• Ռուսական կուլտային «ԴԴՏ» ռոք խումբը համերգով հանդես կգա Երեւանում

  Համերգը, որով խումբը հանդես կգա Երեւանում, առանձնահատուկ է, քանի որ 2020 թվականից հյուրախաղեր եւ մեծ համերգներ չի ունեցել…

• Կոչ եմ անում ժամանակակից հայ կոմպոզիտորներին օգտագործել իրենց ժառանգությունը՝ ժամանակակից ձևով. Կիրիլ Ռիխտեր

  Դաշնակահար և կոմպոզիտոր Կիրիլ Ռիխտերն ապրիլի 21-ին իր միակ համերգով հանդես կգա Երևանում՝ իր անսամբլի՝ Richter Trio-ի հետ։ Յուրահատուկ շոուի նախօրեին Կիրիլը կարճ բացառիկ հարցազրույց է տվել NEWS.am STYLE-ին, որում կիսվել է Հայաստանի երաժշտական ժառանգության, ժամանակակից հանդիսատեսի երաժշտական պահանջների, արհեստական ինտելեկտի սպառնալիքի և շատ այլ բաների մասին իր մտքերով...

• Սանկտ Պետերբուրգի հանրահայտ Imperial Orchestra-ն Երեւանում կներկայանա միանգամից երկու համաշխարհային շոուներով

  Սանկտ Պետերբուրգի հանրահայտ Imperial Orchestra-ն Երեւանում կներկայացնի երկու վառ համաշխարհային շոուներ՝ Cinema Medley «Interstellar»-ը եւ Cinema Medley «Oppenheimer»-ը․․․

• Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

  Երբ ուզում եմ ջերմություն եւ ժպիտ, դիտում եմ բլոգեր Մայիս Վարդանյանի տեսանյութերը․․․

• «Հայերը պետք է հասկանան՝ մենք փոքր ազգ ենք. պետք է միասին լինենք: Երբ միասնական ենք, մեզ չեն կարող կոտրել». Սաթի Սպիվակովա

  Բեմից իջնելուն պես հայտնի հաղորդավարուհին սիրով հանդիպեց հանդիսատեսի հետ, լուսանկարվեց ու նաեւ պատասխանեց լրագրողներին հետաքրքրող հարցերին…

• Yerevan Cocktail Week՝ գարնան գլխավոր խնջույքը

  Yerevan Cocktail Week-ը լավ հարթակ է տաղանդավոր բարմենների համար, ասում է Yerevan Cocktail Week-ի հիմնադիր եւ կազմակերպիչ, աշխարհահռչակ բարմեն եւ միքսոլոգ Գեղամ Ղազարյանը…

• «Մաշինա վրեմենի» հանրահայտ խումբը համերգ կունենա Երևանում

  «Մաշինա վրեմենի» խումբը, որն այս տարի տոնում է հիմնադրման 55-ամյակը, մեծ համերգային ծրագրով հանդես կգա Երևանում: Համերգը տեղի կունենա ապրիլի 13-ին, Կարեն Դեմիրճյանի անվան մարզահամերգային համալիրում...

• «Հասկացա, որ պատկանում եմ այս վայրին». հնդիկ գրող Արջուն Կրիշնա Լալը Հայաստանում իր արկածների մասին պատմող գիրք է գրել

  Հնդիկ գործարար, ժամանակակից գրող, Penguin Harper-Collins-ի հեղինակ Արջուն Կրիշնա Լալը Հայաստանում իր արկածների մասին պատմող գիրք է գրել՝ «Կյանք, Սեր, Գինի»…

Մայիսի 28-ին առաջին անգամ Երեւանում հանդես կգա «Գրեմմի» մրցանակի արժանացած ամերիկյան «Պարկեր» քառյակը:

Ոգեշնչող կատարումները, լուսաշող ձայնն ու բացառիկ երաժշտականությունը գրեմմիակիր «Պարկեր» քառյակի լավագույն բնորոշումներն են։ Հիմնադրվելով 2002թ.-ին՝ խմբին հաջողվեց արագորեն դառնալ իր սերնդի ամենանշանավոր անսամբլներից մեկը՝ տարբերվելով դինամիկ մեկնաբանություններով եւ հղկված ու ընդարձակ գունագեղությամբ: 2017-2018թթ.-ի իրենց խիստ ծանրաբեռնված, ողջ Հյուսիսային Ամերիկայով ձգվող շրջագայությամբ «Պարկեր» քառյակն ավարտեց Հարվարդի համալսարանում իր հյուր-անսամբլի 4-րդ տարելիցը։

Քառյակի 2018-2019թթ.-ի համերգաշրջանը, որը դեռ իր բուռն ընթացքի մեջ է, հանդիսատեսի ուշադրությունն է ներկայացնելու մի շարք համերգներ ԱՄՆ-ում եւ Եվրոպայում՝ ամենահեղինակավոր համերգասրահներում: Քառյակի վերջին նախագծերից են «Շուբերտի Էֆֆեկտը»՝ իրականացված «92nd Street Y» մշակութային կենտրոնում դաշնակահար Շաի Ուոզների հետ, ամերիկացի կոմպոզիտոր Ավգուստա Ռիդ Թոմասի լարային քառյակի պրեմիերան՝ Հարվարդի համալսարանում իրենց ամենամյա համերգաշարի շրջանակներում, ինչպես նաեւ ելույթները Քարնեգի համերգասրահում, Կոնգրեսի գրադարանում, Բաֆըլոյի Սլի համերգաշարը եւ Նյու Յորքի Լինքոլն համերգասրահի «Մեծն կատարողներ» շարքը։

«Պարկեր» քառյակը յուրահատուկ է նաեւ «Nimbus»-ի, «Zig-Zag Territoires»-ի, «Innova Records»-ի եւ «Naxos»-ի հետ թողարկած իր ձայնագրություններով։ Պարկերի՝ Մենդելսոնի Op. 44, թիվ 1 եւ 3 քառյակների՝ վերջերս լույս տեսած ձայնագրությունն արժանացել է միջազգային մամուլի բարձրագոչ արձագանքին։ Կարեւոր իրադարձություն էր նաեւ Բարտոկի թիվ 2 եւ 5 լարային քառյակների կոմերցիոն ձայնագրությունը «Zig-Zag Territoires»-ի հետ, որին հետեւեց Gramophone-ի գովեստը․ ««Պարկերի» Բարտոկի կատարումները ստեղծում են հանպատրաստի իմպրովիզացիայի հրաշք մի տպավորություն․․․ նրանք ամբողջությամբ կլանել են նրա լեզուն, տիրապետում են բավականաչափ ինքնավստահության՝ ազատ խաղալու երաժշտության հետ, ինչպես նաեւ այն հանդիսատեսին հասցնելու յուրահատուկ բնազդին»:

«Naxos»-ի հետ Գյորգի Լիգետիի լարային քառյակի համար գրված ստեղծագործությունների ձայնագրությունը 2011թ.-ին արժանացավ «Գրեմմի» մրցանակի լավագույն կամերային կատարում անվանակարգում՝ դառնալով վերջին քառյակը, որը մրցանակի է արժանացել այս անվանակարգում։ 2016թ․-ի ապրիլին Nimbus Records-ում թողարկվեց «Of Being is a Bird»-ի համար Ավգուստա Ռիդ Թոմասի գրած «Helix Spirals» ստեղծագործության ձայնագրությունը։

Քառյակը վերջերս համագործակցում է հայտնի ալտահար Քիմ Քաշքաշյանի հետ, ում հետ էլ այս համերգաշրջանի ընթացքում մի քանի ձայնագրություն կթողարկի։ Նրանք նաեւ հայազգի երաժշտի «Երաժշտությունը սննդի համար» նախագծի խոշոր աջակիցն են՝ ԱՄՆ-ում, հանդես գալով մի շարք համերգներով ի նպաստ սննդի կարիք ունեցող անապահով մարդկանց։ Գործընկեր այլ երաժիշտներից են ջութակահար Նադյա Սալերնո-Սոննեբերգը, դաշնակահար Անն-Մարի Մաքդերմոտը, Մետաքսի ճանապարհ անսամբլի անդամները, Տոկյո լարային քառյակի հիմնադիր Կիկուեի Իկեդան, կլարնետահար եւ կոմպոզիտոր Յորգ Ուիդմանը, ինչպես նաեւ կլարնետահար Չարլզ Նայդիխը։

Հիմնադրված լինելով եւ այժմ էլ գործելով Բոստոնում՝ «Պարկեր» քառյակն արժանացել է մի շարք մրցանակների, որոնցից են հաղթանակը համերգային երաժիշտների Գիլդ մրցույթում, Բորդոյի լարային քառյակի միջազգային մրցույթի Գրան Պրի եւ Մոցարտ մրցանակները, ինչպես նաեւ «Chamber Music America»-ի Քլիվլենդ քառյակի մրցանակը։ Այժմ հանդիսանալով Հարվարդի համալսարանի երաժշտության բաժնի եւ Հարավային Կարոլինայի համալսարանի երաժշտական քոլեջի մշտական երաժիշտներ՝ քառյակը նախաձեռնություններ եւ ելույթներ է իրականացրել նաեւ ԱՄՆ գրեթե բոլոր խոշոր համալսարաններում: Պարկեր քառյակի անդամները Նյու Ինգլընդի երաժշտական կոնսերվատորիայի եւ Ջուլիարդի երաժշտական քոլեջի շրջանավարտներ են, նրանք նաեւ անցել են Նյո Ինգլընդի կոնսերվատորիայի պրոֆեսիոնալ լարային քառյակի դասընթացը։

Քառյակի ամենանշանավոր ուսուցիչներից են Քլիվլենդ քառյակի սկզբնական անդամները, Քիմ Քաշքաշյանը, Գյորգի Կուրտագը, Զախար Բրոնը, Ռոբերտ Լիպսետը, Մարկ Շտայնբերգը եւ Ռայներ Շմիդտը։

Փառատոնն այս տարի սկիզբ առավ ապրիլի 29-ին բրիտանական «The Swingles» վոկալ խմբի համերգով, որին հաջորդեց Իվո Պոգորելիչի մենահամերգը: Մայիսի 28-ին ամերիկյան «Պարկեր» քառյակի (Parker Quartet) ելույթին կհաջորդի Ամադինդա հարվածայինների խմբի համերգը հունիսի 19-ին:

Հետևեք NEWS.am STYLE-ին Facebook-ում, Twitter-ում և Instagram-ում