Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

«գաՌուն ա, գառ կեր». սեզոնային նոր թրենդ երեւանյան ռեստորաններում

13:25, 10 ապրիլի

Գարուն ա, գառ կեր, քանի որ գառը գարնան ընկերն է: Հենց այս մտքից դրդված էլ MBG Hospitality ընկերությունը սկսել է մի նախաձեռնություն, որի նպատակը գառան միսը թրենդային դարձնելն ու դրա դերը հայկական խոհանոցում ընդգծելն է: Այսպիսով, ապրիլի 15-ից հունիսի 1-ն ընկած ժամանակահատվածում՝ մի ամբողջ գարուն, հայերը կարող են մասնակիցը դառնալ գառան սեզոն կոչվող նոր թրենդին, որը գալիս է լրացնելու խաշի սեզոնին հաջորդող բացը:

MBG Hospitality ընկերության 6 ռեստորանները («Ծիրանի այգի», «Ծիրանի տուն», «Չինար», «Ոստան», «Հանս եւ Ֆրանց» եւ «Ալյասկա») իրենց այցելուներին են առաջարկելու գառան մսով պատրաստված անսովոր ու հետաքրքիր ուտեստներ: Թե ինչի մասին է խոսքը, NEWS.am STYLE-ը պարզել է ընկերության PR manager Աննա Սալոմեից.

Աննա, եթե չեմ սխալվում, Հայաստանում գառան մսին նվիրված փառատոններ եւ միջոցառումներ նախկինում չեն եղել: Ինչպե՞ս որոշեցիք նման նախաձեռնությամբ հանդես գալ:

Այո, սա առաջին նման նախաձեռնությունն է. գառան մսին մեծ հաշվով անդրադարձ չի եղել մինչ օրս:

Կան տարբեր փառատոններ՝ դոլմայի, հարիսայի… Բայց մենք փառատոն չէ, որ նախաձեռնում ենք, սա ավելի մեծ ու ավելի երկարաժամկետ նախագիծ է, որի նպատակը գառան մսով ուտեստները թրենդային դարձնելն է: MBG Hospitality ընկերությունը թելադրում է նոր food trend: Մեզ մոտ արմատացած է, որ ձմռանը խաշի սեզոնն է սկսվում, մենք ուզում ենք «գաՌուն»-ով արմատացնել այն միտքը, որ գարունն էլ գառան միս ուտելու լավագույն սեզոնն է:

Հետաքրքիր է՝ ինչո՞ւ այս նախաձեռնությունը սկսեցիք հենց գարնանը: Պատճառը «գարուն» եւ «գառան» բառերի բառախա՞ղն է:

Երկար մտածել ու աշխատել ենք այս նախագծի շուրջ: Գարունը գառան միս ուտելու լավագույն սեզոնն է, իսկ «գարուն» եւ «գառ» բառերը հրաշալի համադրվում են: Ստացվել է այնպես, որ «ռ» տառը որպես դոմինանտ ենք ընտրել այդ բառերի համադրության մեջ ու հեշթեգով այն ավելի թրենդային ենք դարձրել:

Փաստորեն երկու կարգախոսով եք առաջնորդվում

Այո, «Գարուն ա, գառ կեր», եւ «Գառը գարնանը կեր»: Այս երկու կարգախոսներն էլ արտահայտում են մեր սեզոնի բուն բովանդակությունը եւ նպատակը: Առաջինը շեշտում է այն միտքը, որ արդեն գարուն է եւ արդեն ժամանակն է գառան միս ուտելու, իսկ երկրորդը՝ որ գառը ուտելու ճիշտ ժամանակը գարունն է:

Ինքս նկատել եմ, որ գառան միսը հայերի շրջանում այնքան էլ մեծ պահանջարկ չի վայելում: Հայերը հիմնականում խոզի, հորթի կամ հավի մսով ուտեստներ են պատվիրում ռեստորաններում: Ըստ Ձեզ՝ ինչո՞վ է պայմանավորված այս հանգամանքը՝ ռեստորանների ճաշացանկե՞րն են սահմանափակ տեսականիով գառան մսով ուտեստներ առաջարկում, թե՞ այլ գործոններ կան:

Գառան միսն իրականում շատ առանձնահատուկ միս է եւ համային առումով ոչ բոլորին է դուր գալիս: Իհարկե, կան նաեւ կարծրատիպեր գառան մսի հետ կապված, օրինակ՝ գառան միսն ասոցացվում է վատ հոտի հետ: Դա իրականում վատ նախադեպի արդյունք է: Միգուցե, հաճախ մարդիկ փորձում են տարիքով մեծ  ոչխարի միս, ոչ թե գառան: Իսկ մեր առաջարկած կերակրատեսակները 3-5-ամսական գառան մսից են, որովհետեւ գառն  ամենահամեղն է, երբ այն կաթից նոր է կտրվել եւ նոր է սկսել ուտել կանաչ խոտ:

Գառը այն կենդանին է, որը չի ուտում հավելումներով սնունդ, ուտում է բացառապես խոտ: Եվ արդյունքում գառան միսն օգտակար հատկություններով հարուստ միս է, այն նպաստում է մարդու առողջության պահպանմանը: Ընդ որում, որքան երիտասարդ է կենդանին, այնքան քիչ քանակությամբ խոլեստերին է պարունակում միսը: Գառան միսը հեշտ յուրացվող սպիտակուցներ և վիտամինների հրաշալի աղբյուր է: Պարունակում է մի շարք E, B խմբի վիտամիններ B1, B2, B3, B12 մակրոտարրեր և միկրոտարրեր՝ կալցիում, կալիում, երկաթ, մագնիում, նատրիում, ֆոսֆոր և այլն:

Ի դեպ, գառան մսում երկաթը ավելի շատ է, քան մյուս տեսակի մսերում, ինչը շատ օգտակար է օրգանիզի համար: Իրականում գառան մսի օգտակար հատկությունների մասին կարել է անվերջ թվարկել:

Բացի ավանդական եւ մեզ արդեն հայտնի խաշլամայից եւ խորովածից, գառան մսով է՞լ ինչ հետաքրքիր ուտեստներ են առաջարկվելու սեզոնի ընթացքում:

Մեր առաջարկը խիստ բազմաբնույթ է: Ռեստորանային ոլորտում մենք ունենք 7 բրենդ, որոնք միմյանից խիստ տարբերվում են իրենց կոնցեպտով: Եվ մեր ռեստորաններից 2-ում՝ «Ալյասկա»-ում եւ «Հանս եւ Ֆրանց»-ում,  որոնք եվրոպական խոհանոց ունեն, Դուք կարող եք գտնել անգամ գառան մսով բուրգերներ եւ գառան մեջքի ֆիլե՝ քարի վրա (սթեյք): Հետեւաբար՝ սա վկայում է, որ մեր նպատակը նաեւ ավանդական ուտեստները ժամանակակից մատուցմամբ ներկայացնելն է: Իսկ հայկական խոհանոցով մեր ռեստորաններում կարող եք համտեսել թե´ գառան մսով խաշլամա, թե´ այլ ձեզ ծանոթ ուտեստներ՝ գառան խորոված, գառան քյաբաբ և այլն:

Որքանով, որ տեղյակ եմ, սեզոնի համար գառան մսով պատրաստված ուտեստներով հատուկ մենյու եք առաջարկում Ձեր հաճախորդներին. դա արդյոք ենթադրում է, որ կերակրատեսակները կունենան առավել մատչելի գներ: Մի փոքր կմանրամասնե՞ք:

Այո, գառան մսով կերակրատեսակները սեզոնի շրջանակներում հատուկ գնացուցակով կառաջարկվեն: Սա նշում եմ, որպեսզի մարդիկ պատկերացնեն, որ գառան միս համտեսելը թանկ հաճույք չէ, եւ պարտադիր  չէ ամբողջական գառ պատվիրել այն համտեսելու համար: Կան հրաշալի կերակրատեսակներ, որոնք հասանելի են միջին գներով ևս: Իսկ խմբերի համար մենք հատուկ առաջարկներ ունենք, օրինակ, ամբողջական գառ՝ պտուտակի վրա, որը շոու-ուտեստ է ու բավականին հետաքրքիր է ոչ միայն մեր հայրենակիցների, այլեւ զբոսաշրջիկների համար:

Իսկ հատուկ ճաշացանկը եւ գնացուցակը պահպանվելու են միայն սեզոնի ընթացքո՞ւմ:

Գառան միս եղել է եւ կլինի նաեւ մեր հիմական մենյուում, սակայն այս դեպքում առանձնահատկությունը սեզոնի համար հատուկ մենյու ունենալն է: գաՌուն-ի համար հատուկ մենյու է մշակվել եւ դրանով պայմանավորված, բնականաբար, կլինեն հատուկ առաջարկներ:

Հնարավո՞ր է՝ հետագայում ընդլայնեք նախաձեռնությանը միացած ռեստորանների շարքը, սեզոնը տարածեք նաեւ մարզերում:

Դա արդեն ընկերության բիզնես քաղաքականությունից է կախված: Այս պահին մեր բոլոր ռեստորանները, բացի «Ծիրանի այգուց» գտնվում են Երեւանում:

Այս պահին չենք նախատեսում որեւէ այլ քաղաքում կամ մարզում այդպիսի նախաձեռնություն, իսկ Երևանում սպասվելիք նոր ռեստորանների մասին կխոսենք մինչեւ տարեվերջ:

Այս նախաձեռնությունը հաջորդ տարիներին շարունական բնույթ կկրի՞:

Միանշանակ: Մենք նպատակ ունենք ենք այն այնքան պահանջված դարձնել, որ սեզոնն ինքը շարունակական բնույթ ունենա եւ դուրս գա մեր վերահսկողության սահմաններից անգամ, ինչու ոչ: Միայն ուրախ կլինենք, եթե մյուս տարի երեւանյան բոլոր ռեստորանները միանան մեր նախաձեռնությանն ու դրա մասշտաբներն ընդլայնվեն:

Ո՞ր խմիչքների հետ խորհուրդ կտայիք համադրել գառան միսը:

Իրականում գառան մսի հետ ալկոհոլներից ամենաճիշտ համադրվողը գինին է՝ մասնավորապես կարմիր գինին:

Գառան սեզոնի շրջանակում մենք ունենք հատուկ առաջարկ Le Grand Noir ապրանքանիշի ֆրանսիական կարմիր գինիների (որի շշի վրա, ի դեպ, հենց գառ է պատկերված) և  Armenia Wine-ի  կարմիր անապակ TAKAR գինիների համար:

Հնարավո՞ր է՝ գառան սեզոնը հետագայում ձեր ջանքերով վերածվի գառան փառատոնի:

Իրականում կոնցեպտը մտածելիս ի սկզբանե քննարկվել է փառատոնի տարբերակը, սակայն փառատոնը տոն է, որը գալիս եւ գնում է, մենք ավելի մեծամասշտաբ  նպատակ դրեցինք նախագծի հիմքում եւ որոշեցինք, որ չենք ուզում սահմանափակվել մեկ-երկու օրով եւ որոշեցինք մի ամբողջ գարուն՝ շուրջ երեք ամիս տոնել…

Այնպես որ, #գաՌուն-ի շրջանակներում ապրիլի 15-ից սպասում ենք գուռմաններին մեր բոլոր ռեստորաններում: Կհանդիպենք)

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել