• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

NEWS.am STYLE-ը ներկայացնում է արկածային, ֆենթեզի ժանրի՝ «Ավատար․ Լեգենդ Աանգի մասին» մուլտսերիալը։

Մուլտսերիալը եթեր է հեռարձակվել Nickelodeon հեռուստաալիքով՝ 2005 թվականի փետրվարից մինչեւ 2008 թվականի հուլիսը։ Անիմացիոն հեռուստասերիալի ստեղծողներն են՝ Մայքլ Դանթե Դիմարտինոն եւ Բրայան Կոնիեցկոն։ Այն նաեւ անվանում են «Ավատար․ Լեգենդ Կորի մասին»։

Աշխարհը բաժանված է չորս ազգերի։ Յուրաքանչյուրի ներկայացուցիչներն ունակություններ ունեն, որոնցով կառավարում են Ջուրը, Հողը, Օդը կամ Կրակը։ Միայն Ավատարն է այդ չորսի տիրակալը։

Մեկ անգամ Հողի տոհմի առաջնորդը պատերազմ է սկսում, որպեսզի իրեն ենթարկեցնի մյուս տոհմերին։ Աշխարհը փրկելու պատասխանատվությունն ընկնում է 12-ամյա տղայի, օդի  տոհմի կախարդ Աանգի ուսերին, որն իմացել է, որ ինքն Ավատարն է։

Մեզ ցուցադրում են չորս տոհմերի ներքին պատմություն։ Մուլտսերիալը լի է բազմազանությամբ, իսկ յուրաքանյուր հերոսի սցենարային գիծը մեզ օգնում է ավելի լավ ծանոթանալ նրանց հետ, նրանց տեսանկյունից ճանաչել աշխարհը։

Մենք ընկղմվում ենք միանգամայն այլ աշխարհ՝ Հին Չինաստանի ոճով, ինչն էլ հնարավորություն է տալիս այն ասոցացնել մեր աշխարհի հետ։

Չնայած այն հանգամանքին, որ «Ավատար․ Լեգենդ Աանգի մասին» մուլտսերիալը ցուցադրվել է մանկական հեռուստաալիքով, այն բավականին հասուն է, այսինքն, հասուն է իրադարձությունների ընթացքը. կյանքի դասեր, ինչպես նաեւ այստեղ առկա են բավականին մեծ խնդիրներ․ դավաճանություն, բարություն, չարություն, ընկերություն, սեր, իրական «Ես»-ի փնտրտուք։ Շոշոփվում են նաեւ սոցիալական թեմաներ, որոնք դեռահաս հեռուստադիտողները հազիվ թե հասկանան։

Այս ամենը «Ավատար»-ը բավականին մեծ մուլտ է դարձնում, որը ներկայացվում է մանկական փաթեթավորմամբ։ Ուրախացնում են էքշն ըեսարանները, կախարդների մենամարտերը, օդում եւ երկրում իրականացվող հետապնդումները։

Մուլտֆիլմում ուրախացնում է ճապոնական անիմե ոճը, ինչը սերիալն ավելի վառ ու գունառատ է դարձնում։ Սակայն, ինչպես հայտնի է, լավ սերիալը ոչինչ է առանց լավ հերոսների։

Աանգ․ ավատար, օդի թագավորության կախարդը։ Սակայն նա դեռ երեխա է, այդ իսկ պատճառով նա մանկական պահվածք ունի, սիրում է խազալ, կատակել, շեղվել երկնային խնդիրներից։ Սակայն անհրաժեշտ պահերին նա դառնում է մարտիկ, որը կարողանում է պաշտպանել իրեն եւ իր ընկերներին։

Եղբայր ու քույր՝ Սոքա եւ Կատարա։ Նրանք երկուսն էլ ջրի տոհմից են, սակայն նրանցից միսյն Կատարան է կախարդ, որը ջրի կախարդանքում դառնում է Աանգի ուսուցիչը։ Սոքան բավականին հետաքրքիր տղա է, նա սիրում է իրեն գովել։ Նա կախարդ չէ, սակայն միեւնույն ժամանակ  փորձառու մարտիկ է։

Տոֆ․ աղջիկ հարուստ ընտանիքից, հողի ամենաուժեղ կախարդներից, ի ծնե կույր, սակայն կարողանում է «տեսնել»՝ զգալով հողում վիբրացիան։ Հայտնի է որպես «Կույր գող»: Տոֆը կոպիտ է եւ անկեղծ։ Նա սովորեցնում է Աանգին հողի կախարդանքը: Տոֆը նաեւ տիրապետում է մետաղի կախարդանքին։

Սակայն սցենարում բոլորից լավը Զուկոն է։  Նա կրակի տոհմի արքայազն է եւ նախկին Ավատար Ռոկուի ժառանգը։ Զուկոն աշխարհով մեկ թափառում է՝ որոնելով Ավատրին, որպեսզի հոր առջեւ վերականգնի իր պատիվը, սակայն նա մինչեւ վերջ չի հասկանում, արդյոք նրա ճակատագիրն է դա։ Իրականում նա թափառում է իր մեջ․ նրա ներսում բարու եւ չարի մեծ կռիվ է։

Մուլտֆիլմում շատ տարբեր հերոսներ կան, ինչպես գլխավոր, այնպես էլ երկրորդական։ Բոլորի մասին չես գրի, ինչպես նաեւ վերեւում նշված անձանց մասին գրվածն էլ բավարար չէ, որպեսզի հասկանաք նրանց։

Արդյունքում մենք ստացել ենք պատմության մեջ լավագույն մուլտսերիալներից մեկը։ Ինչպես մեծերի, այնպես էլ փոքրերի համար հիանալի հնարավորություն է դիտել հետաքրքիր մի պատմություն։ Դեռ չեմ խոսում դաստիարակչական, բարոյական կողմի մասին, որը շատ կարեւոր է չձեւավորված մանկական ուղեղների համար։

P.S.

Netflix ընկերությունը վերջերս ձեռք է բերել այս մուլֆիլմի էկրանավորման իրավունքը։ Իսկ Netflix-ը երբեք այնպիսի բան չի վերցնում, ինչն արժեք չունի։

Հաճելի դիտում,

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում