• Wine Story Թեւան Պողոսյանի հետ․ յուրաքանչյուր գինեգործ ռոմանտիկ է (ֆոտո)

  Ինչպես հոբբին վերածվեց բիզնեսի․․․

• BRUNETTE. ճանաչելի ոճի նրբությունները

  Բեմական կերպարներում կարելի է նկատել Էլենի անհատականության մի մասը․․․

• Ռոզա Լինը աճուրդի կհանի իր՝ «Դադարեցրեք շրջափակումը» գրությամբ բաճկոնը․ հասույթը կհատկացվի Արաբկիրի մանկական կենտրոնին

  Երգչուհին այն կրել էր ALT 98.7 FM-ի համերգին՝ ի աջակցություն ադրբեջանական շրջափակման մեջ հայտնված արցախցիների...

• Փակ դռներ, մերժումներ, թատրոն, պատերազմ, հիվանդություն, մեծ կորուստ․ Արթուր Գրիգորյանի կյանքի ամենահուզիչ դրվագներն ու նրա անտեսանելի կերպարը՝ «Կորցրած մեղեդի» նոր մյուզիքլում

  Մյուզիքլի ընթացքում հանդիսատեսին սպասվում են մի շարք հուզիչ հատվածներ` Արթուր Գրիգորյանի կյանքից...

• «3 նամակ Բելլայից». նոր հեռուստասերիալ սիրային պատմության եւ անարդարության մասին (BACKSTAGE)

  Հեռուստասերիալը սիրային պատմության ու անարդարության մասին է․․․

• Աստղային մետամորֆոզներ․ Շպռոտ (ֆոտո)

  Գնացեք եւ նամուսով սեքս ունեցեք ձեր կանանց հետ․․․

• Աստղային գեղեցկության գաղտնիքներ․ Շերի «խորամանկությունները»

  Թեեւ երգչուհին հաշտվել է, որ միշտ երիտասարդ չի լինելու, բայց մարտահրավեր է նետել մայր բնությանը․․․

• ՀԱՐՑՈՒՄ. քաղաքացիները՝ «Եվրատեսիլ»–ում Brunette-ի մասնակցության մասին

  Հայաստանը կներկայացնի երգչուհի Էլեն Երեմյանը, ով առավել հայտնի է որպես Brunette․․․

Շվեդիայի մայրաքաղաք Ստոկհոլմում օրերս կայացել է «Տաղանդների շոու» 9-րդ ամենամյա փառատոնը, որտեղ իր տարիքայինների խմբում հաղթող է ճանաչվել Հայաստանը ներկայացնող 10-ամյա Հարութ Հարությունյանը: Տղային միջազգային մրցույթում ուղեկցել է երգիչ Սերգեյ Գրիգորյանը, որն էլ NEWS.am STYLE-ին հաղորդել է փառատոնի անցկացման եւ այնտեղ հայ երգչի մասնակցության վերաբերյալ մանրամասները.

«Այս փառատոնի ընթացքում հանդես են գալիս երեխաներ՝ տարբեր տարիքային խմբերում եւ անվանակարգերում՝ համաշխարհային հիթ, երգ մայրենի լեզվով, ժողովրդական երգ, ջազ, ֆոլկ եւ այլն: Հարութը եկավ ինձ մոտ մրցույթին մասնակցելու ցանկությամբ: Նրան լսելուց հետո հասկացա, որ կարող է, սակայն շտկելու եւ պարապելու շատ բաներ կային: Ամիսներ շարունակ պարապել ենք վոկալի, երգի ոճաբանության, ներկայացվելիք երգերի վրա եւ արդյունքում հասցրինք ներկայանալ մրցույթին»,-ոգեւորությամբ նշեց Սերգեյը՝ տեղեկացնելով, որ Հայաստանն առաջին անգամ չէ, որ մասնակցում է այս փառատոնին:

«Հայաստանը մի քանի անգամ մասնակցել է այդ մրցույթին: Բոլոր դեպքերում Հայաստանի մասնակիցները հիշվող են»:

Մրցույթի շրջանակում Հարութը ներկայացրել է երկու երգ՝ Սեմ Սմիթի «Stay With Me» (համաշխարհային հիթ) եւ Անուշիկ Ալավերդյան «Շնորհակալ եմ» (երգ մայրենի լեզվով) ստեղծագործությունները:

«Մրցույթն ընթացել է նախընտրական եւ եզրափակիչ փուլերով: Ձեւաչափը հետեւյալն է. եզրափակչում յուրաքանչյուր կատեգորիայի անվանակագում մասնակիցները պայքարում են առաջատար տեղի համար՝ ժյուրիի քվեարկության արդյունքների հիման վրա»:

Ինչ վերաբերում է Հարութին՝ նա մրցույթից վերադարձել է վառ տպավորություններով.

«Ինչքան էլ հիմա պատմեմ՝ հնարավոր չի լինի փոխանցել տպավորություններս: Դրանք կրկնակի, նույնիսկ եռակի շատ են, քանի որ մրցույթի ողջ մթնոլորտը համակված էր մեծ պատասխանատվությամբ, եւ ես չէի կարող չարդարացնել իմ «սենսեյի»՝ Սերգեյ Գրիգորյանի սպասելիքները: Շրջագայությունը եւս հաճելի էր, դրա ընթացքում ես ականատես եղա Թագավորական «կարաուլին» (պահակախմբին), եւ ես անչափ շնորհակալ եմ Սերգեյին՝ այս հնարավորության համար: Դրան գումարվեց նաեւ իմ հաղթանակը, որը բոլոր տպավորություններից ամենավառն էր, չէ՞ որ դա իմ առաջին հաղթանակն էր Եվրոպայում»,-NEWS.am STYLE-ի հետ զրույցում անկեղծացավ Հարութը:

10-ամյա պատանին, ի դեպ, միայն երգեցողությամբ չէ, որ հետաքրքրում է: Ասում է՝ սիրում է էմոջիներ, իսկ նպատակը պլաստիկ վիրաբույժ դառնալն է, ինչի շնորհիվ կկարողանա այդ էմոջիները կյանքի կոչել:

«Բացի այդ, սիրում եմ հնից ստեղծել նորը՝ ներդնելով իմ գաղափարը: Իհարկե, ինձ շատ են գրավում նաեւ IT տեխնոլոգիաներն ու դրանց ստեղծումը»:

Սյունե Առաքելյան

Լուսանկարները տրամադրել է Սերգեյ Գրիգորյանը

Հետևեք NEWS.am STYLE-ին Facebook-ում, Twitter-ում և Instagram-ում