Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

90-ականներին ծնողներս թույլ չեն տվել, որ ես ու քույրս մտածենեք տան հոգսերի մասին»․ Իրինա Թովմասյան

5 խորհուրդ առողջ մազեր ունենալու համար. Ջեք Թեքեյան

BACKSTAGE. Գոշը, Քրիստինա Եղոյանը, Լիանա Վանոյանը, Արուս Տիգրանյանը եւ այլ դերասաններ` «Կինստարգրամ» նոր սիթքոմում (ֆոտո/վիդեո)

Քար լռություն ու հույզեր. Սարգիս Գրիգորյանի մասնակցությամբ «Անմահների երկիրը» ներկայացումը՝ նվիրված հերոս տղաներին (ֆոտո)

23:04, 2 ապրիլի

Պատանի հանդիսատեսի թատրոնի այսօրվա պրեմիերան հատուկ էր. այն նվիրված էր անմահ հերոսներին, որոնք իրենց արյան ու կյանքի գնով պայքարել ու պայքարում են հայրենիքի համար:

Ռեժիսոր Դավիթ Հարությունյանի «Անմահների երկիրը» ներկայացման գլխավոր հերոսը Գարեգինն է (Սարգիս Գրիգորյան). նա լրագրող է, որը հայտնվում է սահմանին` զինվորների կյանքի, առօրյայի ու կռվի մասին տեսանյութեր պատրաստելու նպատկով: Ինչպես սահմանին եւ, առհասարակ, Հայոց բանակում առաջին անգամ ոտք դրած երիտասարդ` Գարեգինը միանգամից չի ընկալում իրադրության լրջությունը, ինչի պատճառով միանշանակ չի ընդունվում սահմանապահ զինվորների կողմից: Սակայն Գարեգինի եւ մյուսների ճակատագիրը միանգամից փոխվում է սահմանին տեղի ունեցած մեծ ռմբակոծության ու պայթյունի հետեւանքով…

Ի տարբերություն իր հերոսի՝ Սարգիս Գրիգորյանը շատ լավ ծանոթ է Հայոց բանակին, սահմանին ու ծառայության դժվարություններին:

«Ես էլ եմ ծառայել երկու տարի՝ Վայքում: Քաջ գիտակցում եմ այդ ամենը: Հիմա յուրաքանչյուր երեխա, երբ ծնվում է, այդ գիտակցությունը նրա հետ է ծնվում: Կարիք չկա լինել 1915 թ-ում, որ զգաս ցեղասպանությունը: Մեր նախնիները դա մեզ ժառանգաբար փոխանցել են ու դա երեւում է մեր աչքերում»,-ասում է դերասանը, որն, ի դեպ, երկար դադարից հետո թատրոն վերադարձել է հենց այս ներկայացմամբ:

«Հուզված եմ, պարտավորված, որովհետեւ այսօրվա հանդիսատեսի 80 տոկոսը զինվորներ, սպաներ ու զոհված տղաների ծնողներ էին: Հիմա անհամբեր սպասում եմ, որպեսզի նայեմ նրանց աչքերի մեջ ու տեսնեմ՝ գոհունակություն կա՞: Դահլիճից զգացի քար լռություն: Ակնկալում էի, որ ծափեր չեն լինելու, հանդիսատեսը ամեն մի պահը, ամեն մի գործողությունը պիտի նայեր, ու հիմա ուզում եմ հասկանալ՝ ստացվե՞լ է, թե՞ ոչ: Մենք թիմով շատ ենք աշխատել, մնացածը հանդիսատեսը պիտի ասի: Շատ լավ կարծիքներ եմ լսել, թեպետ մի երկու քննադատություն էլ է եղել, բայց դրանց էլ նորմալ եմ վերաբերվում: Կարծում եմ՝ նման ներկայացումներ շատ պիտի լինեն: Մենք պիտի մեր երիտասարդներին պատրաստենք, որ ամեն րոպե կարող է սկսվել պատերազմ ու մենք պարտավոր ենք գնալ ու պաշտպանել մեր մայրերին ու քույրերին: Իսկ նման ներկայացումներն ավելի մեծ ոգի են տալիս երիտասարդներին»,-վստահ է նա: Սարգիսը խոստովանում է՝ ներկայացման ամբողջ ընթացքոում լարված է եղել, ասում է՝ «Սա այնպիսի ներկայացում է, որ եթե մեկ-երկու նախադասություն էլ սխալվես, դժվար կլինի ամեն ինչ ետ բերել»:

Իսկ իր հերոսի սկզբնական թեթեւությունը խիստ չի դատում.

«Քաղաքից եկած սովորական տղա է, նրան պետք չէ մեղադրել, նա պարզապես տեղյակ չէ այդ ամենից: Ուղղակի, երբ նման տեղ ես գնում, պետք է զգույշ լինես ու հասկանա՝ ինչու ես եկել: Տղաները կարողացան նրան ճիշտ ուղու վրա դնել, եւ նա դարձավ այն տղաներից մեկը, որոնք այսօր սահմանին կանգնած են»:

«Անմահների երկիրը» պիեսի հեղինակը Էդուարդ Զորիկյանն է, պրոդյուսերը՝ Արմեն Միրզոյանը, բեմադրող նկարիչ՝ Կարեն Գրիգորյան, կոմպոզիտոր՝ Արման Էլբերտ: Դերերում հանդես են եկել նաեւ Հայկ Սարգսյանը, Գեորգի Հովակիմյանը, Իշխան Ղարիբյանը, Աշոտ Հակոբյանն ու Հովհաննես Հաջինյանը:

Ներկայացումը կբեմադրվի նաեւ ապրիլի 6-ին եւ 7-ին:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ