«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

«Չէի կարծում, թե ոճս, հագուստս երբեւէ կհամարվեն սկանդալային, բայց ինչպես հասկանում եմ՝ դա իրոք այդպես է». Անյա Սահակյան

17:05, 28 ապրիլի

Դերասանուհի Անյա Սահակյանին այս շրջանում երկրպագուները բավականին հաճախ են տեսնում հեռուստաէկրաներին: Մի նախագծում նա վայրի է, հանդուգն եւ ըմբոստ, մյուսում ներկայանում է թեթեւ, հումորային ժանրում: Խոսքը «Ավազե դղյակը» հեռուստասերիալի եւ New School Comedy նախագծերի մասին է, որոնք հեռարձակվում են «Արմենիա» հեռուստաընկերության եթերում:

Դերասանուհին, ի դեպ, միշտ խոստովանել է, որ բավականին բծախնդիր է վերաբերվում նախագծերի ընտրությանը.

«Երբ կարդացի կերպարային գիծս, սցենարն ինձ շատ դուր եկավ: Նաեւ նշեմ, որ երբեւէ բացասական կերպար չէի կերտել, ցանկացա դա էլ փորձել եւ կարծում եմ՝ հաջողվեց: Ահա, թե ինչու ընդունեցի նկարահանման առաջարկը»,-NEWS.am STYLE-ի հետ զրույցում անկեղծացավ դերասանուհին:

Անյան ֆիլմում մարմնավորում է Ալլային՝ մի հերոսուհու, որն առավել աչքի է ընկնում բացասական գծերով, սակայն նրան կերտելով` դերասանուհին հասցրել է նկատել նաեւ դրական կողմեր.

«Դրական է այն, որ նա ուժեղ է եւ ինքնավստահ, կյանքով լեցուն: Բացասական կողմն այն է, որ նա որեւիցե սահման չունի, անում է այն, ինչ ցանկանում է՝ հաշվի չառնելով ոչ իր հարազատներին, ոչ էլ ընկերներին: Հենց դա էլ նրան բերեց ողբերգական կարգավիճակի»:

Իր հերոսուհու հետ Անյան շատ ընդհանրություններ չի տեսնում, ասում է` նման են միայն «կյանքով լեցուն» լինելով:

Խոսելով իր մարմնավորած համարձակ կերպարների եւ հաճախ բավականին ռիսկային տեսարանների մասին` Անյան նշում է.

«Ես դա նորմալ եմ համարում: Երբ ընտրում ես արվեստը, հատկապես դերասանությունը, պետք է հասկանաս, որ կերպար մարմնավորելու համար անհրաժեշտ է անել ամեն բան, որպեսզի այն հաջողված լինի: Դա համարձակ քայլ է Հայաստանում, բայց ոչ դերասանական արվեստի մեջ»:

Դերասանուհին ասում է` իրեն հետաքրքիր են բոլոր տեսակի կերպարները, քանի որ իրեն սիրում է փորձել տարբեր կողմերից: Իսկ հարցին, թե ինչու են իրեն հիմնականում բաժին հասնում սկանդալային եւ ըմբոստ հերոսուհիներ, պատասխանում է.

«Միգուցե արտաքինից է գալիս եւ իմ ոճից: Չէի կարծում, որ ոճս, հագուստս երբեւէ կհամարվեն սկանդալային, բայց ինչպես հասկանում եմ՝ դա իրոք այդպես է»:

Դերասանուհին անդրադարձավ նաեւ իր մասնակցությամբ հումորային նախագծին` New School Comedy-ին: Նախագծի անդամերը առաջին իսկ եթերային օրը շեշտեցին, որ իրենց հումորը տարբերվելու է մինչ այսօր հնչածներից.

«Աշխատում եմ լավ թիմի հետ, թիմակիցներս կիրթ մարդիկ են, շրջապատված եմ տաղանդավոր գործընկերներով:

Հաշվի առնելով, որ դերասանական աշխարհում իմ ճանապարհը սկսվել է КВН-ից, իհարկե, ինձ հումորային ասպարեզն ավելի մոտ է, բայց քանի որ արդեն շատ կերպարներ եմ կերտել, որոնք դրամատիկ են եւ ավելի լուրջ, դրանք եւս նույնչափ հոգեհարազատ են դարձել»,-շեշտեց դերասանուհին:

Սյունե Առաքելյան

Լուսանկարները՝ Անյա Սահակյանի ֆեյսբուքյան էջից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել