Քաղաքում ապրող մարդու ու նրա խոհերի մասին է երիտասարդ գրող, կինոգետ Արամ Ավետիսի «Ճարտարապետական մուտացիա» նոր գիրքը, որի շնորհանդեսը կայացավ երեկ՝ մայիսի 25-ին, «Նոյյան տապան» գրախանութում: Հեղինակը նշեց, որ իր գրքի գլխավոր գաղափարն այն է, որ մարդ չպետք է լուծվի քաղաքային իրականության մեջ, այլ ընդհակառակը, պետք է ձգտի պահպանել անհատականությունը․
«Գլխավոր հերոսը ցույց է տալիս քաղաքային մերկ ճշմարտությունը եւ պատմում իր ճանաչած ճշմարտության մասին»։
Նա նշեց, որ գիրքը սկսել է գրել դեռեւս երկու տարի առաջ.
«Դա հետաքրքիր փորձ էր. ես և ընկերս` Երվանդ Մարգարյանը, որոշեցինք քաղաքի մասին իրար նամակներ գրել։ Ես գրում էի առավոտյան, նա ինձ պատասխանում էր երեկոյան։ Հետզհետե զգացինք, որ նամակների ոճն ու տրամադրությունը տարբեր են, եւ որոշեցինք, որ ամեն մեկը պետք է գրի իր գիրքը քաղաքի, մարդկանց ու նրանց խոհերի մասին»։
Արամ Ավետիսը պատմեց, որ գլխավոր հերոսի անունը «Այլախոհ» է․ «նա մի մարդ է, որն ապրում է քաղաքում, դժվարությամբ է պահում իր անհատականությունը քաղաքային մշակույթի մեջ եւ պայքարում է իր «ես»-ը չկորցնելու համար»։
Հարցին՝ արդյոք գլխավոր հերոսի նախատիպը հենց նա է՝ հեղինակը, Արամը պատասխանեց. «Հեղինակները հիմնականում իրենց ալտերէգոն են ստեղծում, եւ իրենց հերոսները հենց իրենք են»:
Ինքը՝ հեղինակը, գրել սկսել է 17 տարեկանից, թեեւ չի սիրում իրեն գրող կոչել, որովհետեւ մարդիկ դա համարում են մեծամտություն, սկսում են համեմատել անցած դարի գրողների հետ․ «Ես պարզապես գրում եմ: Երեւի գրել սկսում ես այն ժամանակ, երբ այլեւս չես կարողանում ինչ-որ մտքեր փոխանցել մարդկանց, որովհետեւ քո խոսքը հնչելիս կարող է շատերին տարօրինակ թվալ»:
«Ճարտարապետական մուտացիա» գրքի խմբագիրն Արամ Սարգսյանն է, դիզայնն արել է Մկրտիչ Մաթեւոսյանը:
Շնորհանդեեսի մյուս մանրամասները՝ NEWS.am STYLE-ի ֆոտոռեպորտաժում:
Սյունե Առաքելյան
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ