առաջ, նա ոչ մեկին չի սիրել

Հենց այդ նախադասությունը ձեզ կասի ցանկացած սոցիոպատ: Նա այդ միտքը ձեզ կհասցնի տարբեր եղանակներով, բայց միշտ` ձեր ծանոթության սկզբում: Նա ձեզ կհամոզի ձեր բացառիկության մեջ, ձեզ պատվանդանի վրա կդնի, ձեզ կնայի թախծագորով հայացքով, քնքշորեն կբռնի ձեր ձեռքը, տխուր կհառաչի: Հենց դրանով է սկսել տիկին դը Տուրվելի գայթակղությունը վիկոնտ դը Վալմոնը:  

Նա ձեզ համար տիեզերական, ֆանտաստիկ սիրո մթնոլորտ կստեղծի, որպիսին աշխարհը նախկինում չի ճանաչել: Իսկ զո՞հը: Նրան մեծ պատիվ է բաժին հասել. դժբախտին ջերմացնել իր սիրով, նրան պոկել այդ խավարից,  ցույց տալ, թե ինչ սքանչելի է սիրելը եւ սիրված լինելը: Եվ նա ինքնազոհաբար սկսում է կատարել իր առաքելությունը, փոխանակ ուղեղն աշխատեցնի. ինչպե՞ս է եղել, որ մարդը հասել է հասուն տարիքի եւ ոչ մի անգամ չի սիրահարվել: Չէ՞ որ դա նորմալ չէ: 

Նշան  №2. Դուք առաջին կինն եք, որին նա իրեն արժանի է համարում 

Հազարավոր, հազարավոր կանայք հավատում են այդ հավաստիացումներին: Դե իհարկե. չէ որ դա այնքան քաղցր է հնչում, թույլ է տալիս ինքդ քեզ հաղթող զգալ մյուս բոլորի` անարժանների նկատմամբ, չէ որ  «կինը ոչնչից այնպես չի ուրախանում, որքան մրցակցուհու հանդեպ հաղթանակից»: Մրցակցուհիների: Չնայած իրականում նման բառերն ուշադիր կնոջը պիտի ստիպեին զգուշանալ. մի՞թե տարօրինակ չէ, որ մարդն իր ամբողջ կյանքի ընթացքում ոչ մի արժանի աղջկա չի հանդիպել: Մի՞թե նրան միայն ագահ հիմարներ են հանդիպել: Դա առաջին պահն է:  

Եվ երկրորդ պահը. երբ մարդն ասում է, թե ինքը չի հանդիպել արժանի կանանց, ո՞ւմ արժանի` իրեն:   Չափից բարձր կարծիքի չէ՞ իր մասին:  Ցավոք, կինն ուզում է միակ եւ անփոխարինելի լինել, բոլորին գերազանցող, եւ սոցիոպատը նրան տալիս է նման հնարավորություն, ինչով խորապես դիպչում է նրա սրտին: 

Պետք է ասել, որ դա գրավում է մեծ նարցիսականություն ունեցող կանանց: Այդ նարցիսականությունը ոչ միշտ է դրսեւորվում բացահայտ «Ես ամենալավն եմ» ձեւով: Այն հրաշալիորեն թաքնվում է խոնարհության տակ, հատկապես կրոնասեր կանանց մոտ:  «Ես Տիրոջ խոնարհ ծառան եմ, Աստված պահպանում է ինձ», - հենց այն կանայք, որոնց սքանչելի գլխիկներում հանկարծակիորեն նման մտքեր են առկայծում, սոցիոպատի զոհ դառնալու մեծ շանսեր ունեն: Վայելելով սեփական  առաքինությունը` նրանք չեն էլ մտածում, թե Աստված ի վիճակի է սրիկայի ուղարկել իրենց որպես ամուսին: Նման բան ուղղակի չի կարող լինել, չէ՞ որ ինքն արժանի չէ դրան:  Անվտանգության զգացողությունը նրանց զրկում է ինքնապաշտպանության բնազդից, նրանք դադարում են վախենալ սոցիոպատներից եւ հեշտորեն տրվում են նրանց հմայքին: 

Նշան  №3. Ձեր բախտը բերել է: Ինչպես երբեք

Նա պատրաստ է ձեզ ձեռքերի վրա տանել, ձեր պատվին բանաստեղծություններ հորինել, ձեզ ձեռք կմեկնի մեքենայից դուրս գալիս, նա ընդգծված կերպով քաղաքավարի է եւ կնամեծար: Նա սկսում է իրեն այդպես պահել, կինն էլ երջանկացած մտածում է.    «Օհ, Աստված իմ: Սա հենց այն արքայազնն է, որին բոլորը երազում են, բայց չգիտես ինչու, նա հենց ինձ` մեղավորիս է բաժին հասել»:

Ուրախությունից իրեն կորցրած` նա արդեն կիսով չափ կույր եւ խուլ է պաթոլոգիական հարաբերությունների այն ակնհայտ նշանների հանդեպ, որոնց մեջ ներքաշում են իրեն: 

 

Աղբյուրը` Klubber


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել