• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Հակոբ Պարոնյանի անվան կոմեդիայի պետական թատրոնում այսօր հատուկ նշանակության համերգային ծրագիր էր: Սուսաննա Բարսեղյանի հեղինակային երեկոյի ընթացքում հայտնի հայ երգիչները ելույթ ունեցան երգարվեստում իրենց քայլերը ձեռնարկող փոքրիկների հետ: Երգերը նվիրված էին մայրիկներին, իսկ հանդիսատեսի առաջին շարքերում տարբեր ծերանոցներից հրավիրված տատիկներն էին, որոնց էլ նվիրված էր համերգային ծրագիրը: Բարեգործական երեկոն կազմակերպել էր «Կողքիդ եմ» տարեցների աջակցության հասարակական կազմակերպությունը: Համերգի ընթացքում հնչաց բոլոր երգերը զետեղված են մեկ ձայնասկավառակի մեջ, որի վաճառքից ստացված հասույթն ուղղվելու է ի աջակցություն Հայաստանի ծերանոցներին:

«Ծերանոցներին նվիրված ծրագրեր իրականացնում ենք արդեն  4 ամիս շարունակ: Տեսնելով այնտեղի բնակիչների՝ տատիկների ու պապիկների ոգեւորությունը՝ մենք ինքներս էլ ենք որգեւորվում: Ունենք նաեւ այլ ծրագրեր, որոնք կյանքի կկոչվեն հետագայում»,-NEWS.am STYLE-ի հետ զրույցում նշեց «Կողքիդ եմ» կազմակերպության նախագահ Գայանե Պողոսյանը, իսկ կազմակերության համահիմնադիր Լիլիթ Հախինյանը հավելեց. «Կփորձենք նաեւ միջազգային փորձ կիրառել մեր գործունեության մեջ, եւ մեր ծերանոցները կլինեն ավելի կյանքով լեցուն վայրեր ու ոչ մեկիս աչքերում այլեւս արցունք չի լինի ծերանոց ասելիս»:

Նախկինում տարեցներին նվիրված նմանատիպ նախաձեռնություն չէր եղել: Հեղինակները նշում են՝ իրենց հենց այդ փաստն է ուղղորդել նման գործունեություն ծավալելուն, որպեսզի ծերանոցի բնակիչներն այլեւս չլինեն անտեսված եւ աննկատ:

Ծերանոցներին աջակցելու նախաձեռնությանը միացել են հայկական շոու-բիզնեսի հայտնիներից շատերը, որոնց տեսնելիս՝ տատիկներն ու պապիկներն առանձնակի երջանկությամբ են լցվում: Նրանց շարքում է նաեւ դերասանուհի Շուշաննա Թովմասյանը, որին  եւս հանդիպեցինք համերգի ընթացքում:

«Նման նախաձեռնությունները պետք է շատ լինեն, որքան շատ լինեն, այնքան շատ մարդկանց կհասցնենք ուրախացնել, մասնավորապես ծերերին: Իսկապես, նրանց հանդեպ կա անտեսվածություն, որն ավելի շատ գալիս է ժամանակային ոչ ճիշտ բաշխումից, բայց չպետք է մոռանալ նաեւ այն խավի մասին, որը որ թիրախում է գտնվում: Հաշվի առնելով իրենց տարիքն ու այն փաստը, որ գնալով տատիկներն ու պապիկներն ավելի խոցելի են դառնում ու մանկան պես ուշադրության կարիք են ունենում՝ ես միացա Գայանեին ու Լիլիթին՝ փորձելով իմ լուման ունենալ կամավորական սկզբունքով: Ինքս այստեղ լինելով՝ կոչ եմ անում մեր հայտնիներին միանալ այս նախաձեռնեւթյանը, քանի որ, երբ տատիկ-պապիկները տեսնում են հեռուստացույցից ծանոթ դեմքերի, դա նրանց այլ էմոցվիաներ է պարգեւում»,-խոստովանեց դերասանուհին:

Համերգի ընթացքում ելույթ ունեցան Լանա Խաչատրյանը, Անահիտ Շահբազյանը, Սոնե Սիլվերը, Էմմա Պետրոսյանը, Անուշիկ Ալավերդյանը, Նելլի Պողոսյանը, Աննա Խաչատրանը, Գեւորգ Մարտիրոսյանը, Աստղիկ Սաֆարյանը, Արսեն Սաֆարյանը, Նարե Գեւորգյանն ու Նարեկ Բավեյանը, Զարուհի Բաբայանը, որոնց ընկերակցեցին փոքրիկ երգիչները՝ Մարիա Ադամյանը, Նարե Ջուգուրյանը, Նարե Էլիզբարյանը, Արիաննա Հովհաննիսյանը, Ալեքսանդրա Ամիրջանովան, Մարինա Ղազարյանը, Կարեն Նալբանդյանը, Մարի Հովհաննիսյանը, Գոռ Համբարձումյանը, Ալվինա Ադամյանն ու Լեւոն Նազարյանը:

«Կողքիդ եմ» հասարակական կազմակերպության խորհուրդի անդամ Իրինա Թովմասյանը նշում է՝ հատկապես ոգեւորված է այն փաստից, որ բոլոր երգիչները միանգամից ընդունել են բարեգործական համերգին ելույթ ունենալու հրավերը.

«Համերգի մտահաղացումը Սուսաննա Բարսեղյանինն էր, որին օգնեցինք ես եւ իմ գործընկրները: Ինձ համար կրկնակի ուրախալի էր այս ամենը կազմակերպելը, քանի որ նախ՝ սա Սուսաննայի ստեղծագործական երեկոն էր, բացի այդ՝ համերգային ձայնասկավառակի վաճառքի հասույթն ուղղվելու է կազմակերպությանը: Համերգին հնչած 14 երգերը նվիրված են մայրերին, ինչն ավելի է ոգեւորում, քանի որ հանդիսատեսի շարքերում ծերանոցներից հրավիրված տատիկներն են»,-նշեց Իրինան:

Բարեգործական համերգի մյուս մանրամասներն առավել ակնհայտ կերեւան NEWS.am STYLE-ի ֆոտոռեպորտաժում: Մեր լուսանկարները կպատմեն, թե ինչպես անցավ համերգն ու ինչ տրամադրություն էր տիրում ետնաբեմում:

Սյունե Առաքելյան

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում