Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Քննադատությունների ու պլաստիկ վիրահատությունների մասին. «Հայաստանի գեղեցկուհի» Հայկուհին եւ «Վիցցե Միսս» Էմմանուելան մեկնաբանում են թեման

16:07, 29 մայիսի

Ինչո՞ւ «Հայաստանի գեղեցկուհի 2019» ազգային գեղեցկության մրցույթն այդքան քննարկվեց համացանցում, իսկ տիտղոսակիր գեղեցկուհի Հայկուհի Մաթեւոսյանը հայտնվեց մեկնաբանությունների թիրախում: Ինչպե՞ս է ինքը՝ Հայկուհին, վերաբերվում իր հասցեին ուղղված քննադատություններին, եւ ի՞նչ քայլեր են կատարելու առաջին եւ երկրորդ հաղթական տիտղոսներին արժանացած գեղեցկուհիներն առաջիկայում:

Այսօր՝ մայիսի 29-ին կայացած մամուլի ասուլիսի շրջանակում մրցույթի նախագահ Մամիկոն Դանիելյանը, «Հայաստանի գեղեցկուհի 2019» տիտղոսակիր Հայկուհի Մաթեւոսյանն ու երկրորդ մրցանակին արժանացած Էմմանուելա Գրիգորյանը պատասխանեցին նաեւ NEWS.am STYLE-ին հետաքրքրող հարցերին:

Մամիկոն Դանիելյանն անհետթեթ է համարում մրցույթի շուրջ ստեղծված տարատեսակ խոսակցությունները՝ նշելով, որ հաղթող գեղեցկուհուն ընտրել են ոչ թե կազմակերպիչները, այլ պրոֆեսիոնալ մասնագետներից բաղկացած ժյուրին: Մասնակից աղջիկների չափանիշները չեն տարբերվել մյուս գեղեցկության մրցույթների չափանիշներից: Ինչ վերաբերում է պլաստիկ միջամտություններին՝ նախապատվությունը տրվել է բնական գեղեցկությանը, սակայն եղել են քթի միջնապատի վիրահատություն կատարած աղջիկներ, ինչը Մամիկոնի գնահատմամբ՝ նորմալ է, քանի որ խոսքը առողջությանն է վերաբերում:

Հայկուհին ինքն էլ նշեց, որ միջանապատի վիրահատություն ունեցել է, սակայն արտաքին այլ փոփոխությունների չի դիմել:

«Ես պլաստիկ վիրահատության չեմ դիմել, ուղղված է քթիս միջնապատը, բայց շուրթերս լցրած չեն»,-հաստատեց Հայաստանի գեղեցկուhին:

Անդրադառնալով իր հասցեին հնչած քննադատություններին՝ մասնավորապես կապված «Լավ երեկո» հաղորդման ռեպորտաժի հետ («Մեկ կգ բամբա՞կն է ծանր, թե՞ երկաթը» հարցին Հայկուհին պատասխանել էր երկաթը) Հայկուհին հավելեց.

«Կարծում եմ՝ ոչ մի աղջկա համար էլ քննադատությունները հաճելի չեն, բայց մրցույթին մասնակցելով պետք է պատրաստ լինել թե դրական, թե բացասական մեկնաբանություններին: Անկեղծ կլինեմ՝ սկզբում այդ ամենի պատճառով, նույնիսկ, չեմ վայելել այդ օրվա հաղթանակս: Հետո հասկացա, որ կան շատ մարդիկ, որոնք ինձ աջակցում են, որոնց շնորհիվ այդ ամենից դուրս եկա: Հիմա շատ ուրախ եմ ու վայելում եմ հաղթանակս: Ինչ վերաբերում է համացանցում տեղադրված տեսանյութին՝ դա եղել է 2017 թ-ին, երբ մասնակցում էի «Միսս Հայաստան» մրցույթին, հումորային հաղորդում էր, որի շրջանակում մեզ հարցեր էին ուղղում եւ ես հնարավորինս փորձեցի հումորով պատասխանել հարցին: Սկզբում, երբ տեսանյութը տեսա համացանցում, ես էլ, ընկերներս էլ ծիծաղեցինք դրա վրա, բայց նման արձագանքի չէի սպասում: Ինձ ճանաչողները գիտեն, որ այդ հարցի պատասխանով չեն կարող տպավորություն կազմել իմ ինտելեկտի մասին: Սակայն յուրաքանչյուր մարդ կարող է արտահայտոել իր կարծիքը»:

Մամիկոն Դանիելյանն էլ տեղեկացրեց՝ աղջիկներն արդեն մտածում են իրենց տիտղոսն օգտագործել բարեգործական նպատակներով: Հայկուհին, օրինակ, նպատակ ունի առաջին քայլերը ուղղել անապահով ընտանիքներին աջակցությանը.

«Կարծում եմ՝ ցանկացած ոլորտում պետք է արվի բարեգործություն: Առաջին քայլերս կլինեն անապահով ընտանիքների հետ կապված, քանի որ մանկատներում, ծերանոցներում այդ աջակցությունն էլ ավելի շատ է, կան կազմակերպություններ, որոնք այդ գործով զբաղվում են: Անապահով ընտանիքներին աջակցելուց հետո կանցնենք արդեն մանկատներին եւ ծերանոցներն»:

Էմմանուելան շարունակելով նույն միտքը՝  նշեց.

«Ես մրցույթի շրջանակում արդեն ասել եմ, որ իմ նպատակը հաղթանակն էր, բայց գերնպատակս՝ ձայնս լսելի դարձնելը: Չեմ սիրում դա բարեգործություն անվանել, պարզապես սիրում եմ օգնել մարդկանց: Երեւի իմ բարեգործությունը կինի ուղղված ծանր եւ լուրջ հիվանդությունների բուժման աջակցությանը: Այս պահին չունեմ ռեսուրսներ օգնելու համար, բայց կցանկանայի բարձրաձայնել այդ խնդրի մասին: Առհասարակ, կցանկանայի այս աշխարհից հեռանալ՝ իմ հետեւից ինչ-որ բան թողնելով»:

NEWS.am STYLE-ի հարցին՝ արդյոք գեղեցկության մրցույթներին մասնակցելն ու տիտղոս նվաճելը երազանք է եղել, աղջիկները պատախանեցին.

«Երազանք ասել չեմ կարող, բայց երբ առաջին քայլս արեցի 2017 թ-ին այս ասպարեզում եւ հայտնվեցի միայն top 10-ում, ինքս ինձ ցանկացա պատրաստել, եւ այլ մրցույթի մասնակցելով հաջողության հասնել: Ցանկացած մրցույթի մասնակցում եմ մի նպատակով, որը հաղթելն է, ու այս անգամ ստացվեց»,-նշեց Հայկուհին, իսկ Էմմանուելան հավելեց.

«Անկեղծ ասած՝ չեմ պատկերացրել, որ մասնակցելու եմ գեղեցկության մրցույթների: Ոչ թե չէի ցանկանա լինել գեղեցկուհի, ուղղակի միշտ ինձանից հեռու էր մրցույթներին մասնակցելու միտքը: Ինձ համար էլ էր զարմանալի որոշումս, երբ ցանկացա մասնկցել այս մրցույթին»:

Աղջիկները նշում են՝ մրցույթի մյուս մասնակիցների հետ մտերմությունը մինչ օրս շարունակում է, իսկ ինչ վերաբերում է մրցույթից ունեցած ձեռքբերումներին՝ Հայկուհու խոսքով դրանց գումարվել է նաեւ պատախանատվության մեծ զգացումը.

«Մրցույթն ինձ տվեց առաջ գնալու հնարավորություն, բացի այն, որ Հայաստանը կներկայացնեմ այլ մրցույթներում՝ տվեց նաեւ ճանաչում: Այն, որ ես եմ ներկայացնում հայուհու կերպարը, ինձ համար պարտավորեցնող է»:

Մամիկոն Դանիելյանի խոսքով՝ իրենք անելեւ են հնարավորինս, որպեսզի աղջիկների ձեռքբերումները չսահմանափակվեն միայն մրցույթին մասնակցելով: Այս պահին բանակցում են նաեւ միջազգային կազմակերպությունների հետ, որոնք հնարվորություն կընձեռեն հայ գեղեցկուհիներին ներկայանալու նաեւ միջազգային հարթակներում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ