Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Երեւանում ռուս հայտնի կինեմատոգրաֆիստների մասնակցությամբ սկսվել է «Ռուսական կինոյի շաբաթը»

12:11, 23 մայիսի

Երեւանում՝ Մոսկվա կինոթատրոնում, սկսվել է «Ռուսական կինոյի շաբաթը»... «Շաբաթվա» շրջանակներում, որն առաջին անգամ չէ անցկացվում, տեղի կունենա ռուսական նոր գեղարվեստական ֆելմերի ցուցադրություն, որոնք արտացոլում են Ռուսաստանի ինչպես ժամանակակից կյանքը, այնպես էլ երկրի պատմությունը։

Կինոշաբաթին նախորդող հանդիսավոր մասի ընթացքում ելույթ ունեցավ Հայաստանի Հանրապետությունում Ռուսաստանի դեսպան Սերգեյ Կոպիրկինը, որն ընդգծեց այս միջոցառման եւ կինոյի դերի կարեւորությունը երկրների եւ մշակույթների մերձեցման համար։ Ելույթ ունեցան նաեւ փառատոնի հյուրերը։ Մասնավորապես «Գազպրոմ-մեդիա հոլդինգի» կինոյի եւ հեռուստատեսության խմբի գլխավոր տնօրեն Ռաֆայել Մինասբեկյանը նշեց, որ «հայ եւ ռուս կինոհանդիսատեսը նույնական մշակութային կոդ ունի»... «Հայկական կինեմատոգրաֆիան միշտ ունեցել է իր դեմքը։ Եվ առհասարակ, կինոն միշտ պատմություն է, իսկ այն հետաքրքիր է, երբ նայում ենք մեր մասին։ Այդ պատճառով լավ է եւ ճիշտ փոխանակվել ֆիլմերով, որոնք ստեղծվել են հայկական եւ ռուսական հողերում»,- ասաց նա։

Ավելի ուշ NEWS.am STYLE-ի խնդրանքով Ռաֆայել Մինասբեկյանն անդրադարձավ հայկական կինեմատոգրաֆիայի ներկայիս վիճակին։ Մեր կարծիքով՝ բավական տխուր։ Ընդ որում, պարոն Մինասբեկյանը հուսադրեց. չէ՞ որ Մոսկվան եւս միանգամից չի կառուցվել։ «Ռուսական կինոն եւս լուրջ ճգնաժամ է ապրել, եւ միայն երեք տարի առաջ իրավիճակը սկսեց հարթվել։ Այժմ այն կարող է մրցակցել կինոարտադրությունների հետ, որոնք ամուր կանգնած են ոտքի վրա։ Օրինակ՝ հոլիվուդյան բլոքբաստերների հետ։ Ի դեպ, «Движение вверх» ֆիլմն ավելի շատ է հավաքել, քան «Կարիբյան ծովի ծովահենները»։ Եվ դա լավ է։ Բայց դա ինքնըստինքյան տեղի չի ունենում։ Իմ կարծիքով՝ արտադրությունը բարձրացնելու միակ հնարավորությունը պետական աջակցությունն է։ Ոչ ոք առայժմ ուրիշ բան չի մտածել։ Ֆրանիսայում, Բրիտանիայում, Գերմանիայում այդպես է. ամենուր ազգային կինեմատոգրաֆիայի կայացման համար պետության օգնությունն է հարկավոր։ Կինոյի ֆոնդը, որը ստեղծվել էր Ռուսաստանում, ռուսական կինեմատոգրաֆիայում ներդրումներ է արել այնքան ժամանակ, քանի դեռ այն չսկսեց ինքնուրույն աշխատել... Կինոն շատ թանկ արտադրանք է, այն չի կարելի անել քո հաշվին, արագ, ընդ որում այնպես, որ այն շքեղ լինի եւ որ բոլորը հավատան։ Նախ հարկավոր է ներդնել։ Եվ ես շատ ուրախ եմ, որ Հայաստանում մի քանի ամիս առաջ սկսվել է Կինոյի ֆոնդի ստեղծման գործընթացը։ Իմ կարծիքով՝ դա միակ ճանապարհն է, ճանապարհ՝ հաջողության ամենաբարձր հավանակությամբ։ Ես վստահ եմ, որ ամեն ինչ լավ կլինի»,- ասաց նա։

Ինչ վերաբերում է «Կինոյի շաբաթին». պատվավոր հյուրերի շարքում են այնպիսի հայտնի կինեմատոգրաֆիստներ, ինչպիսիք են դերասան եւ ռեժիսոր Ալեքսեյ Ագրանովիչը, դերասանուհիներ Վիկտորյա Տոլստոգանովան եւ Մարինա Պետրենկոն, ռուսական հեռուստատեսային եւ կինոպրոդյուսեր Ռուբեն Դիշդիշյանը, ռեժիսոր Ղեւոնդ Անդրեասյանը, նկարիչ Մարուսյա Պարֆենովա-Չուխրայը, դերասանական գործակալության տնօրեն Դմիտրի Սավելեւը։ Բացի այդ՝ նշենք, որ ֆիլմերի ցուցադրությունը տեղի կունենա Երեւանի եւ Գյումրիի հինգ հրապարակներում։ Կցուցադրվեն տարբեր ժանրերի 12 լիամետրաժ ազգային ֆիլմեր։

Ծրագրում

Ռեժիսոր Ա. Ֆեդորչենկոյի «Աննայի պատերազմը» գեղարվեստական ֆիլմը

Վավերագրական ֆիլմ ռեժիսոր Ալեքսանդր Բրունկովսկիից՝ «Մեծ Օդեսայի ինտոնացիան»

Այս սեզոնի ռուսական ամենավառ պրեմիերաներից մեկը՝ Մ. Իդովի «Հումորիստը» ֆիլմը

Սարիկ Անդրեասյանի՝ աղմուկ հանած ֆիլմը՝ «Չներվածը»

եւ այլ ֆիլմեր...

Միջոցառումները տեղի են ունենում ՌԴ մշակույթի նախարարության, Հայաստանում Ռուսաստանի դեսպանության, Երեւանում գիտության եւ մշակույթի ռուսական կենտրոնի, Մոսկվայի՝ արտաքին տնտեսական եւ միջազգային կապերի դեպարտամենտի՝ միջազգային համագործակցության կենտրոնի, ռուսական Կինոյի ֆոնի աջակցությամբ։

Աննա Սաթյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել