Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Fast fashion-ի, խելացի գնումների ու Սրբուկի եվրատեսիլյան կերպարի քննարկումների մասին. նորաձեւության խորհուրդներ Արամ Նիկոլյանից

11:13, 17 մայիսի

Երեւանյան հով երեկո, մաքուր օդ, համեղ հյուրասիրություն եւ նորաձեւության խորհուրդներ: Դիզայներ Արամ Նիկոլյանը երեկ՝ մայիսի 16-ին, Alaska by Hans&Franz ռեստորանում՝  ջերմ միջավայրում եւ անմիջական զրույցի ընթացքում նորաձեւության սիրահարներին ու լրագրողներին պատմեց Fast fashion հասկացության մասին եւ խորհուրդ տվեց, թե ինչպես կարելի է խելացի ձեւով կատարել գնումներ:

Ըստ դիզայների՝ մարդիկ հաճախ Fast fashion-ը շփոթում են բարձր նորաձեւության հետ. «Սակայն առաջին հասկացությունը ստեղծվել է  ի հակադրություն նորաձեւությանը»,-ասում է նա՝ շարունակելով.

«Fast fashion-ի դեպքում ամեն մի հավաքածուի թողարկումը 10-15 օր է տեւում:  Այս ոլորտի մասնագետները պետք է շատ արագ կողմնորոշվեն: Սրա առավելությունն այն է, որ կարող եք հագուստը ձեռք բերել արագ, բայց այն շատ արագ էլ դուրս է գալիս նորաձեւությունից: Այսինքն՝ հասանելի է, բայց որակի վրա կարող եք ուշադրություն չդարձնել»:

Այս ամենի հետ մեկտեղ պետք է հաշվի առնել նաեւ այն փաստը, որ Fast fashion-ի դիզայներները կրկնօրինակում են բարձր նորաձեւության դիզայներներին: Նիկոլյանը նկատեց՝ ի տարբերություն բարձր նորաձեւության մասնագետների, որոնք ներկայանում են ցուցադրություններով, գովազդային արշավով, Fast fashion ոլորտում այդ գումարները հաճախ ծախսվում են կրկնօրինակման դեմ ուղղված դատական գործերի վրա:

«Fast fashion-ի դիզյաներները կրկնօրինակելով  բարձր նորաձեւության դիզայներներին՝ հաճախ խանգարում են նրանց»,-ասում է Նիկոլյանը՝ հավելելով, որ այդ ամենին զուգահեռ այս ոլորտի առավելությունն այն է, որ հագուստը ներկայացվում է ցածր գնով, սակայն որակի վրա հույս դնել պետք չէ:

Թե ինչ է Fast fashion-ն արդեն պարզեցինք: Իսկ ինչպե՞ս հագուստների բազմազանության մեջ կատարել ճիշտ ու խելացի գնումներ: Պարզվում է՝ կողմներոշվելն այդքան էլ դժվար չէ:

«Շատ հաճախ ասում են`չգիտեմ ինչ հագնել, համադրել… Դա գալիս է այն սխալից, որ ոմանց համար գնումները հոբբի է, իսկ ոմանք գնում են այն, ինչ պետք է: Smart shopping-ի իմաստն այն է, որ գնես այն, ինչ երկար կօգտագործես եւ կկարողանաս համադրել այլ իրերի հետ: Միգուցե, տարօրինակ հնչի, բայց ես լինելով դիզայներ՝ երբեք շատ գումար չեմ ծախսում հագուսի վրա, փոխարենն ավելի բարձր գումար եմ տրամադրում աքսեսուարներին՝ ակնոց, ժամացույց եւ այլն: Առհասարակ, աշխարհը գնում է այդ ուղղությամբ: Շատ հաճախ մարդիկ իրենց պարզ լուքն աբողջացնում են գեղեցիկ աքսեսուարներով»:

Դիզայները խորհուրդ է տալիս՝ գնումների գնալուց առաջ նախ բացեք զգեստապահարանն ու հասկացեք՝ ինչն է այնտեղ պակասում. այդպես կկողմնորոշվեք, թե ինչով պետք է լրացնել պահարանն ու ինչ գնել, որպեսզի այն նաեւ հեշտությամբ եւ գեղեցիկ կերպով համադրվի պահարանի մյուս պարագաների հետ:

«Գնումներ կատարելիս հաշվի առեք ձեր աշխատանքի ոլորտը, ապրելակերպը, որտեղ կարելի է այդ հագուստը կիրառել: Պահարանի 60-70%-ը պետք է բազային կտորներ լինեն` առանց պրինտների, ավելի պարզ: Իսկ 30%-ը կարող են լինել այն իրերը, որոնք ձեզ առանձնացնում են, ընդգծում առանձնահատկությունը: Նորաձեւ է այն մարդը, որը կարողանում է տարբերվել: Ի դեպ, կարծրատիպ կա, թե հայ դիզայներների մոտ հագնվելը թանկ է, սակայն լինում են զեղչեր, որոնք ձեզ թույլ կտան ձեռք բերել տվյալ հագուստը, պետք չէ վախենալ որեւէ խանութ մտնելուց»,-վստահեցնում է նա՝ խորհուրդ տալով նաեւ ուշադրություն դարձնել հաճոյախոսություններին, որովհետեւ հաճախ հենց դրանք էլ հուշում են՝ ինչն է մեզ առավել սազում:

Նիկոլյանն անդրադարձավ նաեւ հաճախ դիզայներներին վերագրվող կրկնօրինակումներին: Նշեց, որ վերջերս նման բան լսել է նաեւ Սրբուկի եվրատեսիլյան կերպարի մասին, որի հեղինակներն ինքն ու Անի Մեսրոպյանն էին.

«Աբսուրդային է այդպես մտածելը, որովհետեւ նորաձեւության մեջ ասել նոր բան՝ պրակտիկորեն անհնար է: Ես գտել եմ ուղղություն, որը հոգեհարազատ է ինձ, դա իմ արյան մեջ եղած մշակույթն է, ունեմ ոգեշնչման աղբյուրներ, ու փորձում եմ դա դարձնել կրելի եւ նորաձեւ հագուստ: Իսկ Սրբուկը կրում է ուղղակի տղամարդու պիջակ, որից ունեն շատերիս հայրիկներն ու եղբայրները, եւ ասել, թե դա կրկնօրինակում է, աբսուրդային է: Դա դասական տարբերակ է, որից օգտվում են աշխարհի տարբեր բրենդները»:

Սյունե Առաքելյան

 


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության