«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Նոր արկածներով եւ փորձություններով հումորային սիթքոմ. «Հյուրերն անցյալից»

«Սա մի սիրո պատմություն է». Արամեի «Շատ սիրունա» տեսահոլովակի backstage-ը

Ու՞մ բաժին կհասնի տունը. Սամսոնի՞ն, թե՞ Շավոյին. «Բլբուլյանները 2»-ի նկարահանումները կադրից դուրս

#ՇոկTOK․ Աշայվին՝ Սիրուշոյի հետ հանդիպելու ցանկության, տիկին Գրետայի հետ կոնֆլիկտի մասին եւ ոչ միայն

Ինչպես են ընթանում «Պոլլի» գեղարվեստական ֆիլմի նկարահանումները

H2Օ Emotional Exposition. Kivera Naynomis բրենդի ցուցադրությունը

«Ամեն տարի գարնանը». նոր հեռուստասերիալի դերասանական կազմն ու նկարահանումները

Ի՞նչ սպասել 2022 թվականից. աստղաբան Գուրգեն Հովհաննիսյանը՝ Կապույտ ջրային վագրի տարվա մասին

Ի՞նչ դիմահարդարմամբ դիմավորել 2022-ը՝ Կապույտ ջրային վագրի տարին. խորհուրդներ Ագա Քանքանյանից

Ամենաճաշակով շպարվող 10 հայ հայտնիները՝ ըստ Instagram-ում հայտնի դիմահարդար Դիանա Տոնոյանի

13:05, 27 ապրիլի

Հայտնիների արտաքինի վերաբերյալ ցանկացած բան հայտնվում է հանրության ուշադրության կենտրոնում, այդ է պատճառը, որ նրանք ձգտում են միշտ ներկայանալ իրենց լավագույն տեսքով: Քննարկման թեմաներից մեկն էլ հայտնի կանանց դիմահարդարումն է: Շատերը, սակայն, թրենդների հետեւից ընկնելով՝ հաճախ մոռանում են, որ պետք է շպարվեն այնպես, որ դիմահարդարումն ընդգծի դիմագծերի առավելությունները, ոչ թե հակառակը:

Դիմահարդար Դիանա Տոնոյանը չնայած երիտասարդ տարիքին՝ արդեն հասցրել է համագործակցել հայկական շոու-բիզնեսից շատերի հետ՝ Իննա Խոջամիրյան, Իրինա Այվազյան, Անգելինա Գասպարյան, Ադրիանա Գալստյան եւ այլք: Նա նաեւ Instagram-ում ամենապահանջված հայ դիմահարդարներից է, որը կարճ ժամանակում ձեռք է բերել ավելի քան 28 հազար հետեւորդ: Դիանան իր stories բաժնում հաճախ է պատասխանում դիմահարդարման վերաբերյալ հարցերին՝ իր հետեւորդների հետ կիսվելով տարատեսակ խորհուրդներով:

NEWS.am STYLE-ը երիտասարդ դիմահարդարին խնդրել է խոսել հայկական շոու-բիզնեսի հայտնիների դիմահարդարմամ ոճի մասին՝ նշելով այն հայտնի հայուհիներին, որոնց դիմահարդարման ոճը հավանում է: Դիանան նշել է նրանցից 10-ին եւ մեկնաբանել իր ընտրությունը:

Այսպիսով՝ ներկայացնում ենք Դիանայի կազմած տասնյակը.

«Առաջին հորիզոնականը կտամ Սիրուշոյին: Այս երգչուհին միշտ հետեւում է թրենդային դիմահարդարումներին, իսկ քանի որ նրա դիմագծերը համաչափ են, նրան ցանկացած դիմահարդարում սազում է»:

«Երկրորդ տեղում ինձ համար Իվետա Մուկուչյանն է: Ի դեպ, նրա աչքերի կառուցվածքն այնպիսին է, որ ոչ բոլոր դիմահարդարումները կարող են սազել: Օրինակ՝ ես նրա աչքերին սլաքներով դիմահարդարում չէի անի, ավելի շատ ստվերաներկերով կընդգծեի: Սլաքների փոխարեն կարելի է մուգ եւ բաց ստվերաներկերի խաղիկներ տալ»:

«Երրորդ հորիզոնականում ինձ մոտ Աննա Սիմոնյանն է, որին կարծում եմ՝ ցանկացած դիմահարդարում սազում է, բայց ես նրա դեպքում կնախընտրեի կիրառել նուրբ դիմահարդարում, քանի որ նրա դիմագծերն էլ բավականին նուրբ են»:

«Հաջորդիվ կնշեմ Աննա Դովլաթյանին, որի դեմքին եւս համահունչ են դիմահարդարման շատ տեսակներ: Նրա աչքերը մոտ են, ինչի պատճառով նախընտրելի չէ դիմացի հատվածում անել գծային ընդգծում, քանի որ այդպես աչքերն ավելի մոտ կլինեն: Նման աչքերի դիմացի հատվածին առավել սազական են բաց ստվերաներկերը՝ սպիտակ, մարմնագույն, բաց ծիրանագույն, իսկ պոչիկի հատվածը կարելի է մուգ երանգներով հարդարել»:

«Հինգերորդ հորիզոնականում ինձ մոտ Արփի Գաբրիելյանն է, որի դիմագծերը, կարծում եմ, իդեալական են դիմահարդարման համար: Նրան հատկապես հավանում եմ նյուդ ոճի դիմահարդարումով, որը հենց նրա այցեքարտն է դարձել»:

«Իմ տասնյակի վեցերորդ հորիզոնականում դերասանուհի Իրինա Այվազյանն է. սա այն հազվադեպ դեպքերից է, որ պետք է ասեմ, որ Իրինային վառ դիմահարդարումն այնքան էլ չի սազում: Նա բնականից այնքան գեղեցիկ է. նրան միայն պետք է կոնտուրինգ անել եւ թեթեւ շպարել: Ի դեպ, մի հետաքրքիր պատմություն պատմեմ Իրինայի հետ կապված: Դե, ինչպես ցանկացած դիմահարդար, ես էլ նրա դիմագծերը տեսնելիս անպայման ցանկացա նրան դիմահարդարել, թեեւ Իրինան ինձ հենց սկբզբից զգուշացրել էր, որ իրեն վառ դիմահարդարում չի սազում: Բայց ես փորձեցի… ու համոզվեցի, որ նա ճիշտ էր (ծիծաղում է): Հիմա արդեն գիտեմ՝ ինչպես պետք է նրան շպարել, որ ոչ շատ լինի, ոչ քիչ ու նրան սազի»:

«Իննա Խոջամիրյանի մասին էլ շատ բան չկա ասելու. նրա դիմագծերն այնքան համաչափ են ու գեղեցիկ, որ նրան ցանկացած դիմահարդարում սազում է»:

«Չեմ կարող տասնյակում չընդգրկել նաեւ Մարինկա Խաչատրյանին, որի աչքերի երանգն այնքան գեղեցիկ է, եւ այն ավելի շեշտված է դառնում ընդգծված դիմահարդարմամբ»:

«Ձյունիկն ինձ մոտ իներորդ հորիզոնականում է: Նրա դիմահարդարման ոճը հավանում եմ, ու հատկապես ինձ դուր է գալիս, երբ նուրբ ոճով է դիմահարդարվում՝ մեղմ երանգների ստվերանեկ եւ կարմիր շուրթեր…Նրան սազում են նաեւ բարակ սլաքները, առատ թարթիչներն ու նյուդ շրթներկը»:

«Քրիստինա Եղոյանը նուրբ դիմագծեր ունի: Նրան եւս առավել սազում է, երբ աչքերի դիմացի հատվածը բաց ստվերաներկերով է ընդգծում, իսկ պոչիկի հատվածում սլաքներ անում»:

«Այսպիսին էր իմ ընտրությունը: Ուզում եմ շեշտել, որ այս հայուհիներին ընտրել եմ, որովհետեւ նրանք շատ լավ ճանաչում են իրենց դիմագծերը եւ լավ գիտեն՝ ինչպես դրանց առավելություններն ընդգծել այնպես,որ եւ իրենց սազի, եւ միեւնույն ժամանակ լինեն թրենդային ու նորաձեւ»:

Սյունե Առաքելյան

Լուսանկարները՝ հայտնիների ինստագրամյան էջերից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ