Իքս մարդիկ։ Խավարի փյունիկ
Սա կինոֆրանշիզի վերջն է FOX ստուդիայի մուտանտների մասին, որն սկսվել է հեռավոր 2000 թվականին։ Դրանից հետո մուտանտներ տեսնում ենք միայն «Մարվել» կինոտիեզերքում։
Ջին Գրեյը անհավանական գերկարողություններ է ձեռք բերում, որոնք փոխում են նրան եւ վերածում Անհայտ Ֆենիքսի։ Հիմա Իքս մարդիկ ստիպված են որոշել՝ ինչն է նրանց համար ավելի կարեւոր՝ թիմի անդամի՞, թե՞ աշխարհում ապրող բոլոր մարդկանց կյանքը։
Պրեմիերան՝ հունիսի 6-ին։
Ռոքեթմեն
Ֆրեդի Մերքուրիի մասին օսկարակիր նախագծից հետո մեզ հնարավորություն են տալիս ավելի լավ ճանաչելու Էլթոն Ջոնին։
Սա ամաչկոտ տղա Ռեջինալդ Դուայթի, փոքրիկ քաղաքի տաղանդավոր դաշնակահարի՝ համաշխարհային փոփ-երաժշտության գերաստղի եւ կուլտային Էլթոն Ջոնի վերածվելու պատմությունն է։
Էկրաններին է հունիսի 6-ից։
Սեւազգեստ մարդիկ. Ինթերնեշընլ
Մենք բոլորս հիշում եւ սիրում ենք «Սեւազգեստ մարդկանց»՝ գործակալներ Քեյին եւ Ջեյին, որոնք վերահսկում էին Երկրի վրա այլմոլորակայինների գործունեությունը կազմակերպությունում։ Հիմա ֆրանշիզը, այսպես ասենք, ընդլայնվել է։ Այս անգամ համաշխարհային հանրության համար ամենամեծ վտանգը, որին պետք է դիմակայեն գործակալները, լրտեսն է իրենց շարքերում։
Դիտեք կինոթատրոններում հունիսի 12-ից։
Խաղալիքների պատմությունը 4
Ամենաերկար սպասված շարունակություններից մեկը ողջ խաղալիքների մասին պատմությունն է, որը 1995 թվականից նվաճել է աշխարհը: Յուրաքանչյուր «սերիայի» հետ այն ավելի լավն է դառնում: Անձամբ ես շատ եմ սպասում իմ մանկության տարիների այդ մուլտին, որը նկարահանել են Pixar ստուդիայի տաղանդավոր մուլտիպլիկատորները:
Այն պահից սկսած, երբ Էնդին քոլեջ է ընդունվում, խաղալիքները բնակություն են հաստատում իրենց նոր տիրուհու՝ Բոնիի տանը, որը պատրաստվում է մանկապարտեզ գնալ: Մանկապարտեզում առաջին օրը կսզբնավորի իրադարձությունների հերթագայությունը, որտեղ տեղ կգտնվի ե՛ւ հետապնդումներով ճանապարհորդությունների, ե՛ւ նոր խաղալիքների հետ ծանոթությունների, ե՛ւ մի քանի հին ընկերների հետ հանդիպումների, ե՛ւ անգամ ռոմանտիկ պատմությունների համար:
Էկրաններին կցուցադրվի հունիսի 20-ից:
Անաբելի նզովքը 3
Մեր ժամանակներում անչափ սակավաթիվ են պիտանի սարսափ ֆիլմերը, եւ այս իմաստով Ջեյմս Վանի ստեղծած սարսափների տիեզերքը որակի կղզյակ է:
Լցվելով Անաբելին հետագա ավերածություններից ու քաոսից հետ պահելու վճռականությամբ, դիվաբաններ Էդ եւ Լորեյն Ուորենները դիվահարված տիկնիկին բերում են իրենց տան արտեֆակտների կողպված սենյակ՝ նրան դնելով «հուսալիորեն» լուսավորված ապակու տակ եւ ստանալով հոգեւորականի օրհնանքը: Սակայն սարսափի անթափանց գիշերը սպասում է տան բնակիչներին, երբ Անաբելն արթնացնում է սենյակի չար ոգիներին…
Պրեմիերան հունիսի 26-ին:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար