Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Ռոզի Արմենի հուշերը` երեւանյան համերգներից, նոր համերգի մանրամասներն ու Ազնավուրին նվիրված կատարումը

17:24, 22 մայիսի

Ֆրանսահայ անվանի երգչուհի Ռոզի Արմենը, որը մայիսի 1-ին տոնեց ծննդյան 80-ամյակը, 27 տարի անց Երեւան է վերադարձել նոր մենահամերգով:

Համերգը երգչուհու համար հոբելյանական է: Հենց այստեղ` հայրենիքում, նա կտոնի բեմական գործունեության 60-ամյակը:

Ռոզի Արմենն ու ՀՀ արվեստի վաստակավոր գործիչ, ՀՀ ժողովրդական արտիստ, հայտնի դիրիժոր Երվանդ Երզնկյանն այսօր` մայիսի 22-ին կայացած մամուլի ասուլիսի ժամանակ ոչ միայն խոսեցին սպասվող համերգի անակնկալների մասին, այլեւ վերհիշեցին ժամանակին միասին գրանցած համերգային ռեկորդներն ու հիշատակեցին Շառլ Ազնավուրին, որն այսօր կտոներ ծննդյան 95-ամյակը...

«1991-թ-ին Կարեն Դեմիրճյանի անվան մարզահամերգային համալիրում Ռոզիի հետ միասին 6 համերգ ենք ունեցել, ինչը ռեկորդային ցուցանիշ էր: Երբ ինձ առաջարկեցին այստեղ կազմակերպել Ռոզի Արմենի համերգը, շատ ուրախացա, իսկ մի քանի օրվա փորձերը ցույց տվեցին, որ նա հազվագյուտ երգչուհի է, որը կարող է 2 բաժնից համերգ ունենալ:

Ծրագրում կլինեն հին երգեր` նոր գործիքավորմամբ: Կհնչի 20 երգ` կենդանի կատարմամբ, ինչը միշտ չի լինում Հայաստնում: Կմատուցենք Ռոզի Արմենի լավագույն կատարումները»,-խոստացավ Երզնկյանը:

Ռոզի Արմենն էլ իր հերթին նշեց` կլինեն նորություններ. «Ժողովուրդը սիրում է հին երգերը, բայց երկու նոր երգ կինի. մեկը` զուգերգ Սեւակ Ամրոյանի հետ, մյուսը` Միշել Լեգրանի գործերից»,-նաեւ հավելեց, որ վերջին անգամ Հայաստանում երգել է 91 թ-ին: Հիշեց, թե ինչ դժվար օրեր էին. մարդիկ ոտքով էին քայլում դեպի Մարզահամերգային համալիր, իսկ հետո նույն կերպ պետք է վերադառնային տուն...

«Այնպիսի պատասխանատվություն էի զգում` իմանալով, որ այդ դժվարություններին դիմանում էին, որպեսզի գային եւ ինձ լսեին»,- ասում է երգչուհին` հավելելով. «Այսօրվա երիտասարդներին էլ կցանկանայի ծանոթացնել այդ երգերին, որոնք այնքան գեղեցիկ են»:

Այսօր Ռոզի Արմենն իրեն երջանիկ կին է համարում: Ընտանիքը կողքին է, ինքն էլ առողջությունից չի բողոքում: Բայց կարիերայի ծաղկուն շրջանում երգչուհին մեծ ստրեսի ենթարկվեց ամուսնու մահվան պատճառով: Այնուհետեւ զգաց, որ իր ամբողջ սերն ու ժամանակը պետք է նվիրի երախաներին: Այդպես, մոտ տասը տարի չերգեց...

Երգչուհին վերհիշեց նաեւ երեւանյան իր առաջին մենահամերգը: 1965 թ-ին էր: Այն ժամանակ սկսնակ էր, Հայաստանին էլ ծանոթ չէր: Զարմացել ու անհանգստացել էր, երբ համերգասրահի շրջակայքում ոչ մի պաստառ չէր գտել. «Ո՞վ պիտի ինձ ճանաչի եւ գա համերգիս»,-մտահոգվել էր երգչուհին, սակայն որքան մեծ է եղել նրա զարմանքը, երբ բոլոր 12 համերգների դահլիճները լեփ-լեցուն էին:

Հիշում է` հենց առաջին համերգի օրը ծանոթացավ Առնո Բաբաջանյանի հետ: Նշում է` պատիվ է ունեցել անձամբ ճանաչելու նաեւ Պարույր Սեւակին, Մարտիրոս Սարյանին, Սիլվա Կապուտիկյանին եւ հայ մեծերից շատերին, ափսոսում է, որ չհասցրեց անձամբ ծանոթանալ Ազնավուրի հետ, բայց ասում է` նրան շատ է սիրում:

«Առհասարակ, ուրիշ երգիչների երգերը չեմ երգում, բայց Ազնավուրը բացառություն է: Ես ծնվել եմ մայիսի 1-ին, նա` այսօր` մայիսի 21-ին: Ու ինձ հատկապես հարազատ է «Փարիզը սիրում եմ մայիսին» երգը»,-նշեց Ռոզին` երգից փոքրիկ հատված կատարելով ու նվիրելով Ազնավուրի հիշատակին:

Մեծն շանսոնյեի ծննդյան օրվան անդրադարձավ նաեւ մաեստրո Երզնկյանը.

«Ազնավուրի հետ կապված է բոլորիս կյանքը: Երկրաշարժից հետո նրա մոտեցումը Հայաստանի հանդեպ փոխվեց: Այսօր բոլորս ցավում ենք, որ նա մեզ հետ չէ, բայց նա այն մարդկանցից է, որոնք չեն մահանում: Մի քիչ որբացած ենք մեզ զգում, բայց նրա երգերն ու հոգին մեզ հետ են»:

Սյունե Առաքելյան

 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել