Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Համասյանի ու Ռիք Ռոզատոյի երաժշտությունը՝ ARARAT-ի լեգենդար համի ու Ձիթողցյանի կտավների ուղեկցությամբ

ՇոկTok. «Մարդիկ ինձ են օգնում. ես եմ որոշում օգնել ընտանիքների, թե`ոչ». Տարոն Սարգսյան

Քալիֆորնիայի ամենագեղեցիկ կնոջ տիտղոսը նվաճած Զառա Գեմիլյանը մտադիր է օգնել կարիքավոր կանանց եւ մանկատան երեխաներին

15:05, 2 ապրիլի

Հունվարին ԱՄՆ-ի Քալիֆորնիա նահանգում անցկացված «Միսիս Քալիֆորնիա Երկրագունդ» գեղեցկության մրցույթի հաղթող էր ճանաչվել ազգությամբ հայ Զառա Գեմիլյանը: Հունիսին հայ գեղեցկուհին ներկայանալու է նաեւ «Միսիս ԱՄՆ Երկրագունդ 2019» մրցութին, որը հաղթահարելուց հետո կկարողանա ուղեգիր ստանալ դեկտեմբերին Չինաստանում կայանալիք «Միսիս Երկրագունդ»-ին:

NEWS.am STYLE-ը զրուցել է Քալիֆորնիայի ամենագեղեցիկ կնոջ տիտղոսը նվաճաճ Զառայի հետ՝ մասնագիտության, մոդելինգի, ընտանիքի եւ մրցույթում հաղթանակի մասին:

36-ամյա Զառան արդեն 20 տարի է՝ բնակվում է Լոս Անջելեսում:

«Ծնվել եմ Երեւանում, սակայն, երբ մեկ տարեկան էի, տեղափոխվել ենք Մոսկվա, քանի որ ծնողներս պետք է այնտեղ շարունակեին իրենց ուսումը: Բայց ես շատ լավ եմ խոսում հայերեն ու տարին առնվազն մեկ անգամ լինում եմ Հայաստանում»,-ասում է նա:

Զառան ավարտել է Քալիֆորնիայում Պեպերդայնի համալսարանը, նախ՝ արվեստի բաժինը, այնուհետեւ մագիստրատուրան շարունակել է բիզնեսի կառավարման բաժնում:

«Որոշ ժամանակ աշխատել եմ՝ որպես մարքեթինգի մասնագետ, հիմա հորս եւ եղբորս հիմնադրած ընկերության մենեջերն եմ: Նախասիրություններիս մեջ մտնում են երաժշտությունը, դաշնամուր եւ ջութակ նվագելը: Մայրս, ի դեպ, դաշնակահարուհի է»:

Քալիֆորնիայի գեղեցկուհին պնդում է՝ նախկինում մոդելինգով հետաքրքրված չի եղել.

«Երբ երեխա էի, ամբողջ ուշադրությունս կենտրոնացած էր ուսմանս վրա, հետագայում սկսեցի մտածել կարիերայիս մասին, որից հետո ընտանիք կազմեցի եւ այլ սկզբունքներ ունեցա կյանքում»:

Զառան նշում է՝ ցավոք ամուսնությունը երկար չի տեւել, սակայն այսօր ունի 10-ամյա որդի, որին էլ ուղղված է իր ամբողջ ուշադրությունը: Նաեւ հավելում՝ նախկին ամուսնու հետ հրաշալի հարաբերություններ ունի, լավ ընկերներ են մնացել ու մինչ օրս հարգում են միմյանց:

Գեղեցկության մրցույթով Զառան հետաքրքրվել է, երբ հասկացել է, որ տիտղոս ունենաը կմեծացնի տեղեկություն տարածելու հնարավորությունները.

«Նոր տարվա իմ նպատակն էր աջակցել հնարավորինս շատ կանանց, որոնք կարիքի մեջ են: Որպես Միսիս Քալիֆորնիա՝ ես դարձա «Կարիքի մեջ գտնվող կանանց» կազմակերպության խոսնակը: Մենք դրամահավաքներ ենք իրականացնում, որպեսզի աջակցենք նրանց, ում բախտն այդքան էլ չի բերել»:

«Միսիս Երկրագունդ» մրցույթում գնահատվում է ոչ միայն կանանց արտաքին գեղեցկությունը, այլեւ ներքին ուժն ու տվյալ երկրի կամ նահանգի համար ծավալած գործունեությունը:

«Միանշանակ պետք է օժտված լինես ուժեղ անհատականությամբ, որպեսզի նման բաներ անես: Իմ նպատակն է օգնել մանկատների բոլոր երեխաներին, որտեղ էլ, որ նրանք լինեն; Այնպես անել, որ նրանք զգան հոգատարություն եւ բարելավեն իրենց կենսակերպը: Ես բախտավոր եմ, որովհետեւ հրաշալի ընտանիքում եմ ծնվել եւ իմ պարտքն է այդ ամենի համար փոխհատուցելը»:

Ինչ վերաբերում է հաղթական տիտղոսի նվաճմանը՝ Զառան կարծում է.

«Երբ իսկապես գիտես՝ ինչ ես ուզում եւ շատ ես աշխատում դրան հասնելու համար, կյանքում ոչինչ դժվար չի թվում»:

Հարցին արդյոք որեւէ տարի կփորձի՞ ուժերը նաեւ նույն մրցույթի հայաստանյան տարբերակում, Զառան պատասխանեց.

«Պատիվ եմ ունեցել «Համաշխարայի գեղեցկության եւ նորաձեւության» լիգայի ղեկավար պարոն Աշոտ Խաչատրյանի կողմից մրցույթում Հայաստանը ներկայացնելու առաջարկ ստանալ, սակայն արդեն մասնակցել էի այստեղի մրցույթին, իսկ ես չեմ սիրում խոստոնումներս կիսատ թողնել: Եթե ԱՄՆ-ի մրցույթի բարձր հորիզոնականներում լինեմ, բայց չհաղթեմ, դեռ հնարավորություն կունենամ մրցույթում ներկայացնել Հայաստանը»:

Սյունե Առաքելյան

Լուսանկարները  Զառա Գեմիլյանի Instagram-ի էջից


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով



@NEWSam_STYLE

  • Արխիվ
Որոնել