ՇոկTok. «Տղաների կողմից բացասական էր ընդունվում, որ ասում էի «привет пупсики»». Էվելինա Խանոյան

ՇոկTok. «Հայկական տիկտոկում վատ կոնտենտն ավելի շատ է, քան` լավը». Անդրանիկ

ՇոկTok. «Բոլորը մտածում էին, թե հղի եմ». Օվսաննա Խաչատրյան

«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Նոր արկածներով եւ փորձություններով հումորային սիթքոմ. «Հյուրերն անցյալից»

«Սա մի սիրո պատմություն է». Արամեի «Շատ սիրունա» տեսահոլովակի backstage-ը

Ու՞մ բաժին կհասնի տունը. Սամսոնի՞ն, թե՞ Շավոյին. «Բլբուլյանները 2»-ի նկարահանումները կադրից դուրս

#ՇոկTOK․ Աշայվին՝ Սիրուշոյի հետ հանդիպելու ցանկության, տիկին Գրետայի հետ կոնֆլիկտի մասին եւ ոչ միայն

Ինչպես են ընթանում «Պոլլի» գեղարվեստական ֆիլմի նկարահանումները

H2Օ Emotional Exposition. Kivera Naynomis բրենդի ցուցադրությունը

«17 000 մասնակցից եզրափակիչ հասնելն արդեն մեծ հաղթանակ էր». Գերմանիայի «Մանկական Ձայն»-ի ֆինալիստ Դավիթ Նիկալայան

17:35, 30 ապրիլի

Մանկական «Ձայնը» նախագծի տարբեր երկրների թողարկումներում հայ մանուկներն ուրույն հետք են թողնում իրենց տաղանդով, հիշվող եւ տպավորիչ կատարումներով: Այսպես օրինակ՝ ռուսական «Մանկական Ձայնը» նախագիծն արդեն մի քանի օր է՝ ավարտվել է, սակայն մեր հայրենակիցների՝ Միշայի եւ Ռոբերտի մասին համացանցը մինչ օրս խոսում է: Չեն դադարում հիացական մեկնաբանմությունները նաեւ մեկ այլ հայ պատանու՝ Դավիթ Նիկալայանի մասին, որը մասնակցել է նույն նախագծի գերմանական տարբերակին:

«Կույր լսումներ» փուլում 11-ամյա Դավիթը կատարել է This is a Man’s World հայտնի երգը՝ ստիպելով ժյուրիի բոլոր անդամներին՝ Լենա Մեյերին, The BossHoss խմբին, Ստեֆանի Քլոսին եւ Մարկ Ֆոսթերին շրջվել իր ելույթի ընթացքում: Հայտնի գերմանացի արտիստները Դավիթի ելույթից հետո բառի բուն իմաստով պայքարում էին հայ պատանուն իրենց թիմերում ունենալու համար, սակայն մեր հայրենակիցն ընտրեց Մարկ Ֆոսթերին, որի հետ էլ շարունակեց մինչեւ «Սուիպեր եզրափակիչ» իր ճանապարհը: Ճիշտ է՝ Դավիթին չհաջողվեց հաղթել մրցույթում, բայց բազմահազար մասնակիցների մեջ եզրափակիչում հայտնվելը տղան արդեն մեծ ձեռքբերում է համարում: NEWS.am STYLE-ը Դավիթի հետ զրուցել է մրցույթին մասնակցության, տպավորությունների եւ, իհարկե, հետագա անելիքների մասին:

Գերմանական «Ձայնը» նախագիծն առաջին մրցույթն էր, որտեղ հայ պատանին փորձել է իր ուժերը: Ասում է՝ երգել սկսել է դեռեւս մանկապարտեզից, երբ 3-4 տարեկան էր, սակայն երաժշտկան որեւէ կրթություն չունի:

«Ո'չ մայրս, ո'չ հայրս չեն երգում։ Ես մանկուց միշտ հետեւել եմ նման երաժշտական նախագծերի և դեռեւս այն ժամանակվանից երազել եմ հանդես գալ նմանատիպ մի մրցույթում։ Իսկ կոնկրետ Գերմանիայի «Ձայնը» նախագծին մասնակցելու մտահաղացումը ծնողներինս էր։ Դիմորդները 17 000 էին, գրեթե, բոլորը պատրաստված երեխաներ էին։ Մրցակցությունը բավականին թեժ էր։ Մինչեւ «Կույր լսումները» հաղթահարել եմ 4 փուլ: Դրանից հետո արդեն սկսվեց իրական պայքարը։ Ի ուրախություն մեզ՝ այդքան մասնակիցներից հայտնվեցի լավագույն քառյակում։ Հասա «Սուպեր եզրափակիչ»»,-ոգեւորությամբ պատմում է Դավիթը: Անդրադառնալով իր մարզչի ընտրությանն՝ ասում է.

«Մարկ Ֆոսթերը Գերմանիայում իմ ամենասիրելի երգիչն է։ Շատ սիրում եմ նրա ոճը։ Եվ, առհասարակ, ինձ համար երազանք էր նրա հետ մոտիկից ծանոթանալն ու աշխատելը։ Մինչ «Ձայնը» նախագիծը մեծ բեմերում երգելու որեւէ փորձ չունեի։ Մարկ Ֆոսթերն ու այս նախագիծն ինձ տվեցին այդ փորձը, սովորեցի հաղթահարել հուզմունքը եւ նման շատ բաներ։ Մարկի հետ շփման ընթացքում, նրա համերգներին ներկա գտնվելով՝ հասկացա՝ ինչպիսին են լինում իրական աստղերը՝ հանրաճանաչ եւ այդքան համեստ։ Հասկացա, որ իրական մեծությունն այդքան հասարակ լինելու մեջ է»։

«Մանկական Ձայնը» նախագիծը Դավիթին ոչ միայն տվեց ճանաչում, այլեւ համագործակցության նոր առաջարկներ:

«Այս պահին շատ հրավերներ ունեմ գերմանական մի շարք նախագծերից, այդ թվում՝ UNICEF-ի կողմից կազմակերպված գալահամերգին։ Մայիսի 1-ին չորս ֆինալիստներով համերգ ենք ունենալու Քյոլն քաղաքում»:

Ի դեպ, Դավիթը հետեւել է նաեւ Միշայի եւ Ռոբերտի ելույթնորին՝ ռուսական «Ձայնը» նախագծում. «Ինչպես յուրաքանչյուր հայ՝ ուրախանում եւ հպարտանում եմ իմ հայրենակիցների հաջողություններով»,-ասում է նա:

Բացի երգելուց՝ Դավիթը հետաքրքրվում է նաեւ լեզուներով: Հաճախում է Նոյշտատ քաղաքի լեզուների թեքումով գիմնազիա: Գերմանարենից զատ՝ ուսումնասիրում է նաեւ լատիներեն եւ անգլերեն լեզուները: Ասում է՝ ազատ ժամանակ շատ քիչ է ունենում, իսկ ունենալու դեպքում՝ սիրում է նկարել եւ զբաղվել լողով: Սիրելի զբաղմունքների մեջ մտնում է նաեւ տարբեր երաժշտական նախագծերին հետեւելը:

Դե, քանի, որ խոսք գնաց նաեւ այլ նախագծերի մասին՝ երգչից հետաքրքրվեցինք՝ արդյոք ինքն էլ շատ պատանի կատարողների պես երազո՞ւմ է երբեւէ մասնակցել «Մանկական Եվրատեսիլ» մրցույթին, եւ այդ դեպքում ո՞ր երկրի կողմից է պատկերացնում իր մասնակցությունը՝ Հայաստանի՞, թե՞ Գերմանիայի:

«Իհարկե, դա իմ մեծագույն երազանքն է։ Միանշանակ կցանկանայի իմ հայրենիքը ներկայացնել, բայց եթե Գերմանիայից հրավեր ստանամ, սիրով կընդունեմ»,-ասում է Դավիթը՝ հավելելով, որ այս տարվա ծրագրերի մեջ մտնում է նաեւ Հայաստան այցը:

Սյունե Առաքելյան

Լուսանկարները՝ Դավիթի անձնական արխիվից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության