• Նվազագույն շպար, քնքուշ կերպար․ Դիանա Գրիգորյանի նոր լուսանկարը

  Սցենարիստ, հաղորդավարուհի Դիանա Գրիգորյանը նոր լուսանկար է հրապարակել...

• «Իմ անփոխարինելի, սիրում եմ քեզ անասելի»․ Վահե Զիրոյանի եւ մայրիկի ջերմ գրկախառնությունը

  Դերասան Վահե Զիրոյանը նոր, ընտանեկան լուսանկար է հրապարակել․․․

• «Շփվեք ձեր ներքին արժեքներին համապատասխան մարդկանց հետ, որ չդատարկվեք»․ Մանո Գրիգորյան

  Մանո Գրիգորյանը նոր լուսանկար է հրապարակել․․․

• «Յուրահատուկ, չկրկնվող»․ Անի Երանյանը նոր ֆոտոշարքից լուսանկար է հրապարակել

  Յուրահատուկ ամեն կերպարում, գերազանց է...

• «Հաջորդ փուլն ավելի բարդ է լինելու». 13-ամյա Աննա Գրիգորյանը գերել է հոլանդական We Want More մրցույթի ժյուրիին (վիդեո)

  NEWS.am STYLE-ի հետ զրույցում Աննան կիսվել է իր հերթական հաղթանակով...

• Շաբաթվա հոբելյարները, «բացահայտված» զույգն ու սիրո խոստովանությունները. ի՞նչ է պատմել հայտնիների Instagram-ը (ֆոտո)

  Հայ հայտնիների Instagram-ում այս շաբաթ գերակշռում էին ուրախ առիթներն ու շնորհավորանքները...

• Երկարափեշ զգեստ, վառ շպար․ Սիրուն Մինասի նոր լուսանկարն ու հումորային գրառումը

  Սիրուն Մինասը նոր լուսանկար է հրապարակել...

• «Ես զտարյուն հայուհի եմ, մեր ընտանիքում եւ խաշ են պատրաստում, եւ հայերեն երգեր են երգում». Մարգարիտա Սիմոնյանը պատմել է, թե ինչու հայերեն չի խոսում

  Փոխարենը նրա երեխաները մանկությունից տիրապետում են նախնիների լեզվին․․․

Մայիսին 5-ին Արամ Խաչատրյան համերգասրահում կկայանա «Երկու տարբերակ. դասականը հանդիպում է ջազին» համերգը, որի նպատակն է ներկայացնել դասական ստեղծագործությունը, այնուհետեւ` նույն գործը` ջազային տարբերակով: Երեկոյի ընթացքում հանդես կգան Հայաստանի պետական կամերային եւ Հայկական պետական ջազ նվագախմբերը: Համերգին կհնչեն Չայկովսկու «Շելկունչիկ» եւ Գրիգի «Պեր Գյունտ» ստեղծագործությունները:

«Շատ հետաքրքիր նախագիծ է. այսպիսի ձեւաչափ արտերկրում բազմիցս ներկայացվել է, բայց Հայաստանում` ոչ: Մենք նվագելու ենք դասական երաժշտություն, որից անմիջապես հետո հնչելու է նույն գործի ջազային տարբերակը: Գաղափարն այն է, որ բացատրենք, թե ինչպես միեւնույն ստեղծագործությունը կարող է հնչել տարբեր ոճերում»,-այսօր` մայիսի 3-ին կայացած ասուլիսի ժամանակ նշեց Հայաստանի պետական կամերային նվագախմբի գեղարվեստական ղեկավար եւ գլխավոր դիրիժոր Վահան Մարտիրոսյանը, որի մտահաղացմամբ էլ նախագիծը կյանքի է կոչվել:

«Այս ոճը նման է շատ համեղ ուտելիքի, որքան համտեսում ես, նույնքան կախվածություն ես ունենում»,-անդրադառնալով համերգի ձեւաչափին` նշեց Հայկական պետական ջազ նվագախմբի գեղարվեստական ղեկավար եւ դիրիժոր Արմեն Հյուսնունցը, այնուհետեւ հավելեց.

«Անշուշտ արդեն կան նոր գաղափարներ: Դասական ոճից մշակված նմուշներ էլի ունենք: Ցանկացած դասական գործ կարող է այս ձեւաչափի մեջ տեղավորվել: Համերգի ինտրիգը նրանում է, որ այն պետք է ներգրավի թե դասական, թե ջազ երաժշտության սիրահարներին: Իհարկե, կարող է այնպես լինել, որ ջազային ինտերպրիտացիան մոտ չլինի դասականի երկրպագուներին, բայց մրցակցության շեշտադրություն չկա: Որքան ծանոթանում ես նյութին, այնքան ավելի ես հրապուրվում դրանով»:

Վահան Մարտիրոսյանն էլ շեշտեց.

«Սա մի ճանապարհ է, որով քայլում ենք, իսկ, թե ուր մեզ կտանի, ապագան ցույց կտա»:

Խոսելով նվագախմբերի ներկայիս խնդիրների մասին` երկու ղեկավարներն էլ նշեցին` գործեր ու գաղափարներ շատ կան, բայց նվագախմբերն այսօր նյութական, ֆինանսական աջակցության կարիք ունեն:

«Երաժիշտը պետք է հանգիստ զբաղվի երաժշտությամբ` չմտածելով հացի խնդրի մասին: Չնայած` ցանկացած ոլորտի զարգացման նախապայմանն էլ դա է»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում