Այսօր՝ ապրիլի 23-ին, ծննդյան 24-ամյակն է նշում մեր օրերի ամենագեղեցիկ ու պահանջված մոդելներից մեկը՝ Ջիջի Հադիդը: Հատնի ամերիկուհին Tom Ford ապրանքանիշի հավաքածուներից մի քանիսի դեմքն է, ինչպես նաեւ աշխատում է Victoria’s Secret-ի համար, իսկ Fashion Awards 2016-ին արժանացել է «Միջազգային մոդել» տիտղոսին:
Ջիջին, սակայն, ընտանիքում միակ գեղեցկուհին չէ: Նրա մայրը՝ Իոլանդա Հադիդը, նախկինում եւս հայտնի մոդել է եղել, իսկ քույրը՝ Բելլա Հադիդը, ոչ պակաս ճանաչվածություն է վայելում նույն ասպարեզում:
Վերջին տարիներին մեդիայի ուշադրության կենտրոնում էին ոչ միայն Հադիդի մոդելային հաջողությունները, այլեւ անձնական կյանքն ու հարաբերությունները One Direction խմբի նախկին անդամ Զեյն Մալիկի հետ: Շատերը նրանց համարում էին աստղային ամենագեղեցիկ զույգը, բայց այդ գեղեցկությունը պառակտվեց 2018 թ-ին, երբ երիտասարդները հայտարարեցին իրենց բաժանման մասին:
NEWS.am STYLE-ն այսօր ներկայացնում է Հադիդի մեջբերումները՝ մոդելինգի, դժվարությունների եւ քրոջ՝ Բելլա Հադիդի մասին:
Նորաձեւության ու առաջին ոգեշնչման մասին
«Նորաձեւության հանդեպ իմ կիրքը ձեւավորվել է ավագ դպրոցում: Իմ թագուհին Քենդիս Սվեյփոլն էր, որը հիմա իմ ընկերներից է. այո, զավեշտալի է, բայց բարձր դասարաններում ես հիացած էի նրանով, ինձ դուր էր գալիս նրա ոճը՝ տղայական ջինսերը, կոշիկներն ու վերարկուները, որոնք շատ մոտ են իմ այսօրվա ոճին»:
Քրոջ՝ Բելլա Հադիդի մասին
«Քույրս իմ փոքրիկ աստղն է, եւ ես միշտ հուզվում ու հպարտանում եմ նրա հաջողություններով: Նրա հետ ես ինձ պաշտպանված եմ զգում, բայց չեմ ցանկանում լինել այն քույրերից, որոնք փորձում են ձեւացնել, թե ամեն ինչ գիտեն՝ նրան ցույց տալով, թե չի հասկանում՝ ինչ է անում: Ես փորձում եմ լինել զիլ մեծ քույրիկ, ոչ թե նրա մայրը, ինչը երբեմն դժվար է»:
Սոցիալակն մեդիայի ու մոդելինգի մասին
«Մենք ապրում ենք այնպիսի ժամանակահատվածում, երբ սոցիալական մեդիան դարձել է զենք: Այսօր դեմքդ թղթին դաջելով չես կարող դառնալ մեկի համար սիրելի մոդել: Մարդիկ քեզ համակրում են, միգուցե, որովհետեւ ընդհանրություններ են նկատել հումորիդ զգացումի կամ անձնական ոճիդ հետ»:
Սեփական մարմնի առավելություններն իմանալու մասին
«Մարդիկ տարբեր կառուցվածք ունեն, եւ դու պետք է հասկանաս ոչ միայն, թե ինչն է քեզ սազում, այլեւ ինչի մեջ ես դու քեզ հարմարավետ զգում: Անգամ, երբ շատերը կարծում են, թե դու հիանալի տեսք ունես բիկինիով, բայց դու քեզ լավ չես զգում դրանում, հաստատ չես կարողանա փայլել: Եվ հակառակը՝ եթե քեզ հիասքանչ ես զգում բիկինիի մեջ, այն միշտ էլ կարող ես հրաշալի ցուցադրել»:
Երկրպագուների եւ բամբասանքների մասին
«Ես միշտ հետեւում եմ իմ երկրպագուներին, քանի որ նրանք հաճախ շատ զվարճալի հրապարակումներ են անում Twitter-ում: Այո, նրանք չգիտեն այդ մասին, բայց ես հաճախ եմ այցելում նրանց էջերը, ու երբ ինչ-որ իրադարձութուն է լինում, ես այդ մասին ոչ թե մեդիայում եմ ընթերցում, այլ ֆան-էջերում, քանի որ նրանք հավաքում են ցանկացած տեղեկություն եւ դրա շուրջ զավեշտալի կատակներ են անում: Ահա, թե ինչպես եմ ես իմանում իմ վերաբերյալ ցանկացած բամբասանքի մասին»:
Մոդելների խնդիրների մասին
«Ես աշխարհում միակ մոդելը չեմ, որն ունենում է խնդիրներ: Մարդիկ հաճախ մոռանում են, որ մենք էլ ենք շնչող էակներ, մենք չենք կարող հետաձգել հիվանդությունները, բայց պարտավոր ենք դուրս գալ ու լայն ժպտալ բոլորին, քանի որ ցանկացած օր դու ինչ-որ մեկի վրա տպավորություն ես թողնում, եւ չպետք է թույլ տաս, որ այդ տպավորությունը վատը լինի»:
Լուսանկարները՝ Facebook-ից եւ Instagram-ից
Հետևեք NEWS.am STYLE-ին Facebook-ում, Twitter-ում և Instagram-ում
23:37, 17 ապրիլի
Պոռնոդերասանները պատմել են իրենց «ծանր աշխատանքի» մասին22:34, 17 ապրիլի
Աշխարհում սերմնահեղուկի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում21:13, 17 ապրիլի
Ամերիկացի հայտնի ռեստորատորը Ջեֆ Բեզոսի նշանածին «բացարձակ տհաճ» է համարում20:23, 17 ապրիլի
Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար19:37, 17 ապրիլի
Maserati GranCabrio-ն աշխարհում ամենաարագ էլեկտրոմոբիլն է16:11, 17 ապրիլի
Ավստրալիայում ամենաթանկ ամուսնալուծությունն ավարտվել է կնոջ հաղթանակով. նա դավաճան ամուսնուց կստանա 180 միլիոն դոլար եւ անշարժ գույք15:28, 17 ապրիլի
Ուինսթոն Չերչիլի դիմանկարը, որը դուր չէր գալիս բրիտանացի առաջնորդին, աճուրդի կհանվի14:13, 17 ապրիլի
Ջոնի Դեփը ցանկանում է ձեռք բերել 4 միլիոն դոլար արժողությամբ միջնադարյան ամրոցը13:19, 17 ապրիլի
Բլեյք Լայվլին իր վերջին ֆիլմի նկարահանման հրապարակում՝ 1920-ականների գանգստերի դերում12:55, 17 ապրիլի
Ջենիֆեր Լոպեսն ապացուցում է, որ 20 տարվա ընթացքում չի ծերացել12:03, 17 ապրիլի
Ռուսական կուլտային «ԴԴՏ» ռոք խումբը համերգով հանդես կգա Երեւանում11:28, 17 ապրիլի
Քիմ եւ Քլոե Քարդաշյանները նշել են իրենց հանգուցյալ հոր՝ Ռոբերտ Քարդաշյանի պատվին բացված բժշկական կենտրոնի հինգերորդ տարեդարձը